返回列表 發帖
本帖最後由 大C姐 於 2012-11-18 20:26 編輯
1) 花自己賺回來的錢之餘+有計劃儲蓄退休人金
jiujiujiu 發表於 2012-11-18 16:38



   我睇完你嘅回應我有啲心"up",我淨係睇到你不停講工作好忙,老闆好俾好大壓力你,好冇時間...

其實工作當然係辛苦啦,唔係人哋點解要畀錢你嚟做呢?咁我相信喺Vancouver嘅工作環境已經係全球數一數二好,起碼你OT有補水,我估你唔係好似香港咁一日做足12-16個鐘啩?

我諗你講嘅情況其實大部份人都要面對,不過你睇得比較負面。工作其實唔洗睇得咁personal,做嘢勤力係應該,份工係你揀嘅,你簽contract嗰日/accept個job offer嗰日嘅工作誠意去咗邊?

再講,你老公都係你自己揀,點解好似講到要照顧你愛嘅人咁辛苦咁嘅?唔通結婚當初個老公唔係同一個人?而是自己已經變咗心?

其實有咩心態就會吸引到咩朋友,我淨係聽你幾句已經咁負面,如果對住朋友你都係咁"扎扛",平日你朋友當然唔會識令你笑啦。

做人都係避免強説愁,有工作有家庭已經好幸福好有成就,何必處處向壞處諗?如果你老公睇到幾傷心?記住幸福係自己爭取,開心係自己嘅責任。

學懂感恩,才知道珍惜。心要有愛,眼會睇得開。懂得放開,先可以擁抱快樂。

TOP

快樂同減肥一樣-冇秘方!好多人問但係其實個個人都識。

我好信做人應該要學做小朋友,小朋友頭腦簡單,好容易得到快樂。有人對佢哋唔好,會唔開心,但係轉個頭又一齊玩唔記仇(愁)。

每個人需要嘅嘢可以好簡單,呢個世界呢個環境一定俾到你,只係視乎你肯唔肯接收。

TOP

返回列表