返回列表 發帖

[LYK獨家爆料]電視台幕後真相﹗



我就嚟放假出trip﹐臨別秋波俾D嘢大家估啦。我話晒都行走江湖幾十...個月﹐點都識D人﹐套到D料既。見近排D人咁鍾意估﹐我就叫我做TXB嘅線人爆D內幕同大家分享。

警告﹕而下內容係經電視台幕後證實﹐如有雷同實屬堅料﹗


"有錢仔"

有錢仔同TXB一班幕前幕後好鍾意帶D女去私竇劈酒﹐呢個唔係咩秘密。但係有個伙記之後執房發現有錢仔同朋友玩得都好顛吓 - 現場留低套不特止﹐連針筒都有﹗花fit嘅有錢仔其實唔係同"玉女歌手"拍拖﹐只係掩人耳目做營幕情侶。賺到新聞之外仲有助出外溝女﹐果然係高手﹗

"魔術鹹豬手"

我都唔明﹐已經呼之欲出﹐但係仲有人問我邊個係魔術鹹豬手﹐我再加多兩個hints﹕C君﹐兒童節目。

"死魚眼"

TXB除左"C君"係魔術鹹豬手之外其實好多其他鹹濕仔﹐誹聞多多嘅死魚眼就係其中之一。死魚眼幕前幕後都溝﹐非常濫交﹐俾前女友"性感尤物"發現講大話斷正﹐無計傾不特止女方仲決定以後唔題呢個人﹗

"新人王"

新人王一直誹聞不斷﹐但係通常都係同D女partner鬧不和。其實呢行個個都知新人王係member﹐如果唔係就唔會一單女性誹聞都無啦﹗雖然新人王死口唔認﹐但係已經係公開秘密。

"好好先生"

講開member﹐呢單都算最爆。好好先生係天王級歌手﹐雖然已婚﹐但係原來係雙性戀者(我聽到都都嘩左一聲﹗)。有個朋友親眼目擊好好先生夜店激吻一位男子。信不信由你。

"跳舞歌手"

云云誹聞情侶﹐"跳舞歌手"同"時尚藝人"呢段係真既。原來外表花fit﹐誹聞多多嘅跳舞歌手都幾專一﹐唔怪之得上緊位嘅時尚藝人都唔介意默認戀情啦。

好啦﹐你哋估住先﹐放假返嚟再見~


-- 花邊教主八珍姐

再講多個先撇。

"玉女歌手"

玉女歌手人前人後都係好女仔﹐好斯文。樣貌身材不俗嘅玉女歌手誹聞基乎零(除左有傳被有錢仔力追)又得客戶歡迎﹐難怪近年被力捧成為少男偶像。有次某個出名爛口嘅過氣"落選港姐"﹐喺片場大庭廣眾玩玉女歌手﹐話如果佢唔講粗口就唔斟佢玩﹐杯擱佢。純情嘅玉女歌手好難憾之下好斯文咁講左句粗口﹐成為幕後一時笑柄。

TOP

原帖由 mcjohnjohn 於 2009-3-9 00:46 發表


小弟估計, 任何人每天工作超過二十小時既話, 都應該會帶埋對"死魚眼"一齊開工.
除左"死魚眼"之外, 仲會帶多個朋友, "熊貓眼"開工的.



"死魚眼"早排俾人雪過﹐人氣下滑。聽聞因為工作態度欠佳。

其實一早有"影壇前輩"工開話佢做事唔認真﹐死魚眼同影壇前輩合作竟然gut人改劇本。連前輩都唔俾face緊係俾TXC雪啦﹗ 其實行內人都知死魚眼做藝人當返工﹐無咩上進心。平日只係鍾意玩車同玩女。

-- 八珍姐

TOP

"大好人"同"大奸角"

講開又講﹐其實TXC都幾多同志﹐有兩個中年藝人一直未有女性誹聞﹐唔係因為收得埋係因為根本係member! 呢個唔知有幾多人知﹐但係同志朋友爆料﹐"大好人"同"大奸角"都係同志。其實"大好人"之前做廣播介都好出﹐但係做左電視之後要入屋﹐點都唔可以太出﹐所以新一批觀眾都可能唔知。

"大奸角"真係收得好埋﹐平日可以話係零誹聞。連一向好多演出機會(包括旅遊節目)都無被列入"魔術手"可疑人物之一 -- 證明好多傳媒都知佢不近女色。大奸角同大好人早排同劇﹐之後有人見到一齊蒲gay bar。不過各自各﹐佢哋兩個唔似係couple。

-- 八珍姐

TOP

返回列表