大C姐

有哟見得耐就冇感覺.

有冇貸D家野好睇人啵, 好多唔理三七廿一都搵到件 ...
reyes 發表於 2012-11-22 18:33

    都唔係㗎，有啲人冇貨喺上嚟就冇㗎啦。同埋有啲人好懶，根本就唔願交朋結友。亦有好多人結咗婚就唔keep，賤肉橫生，面色枯黃。就算有心都冇能力去搵第二春啦。

大C姐

結左婚好多人都唔願交朋友, 因為冇時間出黎玩怕另一半唔鐘意. 有心就有力, 有D 7/80歲都可以搵到件, ...
reyes 發表於 2012-11-23 12:40

    尤其係女性，結咗婚就可以放棄自己社交圈子。但係又同時想個老公都少啲見朋友多啲對住佢，呢啲係好多夫婦有磨擦嘅起因。

大C姐

多D對住易於監察對方
reyes 發表於 2012-11-23 15:45

    唔係咁簡單，我覺得女性都係家庭爲主居多。好多女人都覺得有一個好丈夫可以放棄事業同朋友，至少比重會偏向家庭多啲。個心當然覺得付出咁多想有一樣咁多回報啦，但奈何男人結婚之後個心係唔係會偏向家庭，想多啲留喺屋企見個老婆呢？我可以話９９％唔係。大部分男人屋企娶咗個老婆都會繼續事業繼續有社交圈子亦唔會特別因爲結咗婚而想監視個老婆。反而個老婆會因為自己得唔到只以爲應該有嘅attention而疑心生黯鬼去監視老公。

大C姐

咁而家都有好多女性結左婚都成日同班姊妹玩, 仲會一齊上屋企玩添. 俾唔俾夠attention 幾睇女個方面, ...
reyes 發表於 2012-11-25 17:07

    有自己事業嘅太太們會好啲嘅，如果係家庭主婦好易胡思亂想。老實講，你唔洗做啫，你啲朋友都可能要返工湊仔，都唔係成日得閒同你hea。冇工作去消磨時間同投放一啲精神，好易將家庭或感情嘅問題放大。

大C姐

咁即係結婚後要立刻搞個細既出黎俾女既投放多D精神落去. 難怪而家好多人都係大肚先結婚 ...
reyes 發表於 2012-11-25 19:37

    有咗餡先結婚又係另一個欄目，根本好多人都唔信婚姻，又或者唔重視婚姻，更加唔想去履行做妻子／丈夫嘅責任，所以有咗BB覺得世俗眼光要爸爸媽媽結婚先去結。

大C姐

為何我是這樣另類?
mcjohnjohn 發表於 2012-11-25 19:47

    你絕對另類，不過冇褒貶，另類唔一定好又冇話係差。

大C姐

你有既係做好老公既DNA
reyes 發表於 2012-11-25 19:59

    見人見智啦，或者係好爸爸，不過唔係好情人囉。

大C姐

响溫哥華就話無所謂啫, 响香港的話, 我識得好多人都係因為唔想個B張出世紙度寫住"非婚生子女", 先去結婚 ...
jiujiujiu 發表於 2012-11-25 22:19

    其實非婚生子女冇問題嘅，不過都係觀念上覺得麻煩，入學唔知有冇困難，等等。

大C姐

好情人? 別人怎樣看真的完全沒有所謂, 只要我老婆仔覺得是好便足夠了.
她的幸福便是我的幸福了. ...
mcjohnjohn 發表於 2012-11-25 22:46

    我講或者啫，唔好太敏感，我又未結過婚，又唔識你，你覺得你幸福同俾到你枕邊人幸福就得。

大C姐

你的愛的宣言你老婆睇唔睇到?
reyes 發表於 2012-11-26 15:12

    係噃，你老婆係咪老友嚟㗎，你會唔會踢佢入呢個會？

我想知有幾多老友記係私底下識？