大C姐又公利私用 - 對交通部的不滿 私用

大C姐

其實呢單嘢月頭已經好想講﹐但係我真係到今晚先爆我都覺得我好有收養。

事源幾個星期前有個Critical Mass﹐相信住Vancouver又或者要去Vancouver返工嘅人嚟講都應該知係咩我就唔多講。首先﹐我唔想一竹高打一船人﹐我覺得參與呢個活動嘅人有好幾個原因。有d為環保﹐有D係想政府(交通部)正視道路交通車/單車掙路問題。亦其實有好多容許我講一句蛋散們係趁熱鬧﹐當嘉年華會遊行咁去玩。更加我發現有一部份係帶住個心態"你哋班渣車嘅蛋散﹐食塵啦﹗今次仲唔塞死你﹗"去宣泄自己嘅不滿。

當然﹐我雖然好想支持環保﹐但係你要我呢D淑女路面氣溫30幾40度踩單車係無可能﹐我唔會好虛偽咁為我嘅懶惰同忍耐力辯護。但係我好想講﹐呢班單車朋友﹐花幾個鐘去block人哋D主要道路﹐其實作用有幾大? 我死都唔信﹐塞完第二日會有好多人無啦啦踩單車返工。確之然北美地大﹐居住地方又散﹐你總唔難夠祈望住Mapleridge同Abbotsford嘅人踩單車返工姐? 當然你可以話有D蛋散唔係住得真係咁遠﹐其實行路踩單車都得。但係我想講﹐你而家係block埋巴士﹐送貨車﹐好多我哋所講嘅揾食車﹐白白要塞你45分鐘﹐損失邊個賠? 都唔好話你有某D人可能要出入醫院﹐D老人家唔舒服要去診所﹐你擔誤人哋又點計?

最令人氣結都唔係呢班參加人士﹐呢D可以話係自私無諗後果嘅行為﹐但係執法人員竟然可以配合幫手保持秩序以俾我感覺係助長呢D活動。我真係好唔明呢個係咩邏輯? 我唔係話你哋無權去發表意見﹐你鍾意踩主單車吸幾個鐘廢氣係你嘅事﹐但係路﹐原本係俾車行架嘛﹗做咩唧? 做咩好似要令你班渣車人士好feel guilty霸住條路咁。你要發表意見﹐係咪應該向交通部反影要多D單車徑呢? 你block住條路關咩事呢? 然後﹐交通部有踢個波落D架駛者﹐好似好幫D單車友﹐好支持佢哋搞呢D活動﹐仲叫晒D警察去維持秩序荒死車到D單車友。

我覺得呢﹐呢個係好無__謂嘅活動囉﹐我希望下年唔好再搞。同埋參與人士真係三思﹐唔好損人不利己。

其實仲有D嘢想講﹐不過好夜夠鐘訓﹐聽日再talk。


-- 性感哩士睡衣大C姐

大C姐

邊個話路淨係俾汽車行單車唔可以行
你唔想等可以行路

單車讓行人
汽車讓單車
係每個文明城市最基本既秩序
快樂牛郎 發表於 2009-8-16 23:38

我覺得係部份渣車嘅人都會好識做﹐會讓單車行﹐唔通真係同佢哋肉搏﹐車埋去咩。

但係excuse me﹐呢個活動本身已經係破壞秩序嘅行為啦﹐完全唔理交通規則﹐有何文明可言?

大C姐

我趁敷mask講埋另一個交通部無稽嘅聲明。

話說奧運仲有6個月就到﹐近日竟然叫D返工人士喺奧運期間唔好渣車同搭車返工﹐最好都係行路同踩單車。我聽完真係為之......我都唔知係氣結定係覺得好笑。

你點可能叫人連skytrain都唔好搭要行路踩單車(又踩單車﹐真係單車生產商係咪俾左省政府好多錢呢?)﹐基本上由朝早7點到夜晚9點都唔好搭﹐我好想知係咪叫人唔好返工呢?

當然﹐會有好多遊客﹐但係你連skytrain都唔俾搭真係令人感到恐荒。對一班無見過大場面嘅加拿大人嚟講﹐呢D直頭係白色恐佈。而我所知Vancouver係歷年來最大嘅主辦城市﹐如果連其他小城小鎮都搞得惦﹐Vancouver係咪要驚得咁緊要? 同埋我想講﹐真係唔好話我撥冷水講句﹐其實又係咪真係會有咁多遊客呀? 又係咪真係咁__多人呀? 我覺得有點兒浮誇﹐雷聲大雨點小﹐有D似香港處理豬流感feel囉。

我覺得呢D無謂嘅聲明就算吧啦。你要有可行嘅解決方法先好作呢D呼籲啦。再唔係﹐你求其叫人彈性上班﹐盡量預早出門咪算囉。講呢D不知所謂嘅announcement 係叫人無所適從。

