返回列表 發帖

香港增肥之旅(2)

午餐食過龍景軒,晚飯就去咗Amigo。

細細個已經聽人講過Amigo,總覺得係好好好高級嘅地方,就算我住喺附近,都從來無去過。
其實睇番啲價錢,都唔算平。但係以今時今日咁多高級餐廳嚟講,佢都唔算係最top嘅價錢。4 course set dinner差不多$800HK。

Menu


每個人都送上一本刻名嘅記事簿。而每位女仕都送上紅玫瑰一支。


佢個牙籤盒仲靚過龍景軒嗰個。


個server首先會推架銀色嘅餐車嚟介紹today's special,嗰日有澳洲龍蝦,就擺隻生猛lobster喺到,隻lobster真係郁架,仲自己爬到跌咗落地。不過我睇住隻龍蝦由生嘅,擺到變咗唔識郁,就覺得有啲殘忍。

啲主菜我唔係影得幾好,因為我覺得喺呢啲環境下成日開閃光燈影相係好distracting嘅事。(嗰到啲燈光比較暗)

佢所有嘢都係由餐車上,個ambience就比較古色古香,好似啲懷舊歐式地方。我個頭盤係smoke salmon,個server會問你要咩配菜夾俾你。2nd appetizer 就係周打蜆湯,有好大隻嘅新鮮蜆肉喺裡面,個湯係好鮮甜。之後有個sorbet,main course我揀咗魚,魚嘅texture整得啱啱好,甜品就係souffle,佢俾啲cream sauce同埋orange sauce你自己落。我試咗另外嘅coffee cake都好好,最後都有啲chocolate送。





其間,有隊phillipino quartet同每一檯獻唱,唱啲懷舊英文歌,真係唱得好好。我見到生日嘅會有一個小型嘅napolian cake送,嗰隊band當然會唱birthday song啦,重要唱埋中文版: " 恭祝你福壽與天齊,慶賀你生辰快樂。。。"更厲害嘅係,仲識唱埋鄧麗君嘅甜蜜蜜,咁梗係啦,有幾檯都係國內同胞,大勢所趨,唔識啲普通話點出嚟行走江湖。

不過聽完佢地唱歌,都要識做啦。而喺amigo我見到好耐無見過嘅人,就係toilet阿嬸,所以去一次toilet都盛惠<fill in your tip amount>. 唔俾?你都唔想新年流流俾人詛咒啦。

總體嚟講我都好滿意呢餐,當然唔會成日去,但係有special occasion去又真係唔錯嘅。
附件: 您需要登錄才可以下載或查看附件。沒有帳號?註冊

返回列表