大C姐

有個智者話﹐你囉個A貨都有人覺得係真你先好買名牌。

真係呢個世界你買第一個A貨開始﹐你就無得返轉頭。一日A貨一世A貨﹐無人會覺得你再買果D係真野。當然有D人係唔care﹐覺得買到平野好抵用。但係如果買個袋係為左威﹐為左有虛榮心同令人覺得你有品味或消費能力的話﹐買A貨就完全係contradiction囉。

盡管A貨係好真﹐冒稱果D款都出奇地老土。衰D講句﹐假假地半個時裝界﹐真果個款都根本唔會買得落手著得上身。再平﹐再真﹐料再堅﹐你話係偷出黎賊裝3折俾我﹐我都唔會覺得個袋靚﹐同增強到我自信囉。

如果有人大聲覺得唔care牌子﹐覺得好自信﹐帶咩都得﹐點解要買個擺到明名牌﹐但係個款又唔係特別﹐又唔係平既假袋? 好明顯﹐呢個世界買A貨果D都唔係自信心強﹐都係果D滿足自己虛榮人有我有﹐鍾意買減價唔理靚唔靚既消費者囉。

-- 大C姐

大C姐

我作風一向係唔著任何明顯大牌子。

唔係話我好有taste﹐而係我唔覺得有多個label喺心口會加強信心。我著果D衫好多一係無牌子﹐一係就普通人讀都未必識讀果D。

大大個名牌袋都好out﹐真係唔該唔好再大搖大擺﹐行過fing個袋荒死人唔知你果個係過氣YSL。連去洗手間都要拎埋去﹐驚坐埋邊見唔到。呢D真係囉膽﹐但係又好港女。

-- 勢死不做港女大C姐