夜生活女王2009士啤騷Chapter 2﹕依然...親愛的

大C姐

女王的一番話

Hello, good evening~

又係星期三﹐談情說性之夜。今集係講回憶﹐再次見到一個"可能性"嘅感覺。但係最緊要其實係留一個hook﹐下個禮拜會講一個更加踩界嘅topic。既然大家咁鍾意估﹐不防估下個故事點樣end。

其實講在咁耐﹐都未交代過我之前去左邊﹐做左咩。好多人都問﹐我又懶得逐個去回﹐我都係一次過喺呢度同D關心C姑嘅人解釋點解會失蹤。

話說個多月前我應邀出席一個芬蘭嘅conference﹐順便去左東歐幾個國家。其實東歐對我嚟講一直係一個謎。我係無咩特別感覺﹐可以話﹐唔係為做嘢﹐我係諗唔到有咩理由會去。因為印象中﹐東歐D嘢的確難食﹐同埋某D地方係出奇地貴。Anyway﹐做嘢都要去啦﹐咁可能係忙裡偷閒﹐果種感覺係特別好。同埋我未去之前會想像芬蘭嘅酒店唔荒會靚得去邊。點知又好OK﹐岩岩book到係頂樓嘅suite。當然大家唔好諗係Las Vegas果種好豪華嘅presendential suite啦。但係我住呢間係好間單歐洲風味﹐木家具﹐舊舊地式嘅水龍頭﹐幾有new york扮designer嘅loft feel。

其實旅行仲有好多嘢講﹐我都未講國泰新飛機﹐留翻下次講啦﹐我打到手痛。

-- 夜生活女王

大C姐

Chapter 2﹕依然...親愛的

可人兒的事令小C妹忽發其想﹐某天下午繼續在家找讀書時代的舊校報﹐記念冊﹐照片等等。云云人海中﹐有些結了婚﹐有些搬到世界不同的地方工作﹐但大部份都已失去聯絡。其中一張合照中﹐做出V字手勢的小C妹旁邊站著笑得合不上口的米卡。小C妹對米卡的印象是一個謎。其實這個人在某年某月某日可算是C妹的知己﹐無所不談。畢業後雖各散東西﹐但偶然也會約出來聚舊﹐而每次也會聊過不停。他們無所不談﹐感情﹐事業﹐同學的gossip﹐通通也毫不保留地分享。但小C妹對米卡的感覺總是"這麼近﹐那麼遠"﹐短聚過後米卡都像人間蒸發般﹐過了很久的時間才會再聽到他的消息。小C妹心血來潮﹐突然好想再見米卡﹐想知道他的近況如何。不竟﹐小C妹已想不起上一次跟他見面是何年何月。



在餐廳等了一會﹐小C妹看到這位舊朋友從遠處走近。米卡令小C妹眼前一亮 - 不管過了多少年﹐小C妹心目中的米卡還是讀書時傻乎乎的模樣。當日米卡的一身衣著﹐打扮﹐甚至身型都好像不經意的塑造過。其實畢業後﹐米卡從事過不同職業﹐地產﹐金融等等﹐都有不錯的成就。如今﹐他正在某美國大學的法律系讀書。小C妹心想﹐如果米卡在the right place at the right time出現﹐也許會是Mr. Right。還沒有機會看menu﹐兩人已經談天說地。當然﹐八卦的小C妹還是會問到米卡的感情狀況。他當然"行貨"地說他最近有多忙﹐沒有空拍拖﹐身邊亦找不到對象。小C妹便用一句90年代最流行的歌詞寄語他, "你...幾好丫。或者有...你唔知唧﹗" 米卡用一對棕色﹐冏冏有神的回答﹐"或許...未必...不過..."

興高采烈地高談闊論一段時間﹐小C妹不禁問起﹐"其實你沒有女朋友﹐你會不會是gay?" 米卡連水也差點噴出來﹐一臉無奈的說﹐"假如我是﹐我想我一早便有男友... 這幾年來﹐都不乏同性追交者" 雖然米卡在裝模作樣﹐不果這也不難令人信服。今時今日﹐樣貌鵑好﹐稍為會到夜場逛逛的都會遇過同性的搭訕﹐有何出奇?

出奇的是米卡後來跟小C妹講的一個故事。話說﹐米卡在讀法律的大學中認識了不少來自不同地方的同學。他們都不時會去夜場減壓﹐當然﹐夜場中亦會認識到其他在大學讀書的朋友。雖然認識只局限於酒水之上﹐但可能有共同目標和話題﹐好多新朋友都很交心。其中一位"西仔"是一個正在讀化學的碩士研究生。米卡和西仔很談得上﹐有空都會到大學附近的酒吧。幾杯啤酒過後﹐兩位男生當然都會主動跟其他女生搭訕﹐平凡不過。但某個晚上﹐西仔跟米卡如常地在酒吧的時候﹐米卡突然感到一隻手在他的大腿上....


