返回列表 發帖

移民/流學的故事

本帖最後由 大C姐 於 2010-8-27 23:05 編輯

呢個topic想開好耐﹐但係一路都揾唔到一個好好嘅angle去introduce呢個題﹐所以都唔知由邊到開始講好。由於今個禮拜話題都係好慘痛﹐又由心up去到激烈﹐所以為左轉一轉個tone﹐我孤注一擲開一個連續劇咁長嘅話題。

chapter 1:

如果要講移民﹐我諗最好都係由80/90年代移民潮講起。當年97恐懼下﹐我諗大部份香港人都諗過走/都有親朋戚友移民。亦都係咁﹐好多香港家庭嘅故事從此改寫。先分享一個香港太空人家庭嘅故事。話說大C姐識得一個家庭﹐佢哋算有D錢啦(有錢定義好難講﹐但係要形容就係住大屋﹐周圍都有物業﹐屋企有自己生意果種)﹐總之屋企幾個細路由細到大都無咩金錢煩惱。唔知係咪因為個老豆做左太空人所以同個老婆感情轉淡﹐其實移民後幾年已經出現問題。兩公婆已經自己分別有伴﹐但係因為D仔女當時仲細所以唔想鬧翻﹐兩公婆都盡量低調處理。直到D仔女越嚟越大﹐又頂唔順兩個父母成日鬧交/冷戰﹐D仔女就開始勸兩個大人搞離婚。一分身家﹐成件事又火上加油。原本都唔想搞到仔女﹐但係一有錢銀involve兩個大人都擘晒面。詳細情形唔講太多﹐但係最終呢邊間大屋就要暫時分兩份﹐阿爸一邊阿媽一邊﹐D仔女就自由出入。當然無收入嘅阿媽就只能夠洗老本啦﹐個阿爸亦知道如果俾錢D仔女﹐D仔女一定會俾阿媽﹐所以就連D仔女嘅allowance都cut埋﹐學費又唔俾(不過D仔女當時都已經20歲+)。呢個局維持左好幾年﹐而且越搞越複雜。D仔女本來都無咩立場﹐因為其實個阿爸都係住香港多﹐好少見到面。但係唔知係咪要同前妻示威﹐個阿爸又做D小動作﹐例如渣走屋企D車(因為個阿爸有spare key)﹐又帶自己條女(做得佢個女咁後生)入去大屋同D仔女一齊住。呢D種種行為就令D仔女對阿爸好抗拒﹐個關係搞到好疆。

最後﹐官司完左﹐D物業可以賣套現﹐個阿媽雖然再唔係咩咩阿太但係經濟上都算OK。而家個阿媽繼續同D仔女住﹐深居簡出。但係個阿爸唔知係咪人生去到某一個階段又想同D仔女reconcile。所以又做D小動作諗住用物質利誘D仔女過返去佢果邊(香港)。故事到今日﹐其實D仔女都出晒身結左婚有自己生活。本來有錢仔有錢女都做緊一D好humble嘅職業﹐但係點都唔想返香港投靠佢哋老豆。一來感情已經無乜﹐二來亦唔想好似betray個老母咁。雖然個阿媽都好明﹐個細仔又讀唔到書呢邊又無咩好工做﹐如果去投靠老豆可能會有好D出路。不過D仔女都跟左阿媽咁多年﹐都慣左自食其力就唔想靠老豆囉。

http://www.youtube.com/watch?v=-pANoR2cn_4



太空人故事實在太多﹐留翻下集再講。

-- 大胸人

我自己係佬都咁話:男人一有啲錢嘅話就好容易周身痕/變賤人㗎喇~ 但當佢一老啲嘅時候,要會想要返啲仔女 ...
Lik 發表於 2010-8-28 00:04



其實兩父婦感情變淡係無可厚非﹐但係我諗最影響到D仔女係個離婚過程。首先﹐有咩可能帶條女登門入室同D仔女住? 擺到明又唔係一個認真嘅伴侶﹐只係一個後生女playmate囉嚟向自己老婆示威﹐我覺得好cheap囉。

另外同老婆打官司爭錢又係多__餘。根本就係鬥氣。無啦啦又cut off晒D仔女嘅錢﹐當然你可以話D仔女咁大個人有手有腳可以自己揾食﹐但係個阿爸個intention唔係教D仔女獨立呀嘛﹐佢個出發點係"你哋班細路幫你老母我唔會分錢俾你架﹗"呢D咪係囉自己D仔女做磨心﹐玩手段囉。

