學歷何價？過來人經驗之談（二）

上回講到我老表喺香港考文憑試（DSE)囉到高過最低大學收生標準３３２２。本來應該開心超越大學門檻，但係以佢嘅分數又唔夠高，最終被大學聯招（JUPAS）拒諸門外。

大前題係３３２２作為「大學門檻」明顯過低，攞到呢個成績嘅學生遠超學位數目。３３２２與實際能升大學成績相距甚遠。幸好成績一向平平嘅表弟一早報讀副學士學位（associate degree)課程「買保險」，總算冇大失預算。

但係，另一個問題係，我同一班親戚眼中副學士只係買多兩年時間俾學生諗吓前面條路應該點走。實際上銜接到大學嘅例子不足一成，而且副學士嘅認受性又低，職場上同中學畢業或IVE無異。

當然，家長心態係，有得搏多次點都想俾個仔多一次機會入大學。如果兩年後真係入唔到就面對現實啦。但係我嘅諗法係，過去讀咗１０幾年書佢個分都不及大學資格，難道兩年内真係會突飛猛進？況且，佢依家讀呢個副學士課程既唔係佢嘅興趣又唔係佢嘅專長，更加唔係一啲實用嘅技術。何必再讀落去都係徙兩年時間？不如早啲吸收工作經驗。

我好明依家呢個社會好多工都要一個學位。但係要上大學並非一朝一夕嘅事，你有充足嘅時間同心理準備去面對。若然唔係讀書材料，只好認命，大學嘅書唔會容易啲。出到嚟打份文職對住文字同數字亦唔會有所發揮。倒不如用心諗吓點樣用自己才能去搵食。例如有啲人對住啲字會頭暈目眩，但係對住人就會滔滔不絕，或許做sales & marketing會有更好嘅出路。

- 大C姐

大C姐

非常老友 (高級)

Rank: 4

2^#

發表於 2012-9-28 13:33 | 顯示全部帖子

In Vancouver, university degree holders are not making as much money as someone who had proper trade ...
hirokendo 發表於 2012-9-28 10:15

當然，成個世界都偏向知識型經濟，但係香港都有旅游業，有零售業，有物流業，唔係個個做金融會計法律㗎嘛。

學satil話齋，你讀咗十幾年書，你要認知你自己係咩材料。與其高不成低不就，人云亦云，返寫字樓工，就不如趁仲後生諗吓點用其它能力去搵食。就算你肯讀，都係技不如人，入唔到＂有前途＂嘅課程，畢業又係返回square one。

除非你好有興趣想讀書完成心願，你可以afford到呢幾年時間同金錢咪讀囉。但係用呢個做藉口去推遲面對社會找工作，不止輸分數亦輸咗成長嘅勇氣。

TOP

大C姐

非常老友 (高級)

Rank: 4

3^#

發表於 2012-10-1 09:45 | 顯示全部帖子

仲有一個有關讀書嘅話題我想講......

我好唔明點解啲香港人咁鍾意話養一個細路要幾百萬。當然，你呢個數係入私校，你甚至可以供佢出國讀boarding school專機出入添，要豪洗的話一兩千萬都濕濕碎。呢個都唔係重點，我覺得普遍家長都未必供啲仔女讀私校，但係大部份都會預咗幫仔女俾大學學費。

點解我咁唔贊成家長俾學費呢，其實係放棄咗成長一個好大嘅教訓。首先，有冇發覺一日唔渣車一日都唔識認路。唔出嚟自己住都唔知米貴。人哋打本做生意，啲錢特別用得快同埋洗咗去邊都未必知。

個道理係，你叫啲仔女讀大學，你又俾埋錢。啲仔女就算唔鍾意讀書都比出嚟做嘢好，咁又混過去，＂返學＂而唔＂讀書＂，hea足四年。因為唔係自己錢呀嘛，又唔洗還，根本個腦係冇run過，學費幾錢都未必知。求其有一科收就讀啦，最好唔好太難，為求畢到業就同家人有交代。呢個心態害死唔少o靚仔。

因爲俾你僥倖畢業（大學也好，college也好，Asso或IVE也好），你一啲責任感都學唔到，廿幾歳先要用個腦面對社會你話點混過去呢？

TOP

大C姐