大C姐

Most parents see college or university as a path to paradise, in which is not the case. Money has be ...
Ovaltine 發表於 2012-9-25 21:16

    我覺得Ovaltine呢一番話道出好多時下o靚仔心聲，＂讀書求分數，讀完又唔學而置用，都唔知讀嚟做乜！＂

OK，你都講你自己係returning student，你都已經諗清諗楚先決定返去校園。對我嚟講只有兩個原因：
１）為興趣，咁你就可能take錯科啦，原來唔係你鍾意讀嘅嘢。
２）為工作，咁你要進升機會就要付出㗎啦！你估咁多人鍾意讀會計呀，咁你要做呢份工就要讀而且prove到你有咁嘅能耐。

所以我覺得年青人睇嘢放遠啲。幾千年來，做工都係辛苦㗎啦！你有幾何聽到＂我做份工好嘆，我唔係好洗付出㗎咋。＂唔辛苦點得到回報？個個做工為興趣咪走晒去做part time model , PR , 做designer囉......　倒頭來咪又係發現興趣唔可以當飯食呢個道理！

大C姐

ammm. I think I missed the topic or at least what the OP intended to.
If 學歷何價, means how much mo ...
布小熊 發表於 2012-9-26 09:11

    呢個我會open to interpretation。有人覺得學歷價值等如搵到幾多錢，有人覺得學歷價值在於培養內涵同修養，有人覺得學歷價值係知識上嘅追求...

當然我係覺得以上所有（可能仲有其它）價值觀係唔衝突嘅，我有權為錢為內涵為知識去進修，亦有可能我淨係為錢去考一個牌，為知識去上一個course，為個人修養去讀一個課程。


我覺得過程都係人生一個亮點，不過咁貴去買一個體驗，值唔值就見人見智啦。

大C姐

大C姐果然係大C姐

開過thread都唔同啲，好鬼insightful。
ACC-HE 發表於 2012-9-26 11:20

    梗係啦，我唔係淨係空想㗎，我覺得一個成功嘅平台在於互動。講啲嘢要有見地得嚟又要得到其他人同感，可以話係雅俗共賞！

如果隨意講一大堆自己思想，又唔要人哋意見，就不如old school啲，攞本簿寫詩寫日記放晌床下底好過啦!

大C姐

你的logic有問題，post自己野，同唔聽人意見係無衝突
掉轉黎，我又可以聽人意見但吾post野
我又可以唔聽人 ...
ricrick 發表於 2012-9-26 17:43

post自己野同唔聽人意見有衝突!

如果你淨係想人睇你寫嘅嘢又唔俾人回應，你寫blog再disable comment function囉。呢個係論壇，老友聊天呀，excuse me。

如果個個都話＂我post自己嘢，你唔明我你收聲，鍾意睇就睇唔明就罷，我唔係要你嚟回應批評我！＂我有我空想，你有你空想，咁其實冇咩必要放上網？

當然你後面果兩句好啱，冇嘢想講你有權唔回應。廢話最好唔好回添！

大C姐

你甘諗真係膚淺，可知道世上有多少人為理想放棄一切的高尚情操

興趣不是不可搵食，和所有工一樣，最重 ...
ricrick 發表於 2012-9-26 18:01

    話人膚淺之前請看上文下理



甚麼是興趣？你自顧唔打人工或許（都其實冇咩可能）可以興趣當飯食。你要人請你打工，你有冇權話＂我淨係做我想做果啲工作，果啲悶呀煩呀難搞果啲唔好預我！＂呢個不設實際。

就算你係自顧，用＂興趣＂做生意先算。你開舗賣精品，賣首飾，一樣要受客人氣！你幫人影相，收咗人訂你病都要頂硬上同人影婚紗相啩？

工作態度不能＂恨撈唔恨做＂，每個工作或多或少都有興趣成份，但係心態上一定要能屈能伸，要有serve人嘅態度先賺到人哋袋裡面啲錢。

講，係好動聽，為理想放棄一齊嘅高尚情操。除非你打風流工啦，賺幾多唔至在，咁你講得通嘅，你可以興趣當飯食。

大C姐

講返讀書，我都係以實際為主。如果一科我好有興趣但係好難搵食，同另一科無咁有興趣但係容易搵到工，我都會 ...
fibbi 發表於 2012-9-26 22:38

    我自己都係咁諗，我知好多人會disagree，但係我一定唔會喺大學花錢去學＂興趣＂。依家資訊爆炸嘅年代，有咩知識唔可以自己搵，自己讀？就算要搵老師教，例如某啲科學或語文，都用不着讀一個４年制嘅degree。如果只係想對知識上追求，唔需要一張cert去證明，俾便個睇啫？

大C姐

回復  fibbi


    Interesting thought, I bet you think kids with ideals are too simple sometimes na ...
Ovaltine 發表於 2012-9-27 00:40

    聽落好有hippies思想。

我覺得每個人都要對社會有建設，以呢個社會上亦一定有工作係厭惡性。幾千年嚟都一定有人做清潔，做殯儀，做勞工...　咁但係如果每個做呢類工嘅人都憤世嫉俗，對資本主義社會懷恨，咁好難過日子。

而事實上亦唔係所有清潔嬸嬸都唔開心，佢哋好多都有愛錫佢哋嘅家人，關心佢哋嘅朋友同事，照顧佢哋嘅鄰居。當你接受咗工作只係工作，其實唔一定要好苦咁生活。

大C姐

你又前設興趣=無態度？
又將興趣=無正經

我知你想講咩，你應該用發夢來形容果d不設實際的人，隨口up，什 ...
ricrick 發表於 2012-9-27 15:40

    點講呢...興趣可以係動力或靈感囉，但係工作都係絕大部分係講現實。

OK，我有個朋友喺呢邊１０年前已經好鍾意研究健康食品，有機嘢食等等，咁畢業返咗香港就開始做呢類食品嘅代理。你問佢對自己嘅事業滿唔滿意，當然係由自己興趣出發先有靈感去做呢門生意。但係你問佢呢個生意是否個人興趣，就一定唔係囉！你要day to day做１０萬樣瑣碎嘢，其實去到生意果part已經係同健康食品冇咩關係，佢賣屎塔都係要追數，發單，check shipment，出糧...　講到尾，出嚟搵食好難講興趣點都要面對人（難頂嘅客／伙記），要對人就一定複雜。興趣對我嚟講係鍾意幾時做就幾時做，唔使同人交代。

大C姐

Extremism is great contrary to common misconception, would you rather fall within the Anglo-Americ ...
Ovaltine 發表於 2012-10-2 03:51

眞係唔係為拗而拗，不過有時mediocrity都唔係太差。總唔可以個個都咁extreme，個個都咁有＂性格＂又係唔productive啫。

回想過去人類一千幾百年都係慢慢進步其實係OK，反而依家可能某啲位進步太快好多人都搵唔到抖氣位去安於現狀。

大C姐

Couldn't agree with this.  Going to University is to enrich oneself, this has to come first.

Libe ...
Look4chrisng 發表於 2012-10-2 10:50

    我諗rickrick講過啲係communications, philosophy, linguistics果啲arts program唔係講緊fine arts。如果連中學都讀唔好，入到大學又唔係讀啲自己鍾意嘅科，都唔慌讀得好咁解。

讀performing arts果啲又係另一種mindset，如果有錢有興趣又＂自以為＂有talent都不妨讀嘅，人生苦短，可能殺出一條血路呢。