-- 裸睡大C姐

大C姐

我覺得我要define一下我個觀點。

我唔係對踩單車嘅人有不滿﹐當然任何人都有權用條街﹐行人應該有行人路﹐馬路係俾車行﹐OK? 你唔可以令人feel guilty﹐覺得晌馬路渣車好唔要得。你要express你不滿咪去叫政府加多D單車徑囉。Come on baby﹐你唔去阻住人渣車﹐我相信99。9%車主係好樂意去support加單車徑。但係你一做阻街活動﹐就好分化囉。你見到呢幾版都係biker vs. driver其實個問題係D路無系統丫嘛﹐唔係渣車嘅人違規霸左條單車徑丫嘛。點解交通部會咁支持呢種活動? 我覺得係將個tension transfer左落班車主囉。

另外﹐你話環保呢家嘢﹐其實真係盡做﹐當你有選擇就一定有D人揀慳水慳力嘅方法。你唔可以懲罰人渣車﹐暫時渣車係唔犯法架嘛﹗? 一係你立法禁止人渣車﹐或者好似倫敦收congestion fee﹐無錢人就咪渣去downtown。講到尾﹐你夾硬阻街﹐又唔依交通指示行就係犯法啦﹐我話知你環唔環保。

-- 胸大放上檯大C姐

大C姐

I think the whole point of having democracy is to be self-centered.  I learned that from LYK.

ok maybe self-centered is not the right word

"fight for your belief"
i think that sounds better

and a ...
快樂牛郎 發表於 2009-8-17 17:54

你用唔合法嘅途經去發表一個極合理嘅觀點都係違規。

-- 一乳中的大C姐

大C姐

唉... 有人鍾意踩單車, 咪踩law; 有人鍾意揸車, 咪揸law; 有人鍾意行路, 咪行law.

大C姐, 舉個例啦, 香港都成日都有遊行啦, 遊行就要封路, 咁都冇計架woh.
揸車既, 就唯有暫時避避law. ...
mcjohnjohn 發表於 2009-8-17 18:57

MJJ兄﹐得罪都要講句。

有時呢...我都有D明點解有人會插爆你﹐你確之然講好多三毫子一擔嘅說話。我又唔話得你錯﹐但係聽落又好似無乜意義。

都唔係嘅﹐你都帶出左我想講嘅一樣嘢。在我而言﹐遊行係一個去到好絕先用嘅絕招。我覺得遊行好多時都係雙輸同埋無咩實質作用。當然﹐都有一兩個成功例子。當年7/1反23條係真係有point去搞﹐有point去遊行。但係老老實實﹐之後D人再搞我就覺得浪費左個impact﹐唔好有少少事就走上街﹐其實呢種原始做法好唔文明囉。

就好似單車遊行係一年大大小小幾次。好多人又以玩玩吓﹐嘉年華會心態出席﹐呢D咪係我所指嘅無__謂囉。

-- 小吊帶凸點大C姐

大C姐

C姐 贈佢兩句
sheep 發表於 2009-8-17 23:51

我贈左啦﹐但係無咩反應我諗佢當聽唔到啦。

-- 大C姐

大C姐

我聽到woh~
mcjohnjohn 發表於 2009-8-18 19:05

係咩? 你真係有聽?

唔好再講D打圓場﹐三毫子一擔老生常談但係其實係廢話嘅嘢啦。就算係dum啵鐘﹐都搞兩隻爛gag﹐掩掩攘攘扮有point。

唔好話我大C姐行走江湖幾十年唔教路。


-- 出名口臭格衰但係從未俾人ban過嘅美艷大C姐

大C姐

係呀, 有聽架~
點解唔可以講"廢話"呢? 你覺得廢既野, 可能有人會覺得唔廢架woh, 咁樣會唔會剝削左其他人既權利呢?
雖然我睇番都覺得有時都真係幾廢, 不過冇計啦, 打既時候真係冇乜經過大腦, 純粹隨心而行only.

至 ...
mcjohnjohn 發表於 2009-8-18 20:38

當然啦﹐廢唔廢係見人見智啦﹐我亦唔敢講我字字珠譏。但係有一D三毫子一擔理論真係講完等於無講﹐等同灌水。

你post左一句毫無意義﹐令人無思考價值嘅回帖﹐當然唔會對其他人有壞影響既﹐但係對你自己嘅內涵表達無提升囉。

呢個話晒係討論區﹐你要share一D有用﹐令其他人有得著嘅文字真係要用少少腦。呢個某程度上係網上文化嘅 etiquette。

-- 做完運動好hot嘅濕C姐

大C姐

內涵表達... 好老實, 小弟冇乜諗過o係度表達內涵架~
內涵呢d 野, 返工既時候先表現, 唔開工時就回復我開心快活人既本色law.

上黎LYK, 都只係想識多個朋友, 同埋可以得閒就笑下咁. 當然, 好多時都扮下和平使者, ...
mcjohnjohn 發表於 2009-8-18 22:04

咁我都好佩服你堅持做下把位嘅﹐個個牙尖嘴利尖酸刻薄就做晒C姑啦。

-- 好耐無用過C姑個朵嘅大C姑