大C姐

我呢個宅男就最鍾意留喺屋企, 不過唔係一個人, 而係一家人.
帶住兩隻小魔怪出街其實真係幾辛苦的. ...
mcjohnjohn 發表於 2012-10-16 17:58

    咁你唔係宅男，係family man啦。

其實都有你呢啲（暫時）成功例子嘅，我都希望所有結咗婚生咗仔嘅夫婦都可以好安於家庭生活。

喺正常情況下，點會每一段婚姻都風平浪靜呀。我都係覺得點都會有啲危機，不過睇吓點處理。確實出去滾嘅故事實在太多太多，一個婚姻關係５０年裡面好難只得兩個人囉（唔計小朋友）。

大C姐

我諗住捱多十年八年, 等D 仔女大過D, 我同老婆仔又可以重過拍拖生活了. 希望期間唔會比兩假小魔怪玩殘便好 ...
mcjohnjohn 發表於 2012-10-16 20:10

    唔好咁口響，你老婆係咪初戀？以前啲女友咪又係愛得火熱。

同埋出軌嘅可能唔係你呢......

大C姐

健康院有本書仔有教的. 有講三個月前可以用乜野姿勢, 三至六個月又乜野姿勢, 六至八個月有乜野姿勢. 當然, ...
mcjohnjohn 發表於 2012-10-16 17:56

    呢啲我想聽呀，我哋未有仔女真係好缺乏呢啲性知識。

咁生完之後又要幾耐先回復正常床事？

大C姐

我覺得跟我太太可以算是初戀, 因為之前的所謂戀, 我一早知道是沒有結果. 小弟以往一向目標為本, 沒有結果 ...
mcjohnjohn 發表於 2012-10-16 21:43

   初戀婚姻真係可圈可點。

好嘅係冇比較，唔會因爲小坳糾而攞啲ex出嚟講。亦唔會諗如果同邊個邊個冇分手會唔會好啲。

但係我又覺得同唔同人拍拖係會了解自己多啲。即係等如每日都見唔同客，你都會學識點用唔同語氣去接待人啦。



同埋唔好攞宗教做原因啦，你係咩人先會信咩宗教。其實人同人相處愛就愛，唔愛根本信咩教都係唔愛。

大C姐

大C姐, 小弟手抱果陣已經比人捉左去信教, 就好似當年D 人將隻初生羊咩咩去奉獻一樣. 哈哈~
至於拍拖, 我年 ...
mcjohnjohn 發表於 2012-10-17 18:00

    我都係由細到大讀天主教學校啦，咪又係一邊聽故一邊駁故！從來冇信過！宗教同你鍾意邊個人可以完全無關。

點先叫做有結果？結婚生仔？咁你有冇朋友㗎？你同你啲朋友會有咩結果？拍拖同交朋結友差唔多㗎咋，唔係要講咩結果，唔係次次拍拖都要結婚上床。

大C姐

大C姐,好多男人都沒你咸濕，上網有得睇。貓貓狗狗黑人白人自己研究研究。吾好成曰問D尷尬個人問題。 ...
Look4chrisng 發表於 2012-10-17 22:22

    你住喺咩年代？呢啲叫鹹濕咩？呢啲係正常不過嘅性教育。就係你呢啲迂腐嘅人喺道德高地成日將啲健康話題講到好意淫。首先，我又唔係問你，幾個成年人閒聊，當事人覺得太私人就會唔答㗎啦！你可以唔睇，但係唔可以指摘人哋健康探討性知識。

大C姐

順產都有後遺症, 就是忍尿功能會冇未生之前咁好的.
mcjohnjohn 發表於 2012-10-17 22:22

    呢個我都聽過，好多生咗好多嘅女人年紀大咗都有呢個問題。

其實性唔一定用陰部，性生活可以有唔同形式互相配合。

大C姐

大C 姐, 小弟由細到大都在香港, 浸淫在"目標為本"既CONCEPT 中. 小弟既看法, 拍拖既終極目標, 不是上床,  ...
mcjohnjohn 發表於 2012-10-17 23:06

    吓？你做朋友要互相利用㗎？聖經邊張邊節講過呀？

好辛苦啫做人咩都要講目標。你冇毫無條件咁去幫過人咩？你有冇做善事㗎？

我唔覺得香港人係咁噃，香港人可以好有義氣，唔講利益幫兄弟。又可以做朋友冇目的去hea......

大C姐

唔係指摘你既, 只係笑你鹹濕之麻.
mcjohnjohn 發表於 2012-10-17 23:09

    佢個觀念錯晒，一定要糾正！好驚依家啲人連黑白都不分，智性當鹹濕，鹹濕當有趣。

大C姐

"互相利用"只不過是我們圍內朋友既口頭禪... 其實是互相幫助, 有事大家一齊撐既意思. 哈哈~
除左互相利用 ...
mcjohnjohn 發表於 2012-10-17 23:42

    咪住先，唔好混淆視聽，"互相利用"同＂互相幫助＂差好遠噃。我對朋友好係因爲我覺得佢哋係好人，值得幫就幫，唔係諗住有咩利用價值㗎。恕我愚昧，我以爲冇條件之下先係叫幫助。

我唔係話你錯嘅，人各有智，我對你了解多咗囉。一直以爲你係一個安於現狀嘅family man，原來你咁功利，咁計算。

我相反真係唔識諗咁多目標，尤其人際關係方面，我覺得＂愛＂係無條件付出（學ayako講），咁多雜質好難交到真心友。莫講話搵終生伴侶要拍過拖，相處過先知道是否適合自己，做朋友都一樣，交１０個朋友可能得兩個做到知己。你問我有冇functional friends，我有，我絕對好多，但係出去交朋結友我唔會＂集郵＂，特登去結交律師會計有錢投資者醫生handy man。