大C姐

來説是非者便是是非人...


你EQ高啲就唔怕有人講你壞話，所謂日久見人心，會聽同會信是非精説話嘅人都唔係我要打交道嘅人。

你EQ再高啲就直接confront嗰個人，問點解要講是講非？如果你平心靜氣對方都不為所動，至少你對得住自己，有曾經嘗試resolve個問題。當然唔講道理嘅人大有人在，咪當道不同不相為謀囉。


最低智嘅做法就係喺其它人面前講返佢嘅是非，又或者做小動作去令對方難堪。呢啲只會暴露其短，同流合烏。


是非係病菌，會傳染嘅，見到一篤狗糞都係掩住個鼻走為上著。

大C姐

你EQ再高啲就直接confront嗰個人，問點解要講是講非？如果你平心靜氣對方都不為所動

? ?????????

以我經驗，是非精實際唔係咁多，但係點解啲人成日覺得有人講是講非，根本half of the time係自己心虛。

好似喺office有人篤你背脊，喺老闆面前打小報告，其實對方可能係講實況，只不過佢咁啱講到你嘅不是，你咪覺得對方係是非精囉。真正無中生有嘅case唔係冇，不過唔係咁多人得閒作古仔陷害你。

再講，好多時你以爲A君係是非精，因爲你聽阿B同阿C講A君嘅壞話。呢啲case多的是，根本啲説話就唔係A君講，又或者阿B同阿C佢哋加鹽加醋入埋佢數。

所以你有 EQ的話你可以當佢哋冇到，置身事外。但係你EQ再高啲嘅話，其實係可以反客為主，同嗰個＂是非精＂打好關係，可能對方都唔係壞，只係誤會一場。就算對方真係一個不折不扣嘅是非精，你倒不如令佢當你做朋友，起碼少個敵人。

大C姐

呢d吾係eq wor，呢d係叫假
要假都要有人同你配合

有d人，一開始就知時辰八字相沖 ...
ricrick 發表於 2012-11-9 14:00

    我覺得視乎你點睇，呢個世界唔係咁多十惡不赦嘅大壞蛋，有啲人多口啲，有啲人妒忌心重啲... 我覺得都唔一定壞到一文不值。

有時懂得去發掘同欣賞別人嘅優點都係一種EQ。當你發現公司個八婆都有優點，你又可以同對方保持一個友善嘅關係都唔算假呀，唔做老友都唔一定要黑口黑面嘅。

大C姐

我做唔出 lor...almost like, make friends with the criminals so you won't be affected by those crime ...
布小熊 發表於 2012-11-9 14:06

    我選擇唔同人交惡同＂同流合烏＂係兩回事。我唔會見人打劫又去打埋一份。

做唔出定係唔想做係兩回事。見人見得越多越發覺唔係咁多＂好人＂同＂壞人＂，大部份人都有自己嘅優點與缺點。你做唔出係因爲你淨係focus人哋嘅缺點，覺得人哋嘅不是好差勁，好睇唔過眼。但係試問你自己又係唔係聖人？當你攞起石頭決定對方係衰人係criminal，你自己有冇問過自己係咪冇缺點，冇超過速，冇丟過垃圾，冇拍車唔俾錢，冇喺香港買嘢返嚟唔報足税？

個個人都犯過法，只不過係輕重嘅分別。況且講是非都唔係犯法。

大C姐

criminal is just an example. may be it's not a good one.
I have some baseline on being a person an ...
布小熊 發表於 2012-11-9 15:03

呢個example都太extreme，因爲虐畜都係犯法，好嚴重添！

我諗個topic係講緊是非精，一啲多口啲嘅人啫，又唔係咩大壞蛋，我覺得理解咗背後動機，可能做唔成朋友但係都可以friendly and civil to each other。朋友定義好闊，食飯行街嘅一種，講心事係一種，好久不見寒暄幾句嘅又係一種。做人唔洗非黑即白，每個人或多或少都有啲common ground，唔會一啲共通話題都冇。

大C姐

我諗大家濫用咗＂假＂呢個字。

我覺得如果你好唔滿意對方但係刻意奉承，我會覺得假。但係如果你唔滿意一個人，但係唔去搞針對，要工作就實事求事，見到面就點吓頭，我覺得唔算假。出嚟做嘢，你係咪每一個心聲都講出嚟先？你上司做錯嘢你係咪第一時間出聲先？你個客麻煩係咪好唔客氣咁話唔做佢生意先？如果你都係要吞聲忍氣，咪又係你哋形容嘅＂假＂！


先唔好講朋友啦，如果有個朋友係是非精我就會遠離啦，但係同事冇得揀嘅，與其要見人前面嬲埋人後面，倒不如放鬆啲自在啲。你黑面都改變唔到人哋，反而弄巧反拙。出嚟做嘢還是leave your emotions at home比較好。