家頭細務的故事 - 你會自己做家務嗎? 朋友, 故事

大C姐

上個禮拜開左個heated topic﹐今次其實想講D人性D嘅話題。我今次係求講嘅唧﹐我唔知有無LYK身邊有呢D朋友﹐所以我唔expect會有好多同感。

先講大C姐自己。雖然係千金小姐身份﹐但係好細個我婆婆已經唔俾我點家傭做嘢。呢個可以話係家規﹐每次大人知道我點人做自己嘢(執自己房﹐幫我買嘢﹐拎書包等等)都一定鬧。細個唔懂事就覺得有D明又有D唔明。因為就算年紀小小都總有階級觀念﹐覺得"工人"緊係做家務﹐幫我做嘢啦。但係另一方面亦都明點解婆婆唔俾我縱關晒﹐驚我有朝一日無家傭喺身邊就拿手唔成世。

當然﹐人大左﹐真係正如婆婆所講我真係無屋企人身邊要自己靠自己啦。初初唔都關但係習慣成自然﹐無得食自然識煮﹐有潔癖就自然識清潔。雖然好多呢度留學生都好獨立﹐但係大C姐敢講﹐我對做家務真係有一手﹐屋企永遠井井有條﹐地下無都唔多條。可能C姐真係慣左自己住自己clean up嘅生活方式﹐有時去到親朋戚友屋企都好睇唔過眼。以前都會好經常去house party﹐都真係唔明平日D人點住? 個地係污糟到不能形容﹐廁所乾淨程度拍得上普遍night club。唔好話住﹐直頭留多陣都覺得有菌。

所以我係從來無諗過住宿社/同人夾租做同屋主。我知道好多人好眉好貌﹐但係好哪渣。其實我覺得做家務真係手板眼見工夫﹐若然你每日做少少﹐基本上唔覺自己係做緊家務。甚至乎有時我覺得陰陰天嘅時候聽住歌做家務係好減壓好有滿足感嘅活動。講左咁耐﹐都未入正題﹐其實我想分享一D做務心得同小常識。轉頭先再講﹐訓覺先......

http://www.youtube.com/watch?v=Nxm7i9jRw0Q


-- 出得廳房上得床嘅C人家務助理

大C姐

老作 都請你有啲文路丫
sheep 發表於 2010-7-22 07:15

   
    又幾咁無文路呀? 我又洗唔洗老作屋企有家傭呀?

我敢開個poll﹐多過半數LYK香港屋企都曾經有請小賓賓/其他家務助理。我真係想知有幾稀奇? 有時真係唔好為駁我而駁我呀﹐有D嘢你唔信無問題﹐但係我話我阿媽係女人都要challenge我﹐好無謂。

同埋"千金小姐"定義真係見人見智。我覺得我自己當年都已經算係千金小姐﹐但係比起當今小朋友簡直無得fight。而家D細路直頭係明星﹐D老母就係經理人。我成日喺香港都聽到D阿媽對住D仔女講類似以下一番話﹕

"今日返學辛唔辛苦呀? 個測驗做唔做得切呀? 我幫你抹汗﹐你飲D水先啦。你聽日6點有通告要操水﹐今晚唔洗補英文啦﹐練一陣琴做D訓啦。星期日你同學楊嘉文生日你要出席生日會啵﹐我幫你準備好禮物架啦﹐記住喺張咭寫名。果日個芭雷舞堂我幫你改左禮拜四..."



-- 千金散盡大C姐

大C姐

好 去開會 游埠 睇樓
費事睬你哋班蛋散
sheep 發表於 2010-7-22 17:01

呢句幾捉到我神髓﹐加你分。

大C姐

Why let yourself get spoiled?! When you grown up and realized you know nothing about housework, you' ...
chowB 發表於 2010-7-22 17:39

    有兩種人﹐一種係真心懶。明知係污糟﹐自己都唔係好願留晌屋企但係真係好懶做家務﹐寧願等其他人睇唔過眼﹐等人哋做。

另一類人(可能仲得人驚)﹐係唔覺自己污糟。佢哋係完全唔care亦無所謂。食完D餐具放喺床邊等發霉﹐周地下都係垃圾同衫﹐兩個月都唔會洗一次床單﹐D化妝品係過晒期又唔扭實個蓋隨處放... 仲有我眼見好多都係女仔﹐真係唔好以為平日打扮OK姿整一定對自己個人衛生好講究。

大C姐

回復  大C姐


    挑 要起你底 有幾難
sheep 發表於 2010-7-23 18:16

難架﹐我覺得你起到我底的話好巴__閉架。

起到話我聽﹐我幫你興祝。
   

大C姐

Yeah .. GAY guys are clean and neat ..  but not Les ..
Catpiano 發表於 2010-7-23 21:17

    錯晒﹐好多男同志都好哩啡﹐反而我識得嘅女同志都好識做家務。呢個stereotype唔係太正確。

大C姐

家務小貼士一﹕lysol wipes

我屋企係長期用消毒紙。首先﹐用完即棄夠衛生。我用一張抹檯﹐一張抹爐頭通常已經OK。最好係抹廁所﹐感覺乾淨D﹐而且隔日抹都唔覺得太麻煩。

另外我覺得呢D消毒紙可以抹梳化(even fabric)﹐有時會覺得好似好耐無清潔梳化﹐點都有D塵﹐ lysol wipes都可以pick up呢D灰塵﹐效果都幾好。

大C姐

家務小貼士二﹕一白遮三醜

好多人好懶分色洗衫﹐但係我都有一個trick。如果你得兩件白色恤衫﹐又驚染到色﹐通常都會手洗。但係若然係返工衫﹐成日要手洗都好麻煩。所以我就會recommend全屋D毛巾/床單都用白色。一來白色易襯又美觀﹐二來每個禮拜洗床單毛巾都可以搭單洗埋D白色衫。就算要落bleach都唔驚會漂到五顏六色﹐而且用bleach亦有殺菌作用﹐好適合用於經常半濕狀態嘅浴巾同面巾。

另外講開洗衫﹐恤衫西褲最好晾乾﹐唔好放入乾衣機。一來襟D﹐二來無咁縐﹐唔洗燙得咁辛苦。