屋企人... 蛋, 哈哈, 地球, 蛋, 哈哈, 地球

ayako

今日路過麗晶, 我企o係個蛋撻架前, 望住樣樣得返一兩個既蛋撻,
老細友善地硬銷:「係咪買蛋撻呀, 呢度剩返七個, 六蚊比晒你啦, 有你著數~」
我不禁莞爾:「其實我唔駛要咁多個呀~ 一個就ok 啦~」
老細仍然好好態度:「我以為你買返去比屋企人食丫嘛~」
我為免事情變得複雜:「.... 哈哈, 今次唔係呀...」

唉~ 屋企人... 呢三個字... 對我來講... 好遙遠...
因為... 隔左半個地球呀陰功...... =.=

ayako

imvitasoy: 唔係... 只係少少感觸o者... 我同家人關係其實唔太好架... 我只係諗: 點解我唔係果d 移左民十幾廿年既人呢...? 唉.......
some 叔: 如果係老友記們, 當然好啦, 但如果講到我住緊既呢度, 算吧啦.....

ayako

pkphilip: 不如籌備halloween party...? 我見出面好多舖頭都賣緊halloween 野了... 不過好似早得有d 恐怖...哈哈~
ricrick: 都估到你會咁講.... =.=
mcjohnjohn: 這是好事呀, 不是嗎? ^^
lo_pak: 我其實有時都覺得自己好似果d 雙非衝落香港求定居或待遣反咁, 只係地方唔同o者, 果種不滿現狀力求改變既心態我諗差唔多... 唉~ 所以都幾可悲... 原來我同雙非無分別.... (btw, 好啦, 我又係時候改改singature 了...)

ayako

哈哈~ signature 本來唔係呢句既, 都係再改~~

不過, 講真, 如果我o係hk好好地, 又點會無啦啦放棄所有去到咁遠玩restart 丫...  咁大轉變你估好好玩咩真係... 個動力梗係好大先做到... 所以呢.... 難免有時又會空想蝴蝶效應發作...

ayako

學下你
samsung 發表於 2012-8-22 11:03

失鐘失去時間, 失蹤得到時間.
真正失蹤, 才可以得到屬於自己的一句鐘.

正所謂: 一失足成千古恨, 一失蹤成一個人.
共勉之~~