fibbi

所以今年學到最大嘅教訓係包容。

原來身邊有好多人同自己理念價值觀都好唔同，而某部份人係接受唔到同台食 ...
大C姐 發表於 2014-12-2 06:41

    每個人嘅道德觀都有唔同。每個人嘅底線都唔同。我只係講我嘅意見，你唔認同無相干。包容係你我有唔同意見都可以好好討論，唔係迫人去接受其他人嘅見解掛。你都可以話亂倫都唔關我事個喎，事不關己，點解唔認同？我諗只可以講我哋嘅道德底線有所不同囉。

fibbi

回復 10# 大C姐


    我真係覺得同性戀都係愛情嘅一種，一樣可以刻骨銘心，只不過另類啲，唔係主流，咁咪俾啲另類啲嘅法律，另類啲婚姻法去規範囉。我都有同性戀嘅朋友。而家啲人好興郁啲就話歧視。係唔同就係唔同架啦，尊重同接受別人嘅不同，唔等於睇低人。

fibbi

回復 12# 大C姐


首先，去得人哋嘅地方係要遵守人哋嘅法律。好似去到Quebec，中文招牌都唔俾用，或者有size限制。你會唔會話人歧視中文？人哋嘅傳統係咁，就係以法語為主。
結婚嘅傳統定義係一男一女，點解要為咗遷就小眾另類感情生活而有所改變？呢啲除咗牽涉傳統，仲有道德價值觀，當然每個人都有唔同嘅底線，如果社會要與時並進，更加應該諗啲新嘅婚姻法例去包含同性戀嘅因素, 而唔係去改變舊有嘅傳統定義。

例如男女嗰啲叫強奸，但係同性（男男）嗰啲叫雞奸，個名係唔同，指唔同嘅事件。唔通話點解男男嘅唔可以叫強奸就係歧視？？？

fibbi

每個人對同性戀嘅接受程度都唔同，你可以認為同性戀同異性戀係一樣都係愛，所以應該可以結婚。但係我認為同性戀同異性戀係不同嘅，所以就認為應該用不同嘅結合方式。權利就應該同異性戀嘅一樣。你唔同意無所謂，我唔會convince你。但係亦唔關咩自身利益嘅事。人哋結婚關我咩事？我只不過表達自己嘅立場見解。每個人對呢啲嘢嘅睇法都可以唔同。好似佔中關我咩事，我又唔喺HK，又唔係影響到我。但係各人都有自己嘅立場。

fibbi

回復 22# 大C姐


    但係社會風氣越來越開放係好事定係懷事呢？hard to say...