大C姐

丁蟹 crossover 柴九
ricrick 發表於 2012-10-5 11:48

丁蟹（鄭少秋）係地產霸權渣fit人，有＂丁氏力場＂操控住個市。與此同時，九姑娘（鄧萃雯）係黑社會大家姐，佢同手下柴九（黎耀祥）幕後同丁蟹有生意來往，但關係時好時壞。

丁蟹小老婆（關菊英）為佢生咗幾個仔所以一直得寵。不過關菊英恃寵生驕同個契家佬（阮兆祥）想從中取利穿櫃桶底，簡接令九姑娘同丁蟹關係緊張。大婆（李司棋）趁丁蟹同小老婆決裂，就推三位千金（黎姿，蔡少芬，邵美琪）入公司插旗。

點知李司棋同前夫叉燒丙（劉丹）生嘅私生子官家仔（林峰）同女友Miss Koo（鍾嘉欣）想同親生阿媽相認。呢件事俾關菊英知道咗就要脅李司棋。李司棋個妹米雪睇唔過眼就同關菊英鬥過你死我活。點知連嫲嫲（李香琴）都知道呢件事，就聯同關菊英想趕李司棋一家出公司。關菊英仲喺廁所一巴掌刮到李司棋連眼鏡都飛埋出嚟。

鄭少秋公事上對頭人Terence（陳豪）係另一個地產商接班人，利用心戰同鄭少秋交鋒。點知Terence嘅手下，包括黃德斌同簡慕華，都係佢自己幻想出嚟。由於想攞機密資料，就借機會親近李司棋大女邵美琪，當中會同公司另一同事林保怡有一段糾纏不清嘅四角戀，因為陳豪其實係鍾意女明星Chloe（佘詩曼）。

佘詩曼係動作片國際巨星，但係其實背後佢嘅替身係丁蟹公司冇權冇勢嘅細女蔡少芬。蔡少芬分身一邊做千金小姐，一邊做＂飛女＂Janet Bin。

因為一個訴訟令丁蟹身敗名裂，幫小市民告地產霸權就係王思苦同Law霸（胡杏兒，鄭嘉潁）。胡杏兒利用好朋友（陳敏之 ）靠近九姑娘取丁蟹犯罪證據。陳敏之正係九姑娘其下夜場當紅舞小姐索腿天后。胡杏兒同鄧萃雯聯手打挎鄭少秋要佢坐監，鄭少秋不堪壓力先推自己啲仔落樓，再自己跳樓自殺。其間陳敏之被鄭少秋殺害，鄭嘉潁因為幫胡杏兒頂妨礙司法公正罪坐監。

丁蟹公司後其由失散多年流浪馬拉嘅細佬（萬子良）接管。萬子良原本冇錢，同老婆（恬妞）去咗香港之後就由忠變奸，仲棄糟糠。［註：髮型亦有改變］恬妞最後俾人強姦。萬子良同龍兄鼠弟（張衞健）一夜變富豪，仲成立賭場，其中遇上兩個賭鬼（宣萱，歐陽震華）。宣萱同歐陽震華原本都係律師，與陶大宇同陳慧珊等係好朋友經常去中環老蘭飲嘢，但係俾林保怡逼害最終染上賭癮。宣萱師父乃係Miss Mo（鄭裕玲），同萬子良相戀，可惜最終成植物人，萬子良大叫so what並且患上狂燥症。

萬子良個仔一元（呂良偉）同個女（袁詠儀）睇唔過眼就決意入公司幫手。呂良偉外母（薛家燕）係一代酒廊歌手，老婆（戚美珍）知道一元一直鍾意Angie（郭可盈），但係郭可盈與刑事偵緝警察（陶大宇）有一段感情線。其中郭可盈失憶，陶大宇幫佢回復記憶。

袁詠儀有一個做飛機師嘅老公（馬德鐘），工作上一即比不上同事Sam（吳鎮宇），而且連前妻（陳慧珊）都鍾意咗吳鎮宇。最後馬德鐘不堪壓力自殺，陳慧珊崩潰。吳鎮宇與工作夥伴（吳卓羲，黃宗澤，馬國明，陳鍵鋒）亦不咬弦。其中吳卓羲同陳鍵鋒係情敵，一齊追同屆同學（葉璇）。黃宗澤有個野蠻老母（汪明荃）專同Gigi姐（黃淑儀）鬥氣。馬國明做唔成飛機師轉做醫生邂逅魚仔（楊怡），同洋蔥（羅仲謙）争楊怡。

楊怡染上不治之症，個鼻越生越長症，馬國明替佢做手術。楊怡同母異父嘅妹妹（黃智雯）係一個衝鋒隊督察，亦鍾意馬國明不過決定譲愛。黃智雯工作上不滿手下衝鋒隊警長牛奶糖（周麗淇），但係冤家最後成好友。周麗淇因為腳部受傷所以返去幫屋企豉油廠生意。因為對抗萬子良地產霸權收地，邂逅狼君（黃浩然）。

那邊箱九姑娘被手下Laughing哥（謝天華）出賣，就喺九姑娘要被捕之際，柴九一搶殺咗謝天華。九姑娘同柴九洗盡元華，浪跡天涯。謝天華最終復會。

大C姐

TVB啲劇無論係古裝民初或時裝都係ABC橋段，離不開大家族勾心鬥角，３／４／５角戀，一哭二鬧三上吊。唔洗專業作家都寫得出呢啲劇情啦。


我仲可以寫埋個Part 2。

大C姐

第二部由一個演出意外開始。國際動作女星Chloe（佘詩曼）喺一部電影拍攝期間發生嚴重事故並累及替身Janet Bin（蔡少芬）。此意外背後究竟係陳豪嘅其中一個分裂性格簡慕華抑或係佘詩曼情敵邵美琪所為依然成迷。

意外發生後，佘詩曼同蔡少芬由消防員王喜及古天樂所救，並由腦外科醫生程至美（吳啟華）替佢哋做手術。可惜手術後蔡少芬昏迷成植物人，佘詩曼有後遺症慘變弱智。佘詩曼退出娛樂圈做回平凡人花家姐。喺復康中心邂逅輕度智障阿旺（郭晉安）同啞巴初哥哥（張智霖）。原本佘詩曼同郭晉安相戀，但係家庭背景顯赫嘅郭晉安已經同宣萱有婚約在先。宣萱為求力保家中地位，做萬凰之凰，所以用手段擊退佘詩曼。佘詩曼只好搬去澳門同張智霖一齊。

郭晉安雖然同宣萱結婚但其實鍾意蠢蠢哋嘅阿好（湯盈盈），宣萱惟有退出，搵好友余在春（歐陽震華）打官司爭產。郭晉安就搵王思苦（胡杏兒）做代表律師。最後宣萱勝訴，並且自己坐住熱氣球升天。

胡杏兒輸官司之後去羅馬散心，邂逅比佢年長十幾年嘅飛機師Sam（吳鎮宇）。Law霸（鄭嘉潁）出監之後出現三角戀。

胡杏兒好姊妹楊怡為求喺醫院得到晋升機會，不摘手段，施攻心計去害其他醫生再討好上司吳啟華。可惜吳啟華鍾情植物人蔡少芬。楊怡最後走頭無路變瘋婦，再喺醫院眾人前自殺。