大C姐

我覺得根本強國人就唔係咁差！

我自己由讀書時期已經接觸好多中國移民，俾我印象，佢哋讀書仲勤力過香港人，打工仲敬業樂業過西人。當然你會話＂你唔係住喺richmond你唔洗同佢哋争排隊＂，咁有好人有壞人都好正常，最多咪好壞參半。

我覺得文章嘅觀點大部分都好客觀，不過我覺得呢啲觀點唔係太荒謬。

＂這是一個讓鄉下人變成城市人，城市人變成鄉下人的城市。＂其實做人懂得照顧自己起居飲食都好正常，係香港／大陸太依賴工人幫自己做家務啫。

＂這是一個窮人打得起高爾夫，富人請不起司機的城市。＂其實要落場打golf，都唔平...　而且啲所謂富豪級人士請唔到司機同工人幫自己洗車係自己孤寒啫！請個鐘點要幾錢呀？人手洗車就街都係啦。

＂這是一個藍領掙錢比白領多的城市。＂某程度上同意，但係都唔係壞事，點解一定要做office先搵到錢？呢啲係謬誤。

＂這是一個投資移民報稅收入低於貧困線的城市。＂同意到極，冇得駁！


＂這是一個日本餐比東京正宗，夜總會比平壤差勁的城市。＂日本餐又唔會比東京正宗嘅，我諗作者唔係好識食，不過夜總會係直頭冇，可以話不存在。我都唔知啲男人去邊度尋歡。

大C姐

I don't care for night life but is Vancouver that bad?

Last I checked there are karaoke bars in ric ...
randommike 發表於 2013-2-18 15:02

    Club又唔同夜總會喎！

而我所知，夜總會係明買明賣，你俾得起錢就有＂表演＂有娛樂。唔同你去clubbing要撞彩，要追，要橋。

唔好講bubble tea嗰啲啦，過１６歳都其實唔係好想去。同埋＂邪骨＂係有嘅，但係真係好yap，而且唔係一啲可以一大班男人走去消遣嘅地方囉。


其實Vancouver夜生活真係好少，以我so called夜生活女王嚟講。

大C姐

What about strip club? That's close enough to a 夜總會
randommike 發表於 2013-2-18 15:15

    你有冇去過先？真係又殘又老（both the strip club and the people in it）

而且選擇都唔多啦，downtown都係得三兩間，真係行過都唔想入，又細又冇新鮮感。

大C姐

Golf is cheap here no matter how you put it. I don't know how fast you can go through 18 holes. say  ...
BiscottiGelato 發表於 2013-2-18 15:49

   Golf係平，但未置于＂窮人＂都玩得起，始終啲gear都貴。

Dating scene就好難講，個個地方都有人呻搵唔到對象。你喺呢度話啲女仔難追，圈子細，香港人又會呻工作時間長冇時間拍拖，更加冇自己地方難有私人空間。

我覺得要追女仔真係點都有方法，氹女其實好易，應該咁講，人氹人根本好易，係時候大C姐要開求愛雞精班。

大C姐

回復  大C姐

識女係邊到都易啦, 問題係岩唔岩. 呢到冇車咩都唔洗講, 香港冇車起碼交通方便, 送人返屋企幾 ...
reyes 發表於 2013-2-18 16:50

    你唔好以爲香港交通方便，你諗吓，如果你送女朋友返屋企而佢又住得遠，好可能趕唔切尾班車（港鐵好似收１２點？）你話搭小巴都唔係度度有，而且你喺呢度買唔起車，香港都唔慌會吓吓的士出入。

最重要嘅係，你喺呢度送女仔返屋企，佢好可能自己住，或者同roommate。但係香港係一家大細，仲要同個細佬訓上下隔床。你唔洗諗你可以入屋。

大C姐

咁cbc 都唔幾計較你揸咩車, 我見過有D用好舊既車都冇問題
but i want an asian girl. they usually look  ...
reyes 發表於 2013-2-18 17:12

    都唔係嘅，我覺得呢度冇咁materialistic。我又唔覺得好turn off，你揸咩車真係好講你需要。尤其呢度成日渣，你真係要用車代步唔通渣hummer咩，渣日本車慳油又環保都好正常。

大C姐

係到唔買車唔等於係香港唔會的士出入, 要送人返屋企, 對方會話你聽係邊到有車搭, 真係冇既佢都唔介意你入 ...
reyes 發表於 2013-2-18 18:10

    黐線，咁你喺邊度住都可以叫個女仔喺你度過夜啦你咁講！

我嘅意思of course係dating階段，又未必去到拍拖，又或者啱啱拍拖。咁你越講越遠，香港同居都得！

大C姐

黐線, 係你講可唔可以入屋, 如果岩岩date又未必去到拍拖，又或者啱啱拍拖, 就可以入屋你都知咩事啦 ...
reyes 發表於 2013-2-18 18:42

    嘩，入屋同過夜爭好遠呀嘛！

你喺呢度識朋友去人屋企坐好普通，唔一定有超友誼關係。但係喺香港可能連呢個option都冇。

同埋呢度唔好話租車方便啲（如果真係冇車），連拍車都方便啲啦。你喺香港想搵個靜啲，人少啲嘅地方都難。

大C姐

嘩, 岩岩date又未必去到拍拖, 又或者啱啱拍拖冇咩亞洲女仔會請你入屋坐

香港想搵個靜D既都可以, 睇下你 ...
reyes 發表於 2013-2-18 20:50

    唔好話入屋啦，你渣車的話喺架車傾偈都已經可以好浪漫啦。你走去搭小巴，搭港鐵，真係咩情懷都冇。就算你坐的士，都唔好意思講密計。

有車渣點都好啲啩？

大C姐

唔好話渣車點都好D啦. 好多人唔理周圍環境有咩人都照講/做親密野

有多少少錢點都好啲啩? ...
reyes 發表於 2013-2-19 16:00

    溝女其實係咪應該開過另一個題講呢？

我唔係太同意有錢先溝到女。因爲身邊實在眼巴巴見過無數失業，遊手好閒，生意失敗，落難嘅男人係溝到最多女。呢啲人有兩個共通點，就係時間多同埋冇損失（冇嘢可以輸）。

時間多唔洗講啦，你冇工做，或者打散工，你最多時間溝女。就算有個ibanker做對手，你可以日日去接個女仔放工都贏啦。

冇嘢輸係一個mental state，既然咩都冇，反而豁出去，做到好多男人認爲冇自尊嘅事。包括死纏爛打，做手作禮物，學彈結他，寫情書，作詩作詞，無所不用其極。呢啲嘢一個大醫生，大律師，生意佬係不屑去做但係９成女仔都係好受！

老實講，點解十幾歳最多拖拍，因爲有時間又唔怕肉麻。讀緊書個個都冇錢㗎啦，除非你真係富二代，但係even你係富二代都未必可以渣跑車去追女，頂多請食飯，買小禮物。但係真係要溝女主要條件真係時間同面皮厚。