夜生活女王case 6之午夜情

大C姐

好多"青春"LYK都未必經歷過80年代紫醉金迷嘅世界。今次個題<午夜情>想信20歲留下都無咩記憶﹐但係呢首歌其實導出當時夜總會舞廳小姐嘅心聲。當然﹐講到呢度﹐好多LYK會急不及待對號入座﹐但係呢個故事主人翁絕對唔係我﹐而嚴格D嚟講﹐亦唔算係我朋友。

仁公子係一個39歲﹐樣貌年輕嘅金融介banker。呢個故事可以由仁公子買起一間coffee shop開始。開鋪之後﹐仁公子一路做幕後科水嘅老闆﹐而主持大局嘅係一個疑似老闆娘嘅蘇珊。對於咖啡室員工同一班熟客嚟講﹐仁公子同蘇珊係一般情侶關係﹐男友打本俾女友開鋪﹐普通過唔普通。誰不知一段短時間過後﹐有熟客揭發原來剛剛開鋪時﹐仲同緊另一個女人結婚。呢個誹聞當然喺一班街坊中流傳啦。當然﹐注意力就好自然落喺呢個蘇珊度﹐究竟呢個女子係一個拗心鬥角嘅狐貍精﹐定係被男人呃之後默默看鋪今屋藏嬌嘅蠢女人呢?

迷團最終由一個女侍應口中解開。原來﹐呢個貌似近40嘅蘇珊﹐開coffee shop前係一個舞廳嘅小姐。蘇珊其實只係29歲而且有個4-5歲大嘅仔﹐不過係跟個爸爸﹐只係間唔中weekend蘇珊會帶個仔仔去coffee shop。當然呢個消息亦解開左好多熟客對蘇珊嘅疑問。一個洗盡沿華滿面倦容但難掩風塵味嘅女子團同一個已婚/剛離婚嘅王老五一齊嘅原因。

故事嚟到呢個位要歇一歇﹐留意下集大結局﹐將會有突破性發展!


"...往日　是命裡安排
我　賣醉後是玩物
滿面　淚踐踏的傷
誰願意身體每處任撫摸
誰願　半點朱唇吻千個..."


-- 夜生活女王復活之作

大C姐

原帖由 tiffiant 於 2009-2-15 17:52 發表
is this a real story
or making this up?

我講過﹐所有故仔都係身邊人嘅真人真事。當然有D位我唔方便講到好detail﹐但係無十足都有7-8成。

我創作能力不高﹐我講都係事實。


-- 大眼悄嬌娃夜生活女王

大C姐

講得夜生活女王復活之作﹐當然會好爆啦。點會係D三毫子一擔嘅小兒科愛情故事呀。上集有人話唔夠波折﹐今集嘅劇情複集到你唔信。

不過講翻上集劇情﹐其實呢D故事周不時聽到。唔好話咩啦﹐幾年前二奶好hit過陣呢D case聽唔少。二奶可能唔係舞小姐﹐但係都分分鐘變正選。好多男人80年代賺到D﹐都打本俾D舞小姐屬身。不過風光不再﹐事過景遷。


-- 集體回憶夜生活女王

大C姐

起初﹐所有人都對蘇珊背景好好奇﹐好奇之中又帶點同情。一個舞小姐帶住個仔認識一個花花公子確實係幾灰姑娘。

但係好景不常﹐呢段感情無好似個童話咁大團圓結局。蘇珊同仁公子都有試過三離三合﹐喺一段咁不坪衡嘅關係﹐每次最hurt就當然係女方啦。一個從來無管理經驗嘅蘇珊枉枉將愛情嘅不順景帶到coffee shop﹐向一班夥記發炮。所為三分顏色上大紅﹐蘇珊仲會同夥記講一D好刻薄嘅說話。。所以D恃應都對蘇珊嘅人品好有保留。

一對情侶離離合合本應平凡不過﹐但係有錢銀關係﹐個男友又係個老闆﹐所謂住又係佢食又係佢﹐事情就好複雜。雖然一眾同事同呢個"老闆娘"一直有火﹐但係都探到D料知道蘇珊同仁公子嘅關係一直起起跌跌。直至有一日﹐蘇珊無端端打電話俾所有staff﹐喊住同佢哋講﹐"我唔再返coffee shop﹐我約你哋出嚟發埋D薪水我就會走﹐我唔再返去鋪頭見仁公子。我同佢已經分手﹐琴晚佢喺我面前承認左..."

