香港人買樓的故事 香港人

大C姐

hello大家新年快樂。

新一年唔知有幾多LYK會選擇置業。對一班做嘢無耐又無"後台"嘅年輕人嚟講﹐買樓真係一個好大嘅investment。但係如果你係香港人的話﹐呢個好可能係一個遙不可及嘅夢想。事源2008年開嘯開始﹐好多人都話要趕上車。點知未夠一年﹐由低處未算低(好多人身家蒸發7成)到樓價再創新高﹐好多人連架車個門都無見過。尤其政府對打壓樓價一直無任何動機﹐好多中產小家庭都自覺買樓無望。

當然﹐好多人持住不同意見。現今自稱80後嘅一群人都為置業好懊惱。其中呢個article嘅事主都講中好多人心聲﹕

"80後慨嘆置業困難
(明報)2010年1月2日 星期六 05:05

【明報專訊】「80後」的陳小姐（左）移民外國10多年，近年返港工作，昨日首次參加遊行。她說，遊行目的主要希望爭取普選    及民主，加上內地異見人士劉曉波因言入罪，亦令她擔心失去言論自由。除了政治議題，任職銀行的她認為政府在照顧基層方面做得不足，特別是住屋問題，私人市場樓價飈升，亦有不少人不合資格住公屋，政府應協助他們解決這需求。

陳小姐坦言自己亦有難題，她現時與家人同住，但日後組織家庭時也想置業，月薪卻只得萬餘元，最便宜的樓售價都要逾100萬元，擔心根本無法「上車」。她慨嘆，像她這樣的80後，生活擔子較上一代重，現時大學畢業投身社會，人工比上一輩少一大截，但面對的競爭卻愈來愈激烈，既要跟外國比，又要跟內地爭；物價亦不斷升，新一年交通費增加，但許多基層的薪金加幅不能夠追上。她說，政府不是無盈餘，故希望政府新一年多協助市民解決這些問題。"

當好多人話樓價同平均人工不合比例之際﹐我亦見到有部份香港網民反駁﹕

"年薪廿萬，100萬樓只需要5年人工便可以買斷一間姑婆屋。(唔洗住唐樓洋樓，新界近港鐵站大型屋苑都係賣緊咁既價錢，例如嘉湖,金獅都係賣緊110萬)

如果公一份婆一份，只需2年半，

分20年供，買樓有何難呢?"

(quote自discuss)

我自己就覺得如果結婚後兩份(普通)人工的話﹐其實要供200多萬樓係唔算太難。當然首期會係真係最頭痛一環啦。但係又講﹐好多香港人其實出身後/結婚前都係同屋企人住。家用除左真係幫補屋企其實好多父母都會幫自己仔女儲起D錢。一般小康之家﹐我諗做十年嘢點都儲到多少掛? 我唔知有幾多人真係諗過買樓﹐我想聽一D真實嘅買樓故事﹐成功或失敗。


-- 80後大C姐

大C姐

大學畢業依家響香港搵到幾多錢？普通來講應該搵唔到 $15000 一個月囉。

我唔知道大學畢業後五年要搵到年薪廿萬（月入萬七）有幾難，但可以肯定嘅係，就算真係年薪廿萬，身處香港地，你估平時唔使使錢咩？淨係搭車同 ...
Lik 發表於 2010-1-3 18:38

當然200幾萬就唔會係港島區港鐵地段啦﹐但係遠極都有巴士小巴掛? 其實好多地放真係唔算好遠﹐好多朋友住大埔返中環都係45-50分鐘到﹐我覺得可以接受囉。

同埋香港生活可貴可平﹐除非你真係要養起頭家上有高堂下有細佬妹要供養﹐咁無得好講啦。但係亦唔係個個80後都要養家﹐就算要俾家用﹐都平過自己出去租地方掛?

-- 慳家C

大C姐

3# 快樂牛郎


"睇左鏗鏘集 ~ 家庭月入$25,000 都怨天怨地,嫌三嫌四 E-mail 此主題給朋友

我又咪係同佢地一樣, 家庭月入$26000
04年兩個人plan 08年結婚, 兩個人月入$15,000供1.1M樓
09年兩個人月入$26000　1.9M賣出換2.8M樓
我地都below30, 就來有ｂｂ,我覺得都係高不成低就, but比上不足比下有餘, 從不怨天尤人, 先苦後甜....呢一代80年後出生既港男港女...唔該....反省下啦...."

原本我都好似Lik哥覺得香港80後買樓夢碎﹐但係望一望溫市D樓價﹐都唔係爭好遠....

