3萬蚊港女姣港男真人騷(有片)

大C姐

話說《星期日檔案》做幾個禮拜播出既港男講女掀起城中熱話啦﹐當中被受訪嘅"港女"同"港男"都極受關注。包括早前一班著住cosplay自稱"電車男女"嘅觀眾站出嚟大鬧星期日檔案。其實著成咁出嚟好蝕張﹐未出聲已經被人標簽左﹐覺得呢班人好茄哩﹐好唔認真。

不過我都唔係想講電車男﹐話說其中一位受訪"港女"自稱畢業三年而家月入三萬﹐但係仲未遇到一個男友人工俾佢高。呢個女子近來變成網上"明星"。先quote網上一D報道。




"黎潔瑩型像咁差，仲要做教育界，高登o的人男女User都個個想佢死，想佢搵唔到三萬，仲俾Face報導左佢可能月入三萬霸公屋,,,,,我諗佢都後悔上左電視。
不過睇完段片，條女睇落好撚主動o下，好戰鬥格，仲要咁撚識嘆，主動同條仔玩食鳳爪…

不過佢仲俾人起埋MSN相簿出o黎,仲起埋學號tim….."

http://cid-62ad83cfe040434b.skydrive.live.com/albums.aspx

仲有youtube...





我先想講一句﹐三萬蚊人工當然唔係一個可恥嘅數目﹐尤其係今時今日二字頭都算好過得去。但係個女子我大概(我估)25-26歲﹐假設男友近30﹐都好正常﹐月入三萬呢個要求並不高。假設呢個女子個前台詞係"我識果班蛋散都唔夠我賺錢賺得多﹐港男質素真係好差"﹐我就想講一句﹐點解唔問自己點解月入高過三萬嘅男人唔追你呢?

真係其實我好唔明﹐愛情同人工有咩關係? 三萬蚊就好叻? 三萬蚊就保證到一份安穩生活? 呢個想法未免太愚蠢。當然呢個社會有一D人利字當頭﹐好想嫁個有錢人﹐呢個係自古以來都有嘅現象﹐唔雖要深究。但係若果你係一位用人工/收入嚟categorize對象嘅人﹐又自問自己學歷與樣貌都甚高﹐都找不到一個人工只係"高過三萬蚊"﹐都幾可悲。



-- 人工高過三萬嘅大C姐

大C姐

其實本來第一次講話港男輸蝕於語文能力同溝通所以現今社會女士好易喺工作上爬頭﹐呢個point我係覺得好受﹐好valid。

但係點解要標簽自己識嘅男友無一個賺多過自己呢? 呢一句咪正正中左港女病徵囉﹗而且節目後段喺一個疑似夜場度再訪問多一次呢位"黎三萬"﹐佢以嘲笑態度再數港男﹐我諗呢度係扣分之處囉。

我唔係要話我自己好有錢﹐但係真係16-17歲出嚟打工之後﹐都無問過屋企囉錢。拍拖後更加唔洗男人錢啦。做咩唧? 我又唔係無經濟能力。你話間中請我食飯呢D OK囉﹐但係我從來唔會問人賺幾多。我賺幾多我都未必計得準﹐我點解要知我身邊果條蛋散有幾多身家?

我亦唔會care身邊果個賺得少過我﹐一我唔洗佢養二我唔想知。我呢D獨立型女性﹐出嚟頂天立地﹐撐起半頭家﹐做左屋企上上下下枝柱咁耐﹐真係唔關被人包養囉。


-- 家財百萬大C姐

大C姐

34# 大C姐
Sorry to be blunt, but.... I don't quite understand your point. So you agree, with some of Ms. Lai's reply, and you disagree with some points, that's fine... and your conclusion is that Ms ...
雪姬 發表於 2009-4-6 19:35

咁黎小姐都講左幾多野﹐唔係句句都認同又唔係句句都唔認同囉。做人又唔係一定非黑即白﹐一句唔岩聽就覺得人哋講嘢句句都差既。

我conclusion咪係唔應該介意身邊果件賺幾多錢囉。摘偶唔應該用人工嚟做criteria, 所以唔應該問人賺幾多因為係私隱。女人有本事自己洗自己錢係一種福氣同高尚嘅動作。當然如果結左婚生左仔﹐而雙方個arrangement係個女人做全職煮婦又係另一別論。

-- 青靚白淨大C姐

大C姐

disagree
how often you find 港女 so.......o sweet to a guy
habitrailspace 發表於 2009-4-7 14:55

傻啦﹐呢D女大把啦﹗

尤其釣緊金龜果D。我真係唔surprise囉。

大C姐

你地盲架咩？
咁大個大C姐棟係你面前，係註溫哥華嘅港女最佳人板！
你睇佢丫。。。極臭吋，自讚靚，狗眼看人低，哂身家，懶清高，談吐OPEN，內裡小家。 ...
B仔 發表於 2009-4-8 09:11

傻啦﹐我做唔到港女囉。我一向做開獨立型女性﹐我死都唔會洗男人錢囉﹐自己有經濟能力做咩要人包養? 同埋我出晒名闊佬﹐只有我請人食飯﹐好少要人俾錢。 而且我天生麗質﹐我唔多做facial﹐買埋幾十隻mask美白囉。

不過你講其他優點我都有。


-- 金枝玉孽大C姐