mcjohnjohn

死者已矣, 希望佢早日安息啦.
小弟都去過明愛醫院睇急症, 條路都真係幾騎呢, 平常人都應該會唔識路.
而家既社會同舊時好唔同, 好多人都選擇按本子辦事, 少做少錯, 如果唔按章工作, 要揹鑊就大劑. 話時話, 小弟真係好少見有醫院人員跑出醫院去距離多過一分鐘行程既地方救人既.

mcjohnjohn

抬入醫院? 萬一抬抬下個病人死左, 跟住第二日某某日報大字標題話"好心做壞事 有救變無救 心臟病病人無辜慘死", 咁抬個病人果班友仔都幾慘. 最好都係call 白車, 跟住搵下附近有冇人識急救好D.

唔好咁話牛哥啦, 牛哥佢只係現實少少, 我諗好多人都係覺得自己比別人重要的.

mcjohnjohn

原帖由 Lik 於 2008-12-23 00:56 發表
麥莊莊呢隻心理同 Bowtie憎、（唔使）問責局長、同公務員果D "少做少錯、唔做唔錯" 嘅心態咪又係完全一樣？！唔怪之得成個香港今日折墮得咁緊要...

係人都會有多少自私，但自私得來都要睇情況掛？響於己無害嘅情況之下都見死不救，咁呢D又算係咩人呢？

-力

"少做少錯, 唔做唔錯", 呢句小弟時常同自己講既野. 而家做project, 真係做多一D, 個客又會challenge多一D, 都係根番個spec 去做就最好.

講番個case, 如果小弟在場, 我諗我都係會打999報警, 之後就唔知可以做到乜野了.

mcjohnjohn

原帖由 Lik 於 2008-12-23 03:04 發表
眼見近日香港所發生嘅事，整個城市變得越來越折墮卻真係不爭嘅事實。

由上至下，全民都抱住呢個 "少做少錯、唔做唔錯" 嘅心態，有咩事就擘大喉嚨同阿爺叫救命，再唔係就歎開手板問阿爺儸錢。好喇，到受唔住輿論壓力嘅時候就出來道個歉，但責就唔使問，花紅就照收。明愛呢鑊係咁，泰國（無）包機果鑊係咁（記憶中阿憎好似咩都無講過，淨係得件唐唐出來廢up話要 "集體（唔使）負責"），生果金係咁，警權過大、濫用警權又係咁，處理三聚氰氨事件都係咁！總之爆親鑊就鑊鑊新鮮鑊鑊甘！試問咁樣唔係折墮又係乜野呢？

昔日香港人腦筋轉數最快，最曉得變通。估唔到今時今日回歸十一載，港人卻竟然好學唔學，只懂得 "安守本份、少做少錯" 呢條新金科玉律。以前事頭婆雖然只係教我地點樣去做一班好嘅技術性官僚，但係都無好似依家咁卸膊同縮骨...

咁又唔係個個都係"少做少錯、唔做唔錯"既, 公事上可能係咁(好多人要保住飯碗的), 但o係其他方面, 香港人都好有愛心架.
近掛爆左好多鑊, 但都唔算好甘, 香港人頂得順既, 因為我地不嬲都逆境自強.

"安守本份、少做少錯" , 係一D為求安穩既人既心態. 當人開始滿足自己既生活, 就會開始諗住點樣可以保持現有既生活質素. 當然, 香港仲有好多人係積極進取的.