大C姐

我本來都想開呢個topic不過又冇一個好好嘅例子所以一即冇講關於工作上嘅政治。

無論係你提出先定係你個manager提出先，你嘅動作都算係＂跳草裙舞＂啦。我本人覺得除非你真係有２００％信心，我覺得就算offer多啲錢俾你stay，都係有多少危機。

首先唔好講你manager會唔會懷疑你嘅loyalty，因爲佢可能走先過你。但係公司立場，佢升你一級，可能你immediate manager都唔係搵多你２５％。咁條數點計？

OK，我當有另一個position適合，咁你都要諗點解一開始唔consider升你去嗰個位先？你可以出去搵工，公司都可以去搵多幾個candidates去增加競爭。再講，如果係大公司，你manager都仲有上頭，都要justify點解喺冇interview過其他人之前就直接升你。其實都未必＂啱規矩＂。

學你話齋，佢咪俾啲希望你令你等，當你turn down咗其他offer就係另一回事。

大C姐

我自己都成日有headhunter搵我過檔，有好多都係oversea，或者都係比較遠嘅城市。

我諗我剛剛畢業嘅時候會用盡飲奶力去搵工，去賺錢。但係依家某程度上已經上咗軌道我又覺得應該將心肌放喺其他地方。始終工作仲有３０－４０年去爭取，但係人際關係，青春，健康，興趣就可能冇咁＂長命＂。

所以依家我工作態度都係我份工唔係我嘅生活。