大C姐

小弟就係果d 有少少能力買樓, 而又唔想比層樓影響自己生活既人.
所以, 幾年前只係用左under 200萬去買左一層唔係地鐵沿線既樓(要行十幾分鐘先到新界區某地鐵站). 而家一個月供5千幾, 係家庭收入既x%(x係個位數), 不 ...
mcjohnjohn 發表於 2010-1-3 19:02

Exactly my point. 我再三思之後覺得﹐你點都有選摘囉。我本人覺得你係咩階層就做翻咩階層嘅人。住新界係唔會死人。逼巴士都唔係罪惡。你係萬幾人工就係萬幾蚊生活囉﹐比上不足比下有餘。你真係想置業﹐點都有D取捨﹐租地方係可能方便D(好多人租得起半山)﹐但係要求降低買樓亦唔係無可能。

-- 疊水C大姊

大C姐

200幾萬完全係affordable
果D咩醫生律師買唔到樓既說話
根本目的就係挑起市民對政府既不滿

成班香港人買樓都係為炒
如果你而家話香港樓市未來30年都唔會再升
仲有幾多人真係想上車 ...
快樂牛郎 發表於 2010-1-3 19:20

EXACTLY又係我想講個point。好多人買樓又要平又要喺短時間賺到錢。

其實你真係買一間afford到嘅樓﹐起碼賺左住﹐到你換樓又會有多D本去換大間D。

大C姐

每個人當然要對自己負責任，但政府又何嘗能夠逃避對自己廣大市民嘅職責？只係瘋狂右傾，眼裡面只有大資本家而無晒小市民，咁又算係點？Obama 都識講 Main Street 無好日子過嘅話，Wall Street 亦都唔會有好日子過。 ...
Lik 發表於 2010-1-3 19:42

Obama都係得個講字... 美國好多家庭連菜都買唔起(food inc.)。

不過我都覺得香港係太側於幫大發展商賺錢。無疑﹐要有錢賺個城市先會進步﹐有出產。但係基層生活落差亦唔可以太大。之前一百萬人的故事都講過啦。

大C姐

Big sister is 80's after??

Well .. anyway ..  sigh ..
Catpiano 發表於 2010-1-3 23:13

我成熟唔代表我老﹐我幾時講過我幾多歲? 我點解唔可以係80後呀?

-- 堅持80後C小姐

大C姐

不過"趕上車"呢句說話真係聽左好多年﹐其實好old school。80年代咪一樣有好多人話要賺多D﹐趕上尾班車﹗ 聽左咁多年﹐其實問題一直都在。不過近年D"豪宅"多左﹐拉高左個average﹐咪覺得好似好惡化。

其實無人買得起豪宅﹐發展商就會退而求其次。

大C姐

大C姐, 咁你有冇諗過"趕上車", 快d 嫁左去?...

講番地產, 果d 幾萬蚊呎既超級豪宅, 應該唔係普羅大眾afford 得起. 不過, 有d 萬零蚊呎既樓, 小弟都有d 朋友住緊, 感覺上唔算好豪, 小弟都係覺得住別墅果d 先算豪.  ...
mcjohnjohn 發表於 2010-1-4 01:17

我唔洗趕上車﹐出入有司機車我再唔係自己渣都得。

我無住過亦無諗過要買"假豪宅"﹐自己就住開獨立別墅。


-- 金C雀

大C姐

香港人買樓的故事﹐估唔到幾日時間已經有過百留言﹐證明真係好多人諗過呢個問題。不過大家唔好太離題﹐鍾意喺邊度住係個人選擇。更加上我想講嘅係一般香港人要買樓究竟幾艱難﹐因為絕大部份香港人都唔會又或者無資格移民。

當然﹐雖說我自己係鍾意買樓﹐但係又明點解有D人有錢都唔想買樓。以下兩個case﹐一個溫哥華一個香港﹐同大家分享下。

case one

Vancouver我識得一對gay couple﹐兩個都大概30歲﹐收入不俗﹐典型Yaletown yuppies。佢哋無結婚但係同居6-7年﹐唔打算有小朋友﹐淨係得兩隻狗仔。雖然有聯名儲錢﹐但係一路都無買樓。因為好耐之前已經覺得手囉住十萬八萬加幣流動現金﹐不如將D錢滾大。一來你D錢放落層樓都未必一定升﹐而且亦唔係一勞永逸。每個月都要俾management fee (apartment)﹐每年又要property tax。如果有首期不如趁後生投資一D高風險嘅investment﹐回報會高D。

case two

我又識得3個香港典型80後新事業型女性。佢哋每人大概月入4-5萬不等﹐加埋秘勞有時月入過8萬。幾個女仔每人出一皮嘢港銀租半山區某某花園﹐真係綽綽有餘。中環返工搭小巴又得﹐搭的士都唔洗幾十蚊。除左方便之外﹐幾個又可以夜夜笙歌。但係如果要分開儲錢買樓﹐都唔知買到D咩。


-- 中產代言人C小姐