封利是的禮儀及矛盾 是, 小朋友, category, 矛盾

大C姐

作位單身一族嘅我，其實已經享受唔到好多社會福利同傳統文化嘅好處，
數年前開始封利是，我發現係一條不歸路。


我係絕對唔介意封，亦量力而為，唔係見咩人都派。不竟我未婚，其實唔一定要派。只不過大人大者，過年有看更同你講恭喜發財唔通你直行直過咩。

咁出嚟行走漿糊嘅年，人哋又叫得我C姐，咁都要有啲表示，過年都會派封利是仔俾啲助手。咁仲有呢幾年好多朋友又生咗BB，咁又唔好意思見到面唔俾啦，咁我都好樂意派俾啲熟朋友嘅小朋友。

我暫時就淨係派俾以上嗰3個category，看更，＂下屬＂，個別嘅熟啲嘅小朋友，咁我唔知算係闊佬定孤寒啦。

咁但係我發現加拿大個價同香港又唔同。香港如果封＄１００都已經好＂體面＂，當然個別例子封＄５００就仲好啦如果係熟又或者好幫得手。香港做人情都向上調到依家係去就＄１０００，唔去都＄５００。

喺加拿大做人情某程度上高少少，去的話個market rate係＄２００，唔去就＄１００。咁加拿大封利是最少最少都封＄２０，咁變咗係咪要其他都向上調呢？so far，唔好講香港，呢度我淨係會prepare＄２０同＄５０嘅利是，咁算多定少？我又覺得＄５０好似唔係好多，但係下下封＄１００又好似好容。有冇一個guide，好似俾人情咁，可以俾我follow？



－派利是新手大C姐

大C姐

其實未結婚派乜鬼利是？（除咗你講看更同下屬）

下下派$50 $100？真係有米。

講真普通朋友嘅小朋友就$5  ...
fibbi 發表於 2013-1-27 00:32

    我當然唔會咩細佬都派，咁你知啲朋友生第一個BB成日周圍認契媽契嘢，你過年聽到＂同契媽拜年啦＂郁下手仔咁，你好唔好意思唔俾？

大C姐

$50 都覺得唔多, 已睇得出C姐成幾座金山未開頭

以我父母黎講啦, 看更, 朋友D仔女都係$20X2 ...
reyes 發表於 2013-1-27 00:45

   咁講，我之前住apartment就冇concierge，所以就冇派利是嘅習慣。但係幾年前搬咗嚟呢度就有個廣東大叔看更，咁就逼住俾，而且俾得一個就俾晒啦。我會準備＄５０一封俾兩個主要嘅concierge，其它做週末同清潔就＄２０啦。


咁都係一年一次，除開一個月幾蚊，算啦。而且你仲係同屋企人住就唔會留意呢啲禮儀，自己住有時一闊三大唔大方唔得。有咩事呢啲concierge係我第一個救兵喎，咁你咁諗係咪值得俾利是呢？

大C姐

$50 free money for kids from each auntie is a good way to spoil them.
Prelude 發表於 2013-1-27 19:05

    我記得我細個，我啲阿姨姨丈都唔係咩有錢人，但係都封一舊水港紙（兩封夾埋兩舊），仲要係廿幾年前。所以我學識孤寒自己闊佬人哋呢個大道理。咁依家＄５０加紙一封都係三舊幾水，我覺得差唔多啦，分分鐘跟唔上通脹。

大C姐

咁... 我都是追不到通脹...
最大封都已經係比姪女, 姨仔, 姨仔條仔, 都只是$100(HKD) 一封而已.
其實好難 ...
mcjohnjohn 發表於 2013-1-27 20:11

    我可以俾個reference你，廿年前我好深記憶幫我老竇班伙記叫外賣，當年大概＄１３－１５一個飯合（尖沙咀價錢）。依家＄３０都唔知得唔得。


加拿大仲難封，啲紙幣價錢隔咁遠，＄５０有啲少，＄１００又多得濟，但係點俾＄８０呢？

咁就好矛盾啦。

大C姐

不過都無話 guide 唔 guide
好睇收嗰個咩心態
甲見到20皮可能真心覺得你客氣
乙見到20皮可能真心覺得你 che ...
ah3 發表於 2013-1-27 17:47

    咁都係嘅，老實講，呢啲嘢都係心意囉，若然真係afford唔起，＄１０都已經好大方。

但係我又會咁諗，你攞住＄２０行入超市（T&T, Save-on, Saveway)，買個生果籃，或者稍為靚啲嘅朱古力／餅乾，都可能唔止，真係唔係＂作大＂。

大C姐

咁... 我都是追不到通脹...
最大封都已經係比姪女, 姨仔, 姨仔條仔, 都只是$100(HKD) 一封而已.
其實好難 ...
mcjohnjohn 發表於 2013-1-27 20:11

    但係你結咗婚係咪應該派雙份？老人家就會唔鍾意。

大C姐

咁$500港幣一封我都收過嘅。不過最經典嘅係，月入>十萬嘅親戚，封咗一封兩百蚊嘅崇光禮券俾我做利是囉。:tk ...
fibbi 發表於 2013-1-28 01:26

    兩舊水其實唔少，不過禮券就奇怪啲。如果係cash coupon（唔係買滿幾多先有得用），都唔差嘅，Sogo實買到嘢。

大C姐

回復  大C姐


    禮券 in 利是 is odd....

唔係嫌少，sogo禮券都用得着。只係覺得封嗰個人零成本。。。 ...
fibbi 發表於 2013-1-28 12:08

    我又明喎，可能佢有一叠Sogo禮券，自己又用唔晒，不如當送禮送出去好過徙。老實講，佢封利是可能係一百蚊一封，佢都俾夠＄２００禮券，所以佢又唔覺得好寒酸。

而且佢唔放入利是封，應該點送俾你呢？入落信封？放入個禮合裡面？

大C姐

In this case it's actually inappropriate to give out 利是 as you are still single.
Just get t ...
fibbi 發表於 2013-1-28 12:17

    冇認真上契，我亦唔特別想做人契媽。不過啲朋友當講笑咁講啩，始終啲父母都係想多啲人錫自己啲仔女啫，又唔係貪你封利是。咁anyway啦，都係幾個好朋友嘅仔女先派利是。親戚啲仔女反而唔會俾，學你話寨我又未婚，又未生，點解要俾？


我又有個問題，依家咁多人離婚，如果離咗婚洗唔洗繼續派利是呢？如果你覺得離咗婚係單身所以唔洗派的話，咁如果係一個單身家長帶住個仔咁又點計？