當然﹐一班夥記心裡面句VO係"你之前都係一個第三者唧"﹐但係聽到蘇珊呼天嗆地﹐又不其然心諗﹐一個女子可以去邊? 事情都未落隔﹐somehow仁公子已經又凼翻蘇珊返coffee shop幫手。手分左﹐但係繼續幫舊情人打工﹐關係就更怪。而蘇珊更加無咩好面口對班staff啦。言論火爆唔信人難相處呢D都係想像之內﹐但係世估唔到呢為烈女竟然將一批老闆嘅裸照公開俾客同夥記睇。

正所謂分手要狠﹐呢個蘇珊之後嘅小動作就更加誹而所思。佢搭上一個中坑熟客﹐之後仲話自己有左BB﹐成為一是佳話。其實班夥記都半信半疑﹐但係蘇珊竭而不捨去話自己又嘔又暈﹐都無佢辦法。繞樣左一輪﹐最終都係"食炸糊"。老闆見蘇珊怪行越嚟越多生意又難做﹐所以決定賣鋪﹐而一連串是是非非都算有個結局。

仁公子一表斯文﹐高薪厚職﹐我諗好快有第二第三春。而蘇珊﹐聽講賣鋪之後不久就翻返去舞廳。喺桃花園走左一轉﹐兩個人又各回崗位﹐去翻起點。


"紅顏每多薄命　公子多情
憐憫歌衫帶淚痕　痴心漸化濃情
甜甜笑不停　芳心得意忘形
唯恐公子往日情　也這般付與誰..."



-- 夜生活女王case5之午夜情(完)

大C姐

原帖由 mcjohnjohn 於 2009-2-15 22:10 發表


呢幾段好好睇! 尤其係"將一批老闆嘅裸照公開俾客同夥記睇", 真係好厲害, 係男女平等既最佳體驗!
大C姐, 你好好文彩呀~

多謝讚賞﹐但係好文采就一定無我份啦﹐錯別字又多﹐不過呢個故仔真係開拍40集長劇都得。集集高潮﹐戲力萬軍﹐每集一經典﹐每段一金句。


-- 實力非凡夜生活女王

大C姐

原帖由 mcjohnjohn 於 2009-2-15 22:53 發表


大C姐太妄自菲薄喇~
通常係d 好文采既人先會多錯別字! 因為佢地花d 時間o係編排上多d, 更何況出書既時候就會有校正幫佢地執字啦! 呢d 粗重野又駛乜自己做woh! 所以, 有文采既人最叻既地區就係可以令內容如雷貫耳就 ...

呢D說話﹐呢度講呢度散。唔係D人又話我造馬﹐你知我有幾多仇家啦。雖然我平日愛認屎認屁﹐但係真係俾人讚我都會面紅。我亦信呢度好多臥虎藏龍嘅高手未出招姐。

不過呢個世界好主觀既。鍾意我嘅寫作係一種緣份﹐唔鍾意都無咩所謂啦﹐免費你想點唧?


-- 夜生活女王傳奇大C姐

大C姐

原帖由 mcjohnjohn 於 2009-2-15 23:24 發表


哈哈~ 我麥莊莊真金不怕紅爐火, 怕乜人話我造馬!
而家我擺到明係大C姐忠實fans, d post 就算要收錢都要追看啦!
但可唔可以念著我係忠實fans既關係唔駛我比錢架?

認真d, 小弟真係覺得大C姐o係寫作方 ...

大哥﹐好大壓力姐﹗我下集點收科?

不如當呢集係大結局算啦﹐我無咩朋友可以俾我出賣架啦。今次見好就收﹐起死回生之作又係退出江湖之作。

-- 高處不勝寒夜生活女王

大C姐

原帖由 matt72178 於 2009-2-15 23:53 發表
MJJ,
小弟已經0係擦鞋界苦無對手, 今日見大哥發功, 自問真的望塵莫及, 真是一山還有一山高。

我唔介意聽多幾句架。講多兩嘴我可能下個禮拜複出搞season 2。


-- so far so good夜生活女王

大C姐

原帖由 mcjohnjohn 於 2009-2-16 00:02 發表


matt兄, 失敬失敬~
小弟忽發奇想, 若以matt, MJJ二人合作雙打, 必定威力無窮!
話時話, 你而家係唔係又大隻左?

係咪先?我靠你哋左右門神打誇果D八婆蛋散。

好彩我今次贏翻個彩﹐果邊人丁單薄﹐得小貓三四隻。正所謂真金不怕紅爐火﹐青春不敵C大波。

-- 夜生活女王唔係浪得虛名

大C姐

原帖由 matt72178 於 2009-2-16 00:15 發表
大C 姐,
你誤會左啦, 我只係希望食花生, 睇你一抽三。
MJJ,
我遲D 入條新褲。會 post D 相0係牛仔褲 forum 到。到時send 俾你睇睇。

傻啦﹐我已經係成為一個lady唔會再講打打殺殺﹐你估我仲係當年出嚟行果陣咩。我會包容一眾蛋散﹐一面倒支持我我仲驚。