待續

大C姐

對唔住, 我唔係歧視你架~
只係我用詞不當only... 應該係"同性戀"而唔係"基佬".

小弟絕對接受同性戀人士, 只不過同大C姐講聲, 本人唔係咁想睇呢方面深入既題材.
(我係大C姐fans, 平日乜都走入去睇丫麻) ...
mcjohnjohn 發表於 2009-6-25 01:44

傻啦﹐識我咁耐都知我係乳不驚人勢不休。我點會因為人哋批評而卻步呀﹐如果我係呢種人已經接埋左9世啦。

當然﹐我知好多人都未接受到呢裡生活﹐我亦唔係要鼓勵﹐因為我覺得係天生﹐你係就係﹐唔係都唔會因為接觸得多突然變係。

我只係覺得我身邊都好多人係同性戀﹐佢哋都有佢哋嘅故事。我覺得某程度上同一般男/女愛情無咩分別。


-- 夜生活女王

大C姐

知你手快快啦. 成日咁快, 撞鬼咩.

大C姐, 我都想識米卡仔呀... 快D俾我佢個contact...
rainbow-davie 發表於 2009-6-25 19:39

我唔敢講故事裡面D人物係咪真實存在﹐因為我驚有人又話我爆人私隱。

所以我只可以話"本故事純屬虛構﹐如有雷同實屬...參考"。

-- 夜生活女王

大C姐

戴夫生, 多謝你比面woh~
其實係人都有錯, 我麥莊莊都唔例外.
今次就錯在講到自己好似歧視同性戀者咁樣, 但我要澄清, 我絕對冇咁既心架~
(不過, 我係有心同Ultraman開下玩笑既)

請大家原諒原諒~ ...
mcjohnjohn 發表於 2009-6-25 19:45

如果從來無同性戀兜搭過你﹐我係你真係要自我檢討一下。

-- 夜生活女王。

大C姐

小弟真係冇記憶曾經被男人兜搭過...
小弟好少出去蒲, 而身邊相熟既朋友亦非常清楚小弟既性取向. 如果因為咁而要自我檢討一下, 咁我都唔介意要檢討一下, 但係就唔知要檢討d 乜. 請指引~ ...
mcjohnjohn 發表於 2009-6-25 20:17

我會檢討一下會唔會係自己吸引力不足囉。又或者蒲得少﹐玩嘅圈子又細咁囉。

真係老實講句﹐男女都好﹐從來無人請飲嘢都係一個遺憾嚟架我覺得。

大C姐

麥莊莊一D都唔邪。大C姐擺到明亦正亦邪。
playingtoy 發表於 2009-6-25 20:32

好俾面啵亦正亦邪﹐我係咪要改名做laughing姐?


...有D out。

大C姐

小學既時候, 有同學仔請我飲陽光檸檬茶架~
小弟真係蒲得少, 但小弟根本唔鍾意蒲;
小弟玩既圈子又真係好細, 因為我根本唔鍾意成日玩;
小弟既吸引力又真係好不足, 睇我張相就知啦.

但係, 我偏偏活得很 ...
mcjohnjohn 發表於 2009-6-25 21:14

當然我唔否定你活得好開心啦﹐但係午夜夢迴﹐都會諗自己仲有無市。

同埋好多嘢真係一個過程﹐一個經歷。幾唔鍾意蒲都好﹐某年某月某日落到夜店有人flirt你﹐你仍然會自我感覺良好架啵。

大C姐

我午夜夢迴, 係會諗下點樣照顧Honey同BB woh......
夜店... 潮洲打冷算唔算夜店?

如果萬一有人flirt 我, 我會第一時間叫佢死開, 之後再show 一show 我手上既結婚介子. 因為我曾經同我太太許諾: honey, 我給你 ...
mcjohnjohn 發表於 2009-6-25 21:32

呢個世界唔係有嘢送上門就要食既﹐聞吓都可以唧。

結左婚都好﹐我唔會好虛偽咁講我唔鍾意人賺我索囉。

大C姐

excuse me !!!
can you people stop flirting?
other people are waiting for the story to continue:

" .... 但某個晚上﹐西仔跟米卡如常地在酒吧的時候﹐米卡突然感到一隻手在他的大腿上...." ...
goldie 發表於 2009-6-25 21:54

你哋班蛋散係唔會明打呢幾隻字對我呢D文盲嚟講有幾吃力。

你哋作住先啦﹐我老虎加隻蟹都會等下個禮拜先交待埋個劇情。

不過你哋做咩咁執著個同性戀位呢? 其實我有少少想講﹐見翻舊同學嘅經驗(尤其一D曾經有機會發展嘅同學)。


-- 女王