大C姐

回復  rockypath

配合你，先引用你所提的　無神“論”是否宗教／信仰：

無神論是否一種宗教？

在回答 ...
satil 發表於 2012-11-24 14:52

有啲嘢例如神同信仰，係好抽象，有時唔洗咁執著個字眼。置于＂論＂定唔論，都係各有各講。當然有宗教背景嘅人會有幾萬種理由同證據去證明佢哋嘅＂神＂嘅存在，所以對＂無神＂之説確實只係一個（荒謬）理輪。

同空杯個例子唔同，＂神＂確實喺唔同時代唔同文化都有舉足輕重嘅記錄同演繹。如果一樣嘢係咁＂理所當然＂唔存在，正如空杯，會唔會咁多人喺唔同時代都咁歇斯底里去崇拜呢？

正如你所講，有冇神都係未知數，如果有神係鐵一般事實（聽日耶穌開個press conference表演升天），無神論根本唔成立，唔通呢個世界有無貓論？無狗論？

既然有神唔係１００％肯定，無神都一樣唔係１００％確定，兩者都可以係理論。難道依家科學可以１００％解釋得到世界嘅創造源頭？I don't think so。冇人可以舉證宇宙萬物唔係嚟自造物主（神），所以無神並非一個客觀事實而係一個理論。

一個班房啲學生走晒有本書留低，個個都話本書係Mary嘅，你問＂有咩證據話本書係Mary㗎？＂冇人講得出確實證據，你就判斷＂本書並非Mary所有＂係一個客觀事實？講唔通。

大C姐

回復  大C姐

你講得啱，“無神論”一詞確是“有神論”的一群，強行推翻科學邏輯，強行身份對調的手法，” ...
satil 發表於 2012-11-25 11:33

    我唔係完全唔同意你講法，你講得都合邏輯，如果呢個世界只係得兩個option，但係我睇嘅嘢闊啲，我覺得無神同有神以外存在非常多可能性，或者得一個地球有生物我哋真係咁得天獨厚係石頭爆出嚟，又可以個世界係好多個神開會建設出嚟，又可以係輪迴轉世一個宇宙變另一個宇宙好似self-sustaining aquarium但係冇源頭都唔定。

我個比喻或者可以解釋得清楚啲，事實係班房有一本書留底，正等如呢個世界的確存在，呢個係result，我哋想知係點得嚟。一班３０幾人冇人知本書係belong to邊個，有人話係Mary留低嘅，呢個係一個理論等如係＂有神論＂先算，咁你話冇證據或唔夠證據確定本書係Mary嘅，你選擇唔相信呢個推論，喺法律層面你可以話本書暫時唔屬於Mary，呢個合理。但係置于代唔代表你可以話客觀事實擺到明本書唔係Mary嘅，從普通日常理性層面，我覺得咁講講唔通囉。講到事實就好似已經塵埃落定，水落石出，而事實上我哋都仲係估估吓，其實班上面有幾多個學生都未知，因爲本書有權係Mary又或者班上面其他同學嘅。

大C姐

這討論真暢快，唔似之前嗰啲，又人身攻擊，又粗言穢語．好品的對手真難求，要讚吓大Ｃ姐　 ...
satil 發表於 2012-11-25 15:54

    我開中名義話我係支持有宗教，好多人係選擇跟隨不同信仰我係理解同接受，所以喺呢個大前題底下我係冇詆毀任何宗教人士。

你嘅理性分析當然係重要啦，但係在我而言，信仰從來都唔係科學，我覺得似一個藝術多啲。我個題亦都講到明係大C姐嘅心靈分享，我係用靈性上去睇呢個話題。我嘗試去用你嘅方法去演繹，當然大家係冇一個共識。因爲你係以＂innocent until proven guilty＂若然唔夠證據定罪，一日未判個疑犯或被告就係無罪，你嘅睇法係black and white，呢點我好明白。但係俾著我，法官未有定斷之前，我諗我唔會好似你咁勇敢去conclude話個＂客觀事實＂係個被告係無辜。

講到尾我唔同意用科學方法去驗證一種咁抽象，咁虛無縹緲嘅精神或心靈上嘅信念。根本好難去define一個paremeter，因爲實在太複雜同千絲萬縷。就算okay你可以說服所有人＂有神＂係論點，＂冇神＂係＂客觀事實＂，咁又如何？與其去簡化到只係有神同冇神，不如退後一步諗自己相信啲乜同對自己人生觀有咩影響。

大C姐

你地都講得有道理, 一樣米養百樣人, 小弟絕對認同教徒都唔一定係好人, 就咁睇我MJJ 咁衣冠禽獸就知道了!  ...
mcjohnjohn 發表於 2012-11-25 18:15

    絕對啦，大把神父搞細路，我覺得咩信仰都係人一個，邊有話信咩就一定係好人上得天堂呀。

大C姐

仲有人咁傳教? 佢應該要去再培訓了~
mcjohnjohn 發表於 2012-11-25 18:20

    再偏激嘅傳教方法都有，唔一定係講天主教啦當然。

有兩個簡單例子，一個朋友經歷，話說佢係一個同性戀者，佢屋企有去開church，學你話齋算係唔太虔誠嘅天主教徒。咁大大吓個朋友知道個church係反對同性戀就冇去教會啦，但係父母依然有去而且係接受咗個仔係gay。點知個church知道呢件事就向個媽施壓，話明你同意你個仔搞gay都係唔得到神嘅認同，你哋會被懲罰，上唔到天堂，blah blah blah。