總之成件事我好glad已經告一段落。

另外題外話﹐眼見好多人搞離婚搞得咁肉酸﹐我真係好賺成D西人做法﹐結婚前做定prenup。先小人後君子﹐明刀明槍減少以後分爭。好多人會覺得好唔浪漫﹐但係好sorry﹐結婚根本就唔浪漫﹐結婚都係一張contract。你未結婚有第三者最多俾人話花心﹐結左婚就會係adultery。好多人結婚都係諗住要用呢個朵去穩定自己生活(長期飯票)或者有咩事自己有保障﹐根本同愛﹐同浪漫都無關。反而我覺得兩個人唔係為左張婚書以一齊生活﹐到80歲都仲係男女朋友關係我覺得就係真浪漫。我見過一個阿伯成日同人講"我無同伯野婆結歡架﹐佢係我條女咋﹗" -- 幾有型。


-- 結婚前請諗清楚嘅C小姐

TOP

本帖最後由 大C姐 於 2010-8-28 11:46 編輯

Chapter 2:

講多一個移民故事先講流學生。

呢個故事有D特別﹐其實係講一個"撈偏"或者"黑社會"移民嘅故事。唔好問我點解會識呢家人﹐總之聽故就唔好駁故啦。事源呢家人除左個阿爸係撈偏門之外﹐其實都好ordinary。不過聽講﹐呢個男人當年都算係大哥一名﹐喺某地區都幾惡。不過可能90年代中黑社會開始末落定係佢想轉型做正當生意﹐所以決定做個family man同家人移民。

其實佢住嘅地方都好僕素﹐唔係一般人諗會住西區大宅果種。而且好多時會諗個大佬個老婆會唔會都係好夠雷嘅鐵娘子呢? 完全相反﹐佢老婆係一隻鵪鶉﹐真係典型咩都唔識﹐無做過嘢就結婚生小朋友﹐唔打扮﹐唔浮誇﹐一個好僕實嘅小女人。但係兩個仔就霸道到呢...真係想大巴大巴聲埋去。

最"特別"嘅位﹐就係呢家人仲有一個成員。個大佬請埋一個"助手"移民。其實明眼人就知咩事﹐其實係想有個後生仔大大隻做跟出跟入做保鑣。但係又好好笑﹐呢個保鑣當時30歲流下﹐一隻英文字都唔識﹐老粗一名。但係又其實係一個噩魚頭老襯底嘅一個快樂老實人。大佬也移民呢個故事亦告一段落﹐好多年之前我已經無同呢家人有聯絡。


其實我今次唔係想講咩point﹐只係想分享D故仔﹐拋磚引玉。希望唔好再dwell on一D唔開心事件。

-- 近排忙到死嘅至暈大C

TOP

I agree ppl should have prenup, but how to make your partner sign that prenup?  That is the most hea ...
zoids 發表於 2010-8-28 18:18



    所以呢﹐我經常都話D人結婚唔好淨係諗擺酒﹐影video﹐拍婚紗相﹐去邊度蜜月。其實真係好多鎖碎事要做。Insurance﹐bank account﹐自己嘅物業等等﹐都要考類需唔需要改/加名。另外prenup真係要諗諗﹐因為我識得太多太多姊妹離婚後追膳養費追到褲甩。我可以話你知﹐一張婚書係保障唔到D咩。若然個男人唔俾(假設個官係咁判先講啦)﹐你要再打官司可能又要年幾兩年﹐到時就算個男人輸左佢唔洗back pay返果年幾時間嘅膳養費。好可能俾幾個月又係拖﹐等你再打官司。

我好贊成先小人後君子﹐免得大家關係差果陣仲要傷口上灑鹽。

TOP

Peace﹐好奇討論下



講到好灰甘
甘你自己對婚姻又有咩睇法呢﹖
Davidcopperfeel 發表於 2010-8-29 23:10




我絕對唔反對人結婚﹐有好多人鍾意結係絕對有呢個權利﹐所以我都支持埋同性/變性人有呢個權去做。

本人覺得無咩價值囉﹐我又唔係要人養﹐又唔要一張紙買個"保障"因為買唔到。以我浪女型象﹐我覺得合得來不合則去﹐一張紙綁住兩個人根本無意思。


-- 準備裝修間屋嘅大C姐

TOP

我都好同意﹐不過有好多女人都一定要結婚。
我覺得兩個人一齊開心舒服比結婚簽張紙更家實際。
唔洗爭埋咩膳 ...
Davidcopperfeel 發表於 2010-8-29 23:42



    我覺得好多女人自欺欺人囉。又要有保障﹐又要有張紙去證明身份﹐又要有權去分人身家﹐但係又會覺得做prenup唔浪漫﹐呢D真係唔知咩思想。

你真係咁戀愛大過天﹐咁真心﹐咁唔介意的話﹐你去同一個窮過你嘅男人結婚會唔會願意有朝一日離婚分自己D身家俾個男人先??

