大C姐

人地POST 乜你都想管, 這算不算是control freak?
唔想睇, 就HIDE 左佢, 或者直頭DELETE 左佢, 一勞永逸. ...
mcjohnjohn 發表於 2012-10-23 18:06

    你哋get錯晒我嘅意思...

我唔係講緊人哋喺微博，facebook，instagram發BB相，呢啲關我差事咩！我都冇呢啲account我大可以唔睇。我係講緊in person約去食飯也好，喺街撞到也好，任何時間都隊部電話俾你睇BB相過啲麻煩友！

大C姐

fibbi, 我應該比你更誇. 3 年來, 我只是跟朋友吃過一次晚飯...
那一頓飯, 是非去不可的那一種, 我真的不想 ...
mcjohnjohn 發表於 2012-10-23 18:11

    我覺得人生有好多個title嘅，你可能係一個好爸爸同好老豆，但係你未必係一個好盡責嘅朋友／死黨囉。咩都要取捨嘅。

我就真係唔得啦，我太多番數，要我停下來真係好困難。尤其是我呢一行好多應酬，唔social等於唔想撈！


咁俾着你，會唔會因爲有咗小朋友而轉行？又或者接唔接受到女主外男主内？

大C姐

回復  大C姐

真係好同意你個講法~ 我就係因為唔想大大的改變我生活方式同大大的降低我生活質素, 要我咁大 ...
jiujiujiu 發表於 2012-10-24 17:27

    我唔覺得人生冇結婚生仔係唔complete囉，我真心相信做人冇話冇咗邊個唔得，生唔生（到）小朋友都係一個縁份，一個選擇。既然唔一定要，就好講你自己點睇，你好恨而生唔到，可能係一個打擊，但係唔想生又冇諗要唔要去準備自己。

你問我，有冇一時三刻想過有BB，係有嘅，可能係幾日，幾個月，一年半載有呢個念頭。但係當嗰個window出現嘅時候冇條件去生，過咗之後又唔會好後悔，因爲又明白冇小朋友亦可以有好完整嘅生活。

即係好似fibbi，mcJJ，如果當日for whatever reason生唔到，可能真係試過都唔得，到今日都冇小朋友都唔代表生活會唔開心唔滿足，可能又lead to另一個生活方式同態度。

大C姐

命係自己選擇

但我已confirmed通常無兒女的老女人是會變態的，尤其是處於高職位 ...
ricrick 發表於 2012-10-24 18:35

    呢啲好歧視，我成日都覺得男人做上司幾嚴都好幾衰都好頂多都係俾人話係＂算死草＂或＂刻薄＂。但係換轉係女上司就俾人標籤＂心裡變態＂，＂中年期賀爾蒙失調＂或者＂老乾婆＂......

大C姐

同埋我唔buy啲人成日話咩生兒育女係天生有嘅意向，係大自然嘅定律。我覺得你咁講你唔好結婚啦，你不停播種啦，點解要birth control？呢啲係＂違反常理＂嘅動作，right?

我覺得人類之所以係與其他動物唔同，係靈長類動物就係有思想有選擇。我唔鍾意啲人一邊話人違反大自然，但係另一邊又做好多違反大自然嘅嘢。

其實大自然好多動物，熊貓，都唔係好有意育生子，點解硬要同某一類動物compare？

大C姐

男人係甘就緊ga la，但通常有仔女的女人吾會變成甘
ricrick 發表於 2012-10-26 10:14

    有家室嘅女人＂通常＂事業上冇咁進取（當然有例外），家庭同仔女為重，工作上要求冇咁高。但係呢啲女性都唔一定心裡變態，只不過好多人（無論男定女）都唔服女人做上司，心裏面有啲不平衡同歧視。

大C姐

40幾歲單身女上司更恐怖
ricrick 發表於 2012-10-26 11:38

    我覺得單身嚴重啲。

其實就算幾事業心重嘅人都係需要被愛嘅，咁確實有啲女性好唔懂得俾機會身邊嘅人去愛佢哋。其實男人都一樣要被愛，但係男人對愛嘅睇法可能唔同，佢哋可能會覺得被尊重被崇拜係被愛嘅表現。

大C姐

我唔係好同意呢個觀點。
如果係死黨嘅話，就會體諒朋友因為有bb而少咗出嚟吃喝玩樂，至於話如果有咩嘢想 ...
fibbi 發表於 2012-10-29 09:55

每個人都係得２４小時，咁你有BB冇人話怪你唔陪朋友，不過都真心係會＂分散＂咗專注力。同埋做嘢都一樣啦，你婚前婚後都唔同啦，你有咗小朋友返工都唔會好似以前咁搏命，萬事以家庭為主。

大C姐

婚前婚後我都有家庭的... 所以, 我工作都從來唔會搵命搏... 玩命我玩唔起... ...
mcjohnjohn 發表於 2012-10-29 17:57

    有冇諗過生多幾個？

你依家係有仔有女？定係兩個女？

大C姐

生左兩個, 已經打算收工~
但有D 野是人算不如天算, 如果個天比多一個半個我, 我其實都想要的, 不過, 我老 ...
mcjohnjohn 發表於 2012-10-30 17:46

    好呀，恭喜晒。

我要生都想生兩個起碼。因爲獨子好易縱壞，又或者同人相處冇咁圓滑。我覺得可以的話，有兄弟姉妹係好啲，有個照應不特止，個bond係同父母唔同，兄弟姉妹互相幫助嘅關係係父母都俾唔到。