另一個係自己親身經歷。話說幾年前某親人因爲長期病患要住醫院，咁醫院係有啲唔知牧師定神父喺度做counselling工作，可能幫教友祈吓禱又順便傳吓道等等。咁起初冇咩嘢，當關心咁問有咩幫到我哋，佢哋班弟兄會同我個親人祈禱，咁ok啦我哋好禮貌咁見到面都打個招呼啦。點知就開始落藥啦，問我哋病人有冇受洗呀，如果病情唔樂觀又唔想死後繼續suffer，可以得到解脫，就幫佢領洗啦。

大C姐

哈哈~ (真心的笑)
天主教D 歌真係得啖笑, 十首有九首D 詞真係亂咁填! 不過間中都有D 正常既, 是小弟唯一覺 ...
mcjohnjohn 發表於 2012-11-25 18:24

係咪要多啲明星唱潮天主教歌會好啲呢？基督教依家聲勢浩大都係得啲名人爭住認係信徒同不斷分享見證。

我就見證住好多人擘大眼講大話，同講一套做一套。

大C姐

(1) 如果我是父母, 我會照去CHURCH LAW, 我個仔係唔係GAY 關我乜事?... 你個仔強姦左人, 你駛唔駛代佢切JJ ...
mcjohnjohn 發表於 2012-11-25 19:11

    係呀，我個朋友嘅父母係一直有去church，even佢哋個仔come out咗佢哋照返教會，當然佢哋冇周圍同人講，我個仔係gay㗎，淨係話個仔搬開咗所以冇返嚟呢個教會之類。但係唔知點解，可能有啲３姑６婆講啦，教會啲人知道咗我呢個朋友嘅情形就向佢父母親施壓。其實本來我朋友對呢個教會啲人都唔特別反感，不過呢件事之後就成家都冇去。因爲之後係幾恐怖，教會係想見我個朋友希望＂感化＂佢，咁知道冇可能之後又說服佢父母叫佢＂改邪歸正＂啦，最後係恐嚇佢哋話同意同性戀等如敵基督嘅行爲之類，講到係成家不得好死落硬地獄。仲要係講呢啲説話嘅人係識咗我朋友嘅family好多年。

大C姐

我認為宗教都係人的哲學，可控制人的思想及行為。當中是有很高深的智慧。跟著做是無死的。但錯誤解讀或過份 ...
ricrick 發表於 2012-11-25 20:33

    我好同意，所以我覺得宗教係冇得死坳。

即係等如愛，你愛一個人根本冇原因，冇得咩科學舉證，客觀分析，你愛就係冇條件㗎啦。

信或信仰都係一樣，你信一個人唔會呃你，唔會離開你，你都冇證據冇得去prove嗰個人一定信得過。所以呢啲感情同靈性上嘅交流係某程度上唔理智㗎。

＂事實＂就係有啲人選擇相信一啲嘢，有啲人選擇唔信某啲嘢但係相信其它嘢。都係講個信字。

大C姐

我都好多親戚朋友係信教，他們都好”認真”sale我去教會，每當我又”認真”同佢地講解／分析／討論他們的宗 ...
satil 發表於 2012-11-25 20:27

    就係正正講中我個point。

等如你有一個弟弟，你由細睇到佢大，佢壞事做盡又唔長進但係偏偏有個女仔對佢死心塌哋。

你同個女仔講，＂冇人俾我更加清楚我弟弟，佢係一個衰人，信唔過㗎！＂

個女仔同返你講，＂唔係哩，佢對我好嗰陣你唔知啫，我佢對我真心㗎，你唔好理我啦！＂


其實你洗乜同佢分析啫。你講晒你細佬啲衰嘢都唔排除佢有人鍾意可以結婚生仔。冤豬頭都係萌鼻菩薩。

大C姐

我也不是在跟你討論是否有神。我只是想知道你如何證明“無神”是客觀事實。

在“無神”與“有神”都不能 ...
rockypath 發表於 2012-11-25 23:53

    我其實係buy你㗎，我之前想講嘅都大置上同你一樣。不過我亦明satil係用一個非常精準嘅科學思維邏輯去將一個大topic縮小到有同冇，１同０，我覺得佢推斷冇錯，但係用呢個方法去討論信仰同宗教我唔認同囉。

我哋人對世界嘅理解係阿媽生個仔出嚟，個仔生個孫，一代接一代，但係對於源頭我哋只能夠推敲係有一個＂造物主＂創造出嚟。呢個推論一定唔係scientifically proven但係對人類嘅靈性上係合理嘅。

好似一個孤兒冇人知父母係邊個，查唔到㗎啦。事實上個孤兒擺在眼前，咁佢點得嚟呢？

satil就會話，＂佢有父母暫時是theory，而由theory轉化為fact是需要驗證，在未能驗證之前，冇父母在現階段是客觀事實，並非一個”論”．你可以不斷的去證明佢有父母，但在未有結果之前，其絕對相對狀態“沒有”是暫時的客觀事實。＂



咁你覺得佢講得佢講唔講得通？