TOP

移民/流學的故事, 雖然呢兩野都冇發生o係小弟身上, 不過都對我有少少影響.
話說小弟中學時讀一間叫做"區內 ...
mcjohnjohn 發表於 2010-8-30 00:01



    有無簽記念冊?

"記得M﹐記得E﹐記得M-E記得ME﹗"

TOP

我仲有幾個流學生故事要講﹐咁我仲講唔講落去呀?

TOP

Chapter 3:

大家好﹐仲係我大C姐。

流學又係另一個topic﹐因為無父母一定唔喺身邊﹐呢D流學生好多都乘機作反。鬼唔係咩﹐好多老豆老母見D仔女中五得3分或者A level考差就供D仔女去外國買個機會。但係其實本身會考英文囉0分﹐點解會覺得去加拿大/英國/澳洲就會突然間追得上? 所以都唔怪得D細路去到外國心灰意冷寄情拍拖/打麻將/飲酒/睹....

話說好幾年前自己都仲係學生果陣﹐身邊其實都好多流學生/太空人家庭嘅學生出事。其中好多讀書唔成﹐但係又呃住屋企人﹐囉左D錢去玩﹐整車﹐吸毒﹐睹都有。有幾個女仔仲俾人搞大左(其中一個個案之前<夜生活>講過)。其中比較極端例子聽過有個香港流學生醉酒撞車出事﹐死左連香港D屋企人都唔知。



亦唔係一面倒係講流學生嘅壞話﹐我都知道一個流學生慘痛經歷。呢度要鄭重聲明我係想用呢個example去令人提防﹐唔係要唱人私隱﹐所以我會將D身份保密。話說某個有錢佬有個仔叫Richard﹐Richard唔係果D鍾意wet溝女嘅二世祖﹐但係佢有D玩世不功﹐又缺乏溝通能力嘅一個中學生。簡單D講﹐Richard喺未有"宅男"呢個term已經係一個宅男。個有錢佬見個仔咁唔長進﹐又想佢學獨立就送左個仔去外國﹐仲要佢住home stay﹐希望佢可以過D普通唔係有錢人嘅生活。其實個intention係好﹐但係Richard當然唔想啦。本身都已經唔想俾人管﹐又點會想聽一個陌生人講? 所以兩父子因為呢件事就令感情由"無乜"到"好差"。

Richard去到某外國國家(唔方便透露)就住喺一個太太屋企。個太太自己有個女不過都好大個﹐基本上唔係同個太太住﹐係自己搬出去居多。呢個太太之前亦招呼過其他home stay學生﹐無咩特別﹐都係包三餐咁啦﹐Richard自己有個房喺basement。大概住左一段時間之後﹐有一晚個太太趁夜晚"偷襲"Richard﹐果晚其實個太太係性侵犯左Richard。果一次事件之後﹐其實Richard好驚亦唔敢同人講。個太太亦係利用左呢一點再去恐嚇Richard去繼續呢個關係。其間雖然無直接同老豆講點解﹐但係就強烈表示要返香港。但係個有錢佬緊係覺得自己個仔擺少爺仔脾氣﹐又講唔出原因所以就唔俾個仔返香港。與此同時﹐因為個情形越嚟越惡劣﹐個太太嘅"要求"越嚟越密﹐Richard最後係有同一個學校裡面叫做最熟嘅朋友講呢件事。但係呢個都係十幾二十歲﹐根本都唔知可以做D咩﹐又唔敢報警﹐所以都係不了了之。

到左學期尾﹐Richard可能用左D學費/生活費買左張機票飛返香港﹐返到去之後精神係有問題﹐而且就更加自閉。個有錢佬都百思不得其解﹐因為Richard一直無同屋企講呢個經歷。直至後期個有錢佬先由果個同學轉接之間得知成件事個真相。


-- 靚女高材身大C姐

TOP

返回列表