mcjohnjohn

小弟覺得, 大褸同短裙都要入啦!
你問LYK班蛋散有鬼用咩, 話明係蛋散, 即話係冇用架啦! 你慳番啖口水去問下個sales 大褸同短裙一齊買可唔可以比多個discount 你好過啦~

mcjohnjohn

暫時係無人講過global warming....
大C姐 發表於 2010-2-3 15:36

乜唔係討論買大褸定係短裙咩?...

mcjohnjohn

香港時間。星期三下晝四點幾。實情你嚮邊度做緊乜野。
playingtoy 發表於 2010-2-3 16:13

我用緊20%時間做task A, 30%時間做task B, 40%時間做task C, 仲有10%時間去輕鬆一下.

mcjohnjohn

其實好多人都話地球好危險(古sir都係咁講)﹐話其實已經去到返唔到轉頭嘅地步。若然﹐D科學家真係講到咁暗然﹐不如今天有酒今天醉啦﹐反正就算搞環保都搞唔切啦﹐橫死惦死係咪要諗吓點死最值得?

-- 依然大起大喝大C ...
大C姐 發表於 2010-2-4 13:43

地球好危險... 呾返去火星law...
算把啦, 我地呢d 蟻民又點會完全了解地球既情況有幾咁嚴重woh.
如果想對呢個世界有少少貢獻既話, 就可以考慮生活得"環保"d law. 今朝有酒今朝醉都唔係唔得既, 但係小弟就覺得雖然自己做唔到d 乜野, 但做少少都好過乜都唔做呀~

mcjohnjohn

而家D人話返唔到轉頭呀﹐你以為用少兩個膠袋北極會突然凍翻結翻冰咩?

我哋呢D三姑六婆唔係話唔環保﹐但係既然都講到咁灰咁極端﹐都唔係三五十年內就改善到。到時可能已經陸沉啦。

不過而家做環保自係叫做令自己 ...
大C姐 發表於 2010-2-4 15:01

用少兩個膠袋, 總比好過都唔做丫.
買少一兩件衫, 生活盡量簡樸少少. 食野可以少肉多菜, 就可以唔駛養咁多家畜家禽, 減少CO2 既排出.
慢慢黎啦, 地球冇咁快被打殘既, 唔駛咁快就諗住著草返火星woh.

環保, 由日常生活開始, 慢慢做啦.

mcjohnjohn

你講呢D三毫子一擔理論我唔敢話你錯﹐但係好似我之前講﹐心理上幫助多過實際上囉。

因為市面不停講30年後雪山無雪﹐邊度邊度陸沉﹐咩地方會唔住得人。但係無人講過用少D膠袋有咩後過呀嘛。至少我無曾聽過人講"用少五成膠袋北極熊生存多50年"之類。D人花咁多錢去嚇我哋但係無具體講到數字我哋做咩係可以實際幫助到﹐我覺得有D揾笨囉。

大C姐 發表於 2010-2-4 15:47

C姐, 有時三毫子一擔既理論係好重要架! 好似果d 孝順父母, 尊敬師長, 愛護弟妹, 都係三毫子一擔既理論, 亦都唔會有人講比你聽"孝順父母就令你家庭幸福幾多個%". 如果乜野都要數據, 乜野都要proof, 咁呢個世界好多野都唔駛理. 果d "善有善報, 惡有惡報" 邊有人可以prove? 有冇人具體講到數字我知行善點樣有善報呢?

你d 我行我素打死擺就既心態我唔敢話你錯, 但係好似我之前講, 為地球出番少少力點都有d 用既, 積少可以成多, 聚沙可以成塔.

mcjohnjohn

你"又"捉錯用神....

我係話好多(偽)科學數據用好嚇人嘅數字﹐好肯定嘅聲音﹐好強捍嘅語氣不定話個世界將會點點點點...(只有downside無upside) 但係你做得呢D projection﹐點解你唔做一個比較﹐你話到俾人聽如果我哋環保D﹐做D咩嘢﹐數字上會有D咩改善會唔會effective D呢? 你一味叫人慳D﹐其實已經好慳架啦﹐世界艱難邊個想多用電多用水呀。
大C姐 發表於 2010-2-4 16:15

小弟覺得, 如果而家咁情況繼續咁落去, 地球會遲早玩完的. 為左我地既後代, 我地有"責任"去善用而家既資源.
好多野都好難project, 正如香港既高鐵咁, project 個客運量已經比人話錯哂, 更何況而家係講緊成個地球? 係人都想有數字, 我都好想知道如果繼續咁落去, 地球可以捱到幾多年, 不過, 你真係覺得有人會答到你咩(而個答案又要準確架woh)? 咁而家冇concrete 既figure, 係唔係可以乜都唔駛做呢?
至於係唔係一味慳, 睇下你點睇個"慳"字. 有人會慳水慳電就覺得自己好環保; 有人又like 廢物分類回收; 有人又會少食肉多食素. 有好多方法令環境好d, 每個人都有權去選擇適合自己既一套. 當然, 你可以選擇乜都唔做, 繼續你既精采繽紛既生活, 亦都冇人吹得你脹.

小弟做野好簡單, 最緊要過得自己過得人. 而家我生存o係呢個世界係我既幸運, 我亦都想我既後代(唔一定係自己既仔孫)生活既環境可以好一d, 我講完喇.

mcjohnjohn

咪就係死得囉﹐左腦係控制邏輯思考﹐無左腦的話就靠晒右腦去胡思亂想。所以D蛋散先個個都會盲目去相信D偽科學之嘛。

-- 抽C剝揀
大C姐 發表於 2010-2-5 15:32

有科學家話, 如果無左腦既話, 右腦有capacity 可以takeover 左腦既功能, 係唔係要大C姐親自抽C剝揀一下?...

mcjohnjohn

我覺得你係絕對岩﹐但係我有時都懷疑好多呢D所謂研究其實有其他動機同想呃funding嗟。

當然﹐每個人都想環景好D啦﹐其實可以做都做左架啦﹐但係好多"真環保"嘅動作一般人係接受唔到囉。你要我洗少兩機衫都死。

同埋民以食為天﹐我環保極都鬥唔過鵝肝同烏魚子嘅魔力...

-- 為食達人大C姐
大C姐 發表於 2010-2-7 14:01

咁如果你真係覺得自己已經做左d 野幫助保護環境, 咁就最好不過啦~
總之, 呢個地球大家都有份, 希望大家可以善用同珍惜資源law.

mcjohnjohn

自己覺得同現實係2回事
快樂牛郎 發表於 2010-2-8 12:01

咁冇計架woh, 真相呢d 野, 我地小市民又點會知得一清二楚丫. 正如大C姐話齋, d 專家講既野都可以係昆人, 咁應唔應該信佢地woh.
邊個都唔信得既話, 唯有信自己, 做好自己, 咁應該都唔會死錯人的!