返回列表 發帖
唔係扮後生﹐但係某程度上﹐真係唔多留戀"舊香港"。

當然回憶係美好﹐邊個唔掛住後生嘅自己﹐唔掛住童年。但係你哋講咩唔好起咁多大廈﹐唔好拆舊樓... 我想知有幾多呢D自認老餅會搬去鄉下D嘅國內地區?

直係呢個社會要進步﹐要文明﹐當然要有D取捨。唔好講好耐之前﹐你香港D街市真係污糟到呢.... D黑色水一沖落地﹐D魚鱗就圍飛﹐連埋D雞毛同血水湧埋去豆腐檔﹐無遮無檔又放嚮度賣...

以前你要過海﹐係要諗好耐﹐計好時間﹐一次過探晒D親朋戚友。基本上住九龍都好少會想過海返工。

到之後80-90年代﹐又多騙案又多打劫案﹐見到金鋪都混路走。

以前想食西餐真係要去到酒店先有得食。你估就街都係西餐廳呀﹐豉油西餐就有。

你話好懷念街邊小食﹐人哋走鬼車你唔死﹐你見到D老鼠貓咁大隻都識唔落啦。

有時D嘢﹐記憶最好嘅地方就係有選擇性囉。你要淨係記D好嘢﹐玩感性﹐就當年放個屁都cute Dl架啦。


-- 新時代大C姐

TOP

我想講係﹐唔好太用感性去美化晒舊屎。

鬼唔知舊屎D嘢平D﹐有人情味D﹐劇集又好D﹐人又靚D﹐細路讀書又叻D...

但係好多人享受左今日現代發明﹐但同時又接受唔到你失去舊風貌﹐呢個係好唔理性囉。

好簡單﹐你可以參照倫敦。我成日覺得如果你香港咩都要保留就正正係今日倫敦。你接唔接受到倫敦個地鐵先? 你接唔接受到周圍無冷氣先? 你接唔接受到唔夠路用你入市區要俾congestion fee先? 你可唔可以接受倫敦果兩個機場先?

你到時咪又話政府唔與時並進﹗

所以呢個世界當然有取捨﹐但係你鍾意還鍾意﹐唔好一面倒囉。


-- 身嬌肉貴C小姐

TOP

本帖最後由 大C姐 於 2009-11-3 00:47 編輯
好啊, 我鐘意理性討論, 對非黑即白, 每每對提出反對意見的人指控為 “返中亂港” 的憤青式批斗感到反感以及無奈。

1. 政治上- 從前香港人政治冷感, 是因為文明民主已經上軌道, 報章從來不用自宮, 媒體從來 ...
fishbelly 發表於 2009-11-2 23:42



經濟上﹐真係無得講﹐貧富縣殊。以前係所有人都都窮。而家係好多人好有錢﹐但係更加多人好好好好好窮。

政治上- 從前香港人係無得say。你講咩普選﹐根本你連官都無你份做﹐你冷唔冷感都係咁。當年D政府文件﹐遞到上去大大隻字寫明"For British Eyes Only"。你根本唔可能比較97前政治歷史。同埋D所為民望同埋報告評分低﹐呢D係無咩理性分析。根本香港人就一年燥過一年﹐同埋彈開有條路。好似7-1遊行﹐當年23條就話有point去做一件事姐。但係之後年年都話就去遊行﹐大小事要減稅又去行﹐要普選又去行﹐雷曼果D苦主又去行﹐根本咩意義都無。浪費警力人力物力﹐又無point。

TOP

多謝捧場喇, 我知道聽日就會被大肆鞭撻, 插到死...

1. 如你所感受的為數不少, 起碼有 "香港是我家" 0既 使命感

2. 如果有人對貧富懸殊有解決的頭緒, 相信下屆諾貝爾和平獎一定有得贏, 所以不必太困擾

3.  ...
fishbelly 發表於 2009-11-3 00:59




但係我想講﹐香港人氣質不嬲都係講嘢大大聲﹐去到茶樓好似打仗咁﹐"Carol媽﹗呢邊有位呀~﹗﹗ 阿成阿偉去果邊囉定茶...我要多壺滾水呀~"

-- 以上對話出自大C姑媽

TOP

返回列表