夜生活女王大C姐之色與情

大C姐

大家好。

今個禮拜返嚟同大家講個故仔。唔再數臭男人唔再講女人的弱點﹐講一個好緊要又好老生常談嘅男女關係題目 - 色與情。

話說"小妹"係一個廾幾歲嘅女仔﹐佢樣貌標緻﹐高﹐並有一對修長美腿。幾年前﹐好意外地同一個年紀比佢大十多年嘅成熟男﹐"賀生"﹐開始拍拖。老實講﹐第一次見到賀生我都嚇一跳﹐因為小妹之前個男友都算有型有款﹐呢位賀生係一個長頭髮﹐但頭髮稀疏﹐中間肥胖﹐不修編幅﹐望落比真實年齡大嘅麻甩lu。你哋可能會諗﹐一個後生女同一個咁嘅男人一齊無非都係為左錢。但係賀生竟然係一個貨車司機。

賀生除左渣車之外﹐都會幫屋企生意﹐屋企人有一間餐廳﹐都算係太子爺。我同一班朋友每次見到小妹同賀生都只有你眼望我眼﹐老實講﹐我哋點會覺得兩個人會last呀。查實小妹曾經都坦白承認﹐其他人一定覺得佢同一個年紀大又唔係好有成就嘅人拍拖好怪。小妹話﹐賀生真係對佢好好﹐又俾到一份穩重同安全感佢啵。我哋聽就係咁聽啦﹐當時大C姐我都覺得小妹只係當賀生一個水泡﹐囉翻D自信心唧。但係好意外地﹐一年又一年﹐佢哋都住埋三四年。而且喺朋友間都認定佢哋打風都打唔甩。

追近﹐小妹同幾個好朋友傾密計﹐話佢同賀生好耐都無行埋。兩個人雖然感情穩定﹐無咩唉拾﹐但係兩個人變到好似屋企人多過似情侶。其實拍拖拍得耐﹐好多時熱情都會減﹐幾鍾意都好難一見面就有衝動攬攬抱抱。但係不竟小妹都未夠30﹐賀生就已經四張嘢﹐小妹有時都想再有一兩場passionate sex﹐但係望住隔離個蛋散又唔郁﹐都唔知點好。

感情去到呢個位﹐有感情﹐無熱情﹐應該繼續同呢個人一齊希望細水長留﹐定係豁出去試吓尋找一段轟轟烈烈嘅愛情?


-- 夜生活女王

大C姐

原帖由 MyOMy 於 2009-2-7 18:42 發表
呢個故仔吾夠波折喎ｏ 執執佢啦, 大Ｃ姐。

早兩個caseD人話太誇﹐relate唔到。你又話呢個單調。其實愛情黎黎去去都係呢D野﹐我又唔想作﹐呢D係真人真事﹐點執呢?

-- 人面廣大C姐

大C姐

收到好多短信﹐個個都問小妹係咪大C姐。

我想話﹐小妹真身係蔡少芬。



-- 真波不怕任人__嘅大C姐

大C姐

原帖由 ah3 於 2009-2-7 22:50 發表
Already at that stage after 3,4 yrs, that's rather sad...

May I ask how tall is that gal?

都有5尺7-8架。

大C姐

大家吹水極我都上唔到No。1架啦﹐算啦﹐我打定輸數。我會下次用我既肉照拉票。


-- 多謝各位來信﹐我一有時間就會覆。

大C姐

我都好想知係咪有人表演大便。

喂﹐我話晒都係城中名緩﹐好多ball同飯局要去架嘛。你估我真係電車男日日捕住個電腦覆你哋班蛋散咩。

-- 深居簡出C小妹

大C姐

原帖由 matt72178 於 2009-2-8 23:35 發表


係啵, 基於熱脹冷縮呢個關係。我都係抽返條褲先~~~~~

係咪天氣冷巢好耐都巢唔到出嚟小便?

不如下集夜生活女王講屎尿屁啦。

大C姐

原帖由 ricrick 於 2009-2-9 00:10 發表
而家講，洗乜等下集？

今集講緊色與情﹐除非你有特別擗好﹐鍾意同partner玩屎啦。

大C姐

多謝各位壯男頂我上no.2

-- 熱情而不羈大C姐

大C姐

原帖由 giginium 於 2009-2-9 22:44 發表


大c姐唔好講埋d咁肉酸既野啦...都不是妳的風格..

傻啦﹐我不嬲講嘢都雅俗共嘗﹐我又唔會因為講小小不文而有失身份﹐我好知條線去到邊。

-- 親民淑女