fibbi

不接受簡體字，誓保傳統中國文化／字體

fibbi

由繁轉簡就易，簡轉繁就好難架啦，簡體字除咗書寫快啲之外，我真係睇唔到咩好處囉

fibbi

原帖由 MyOMy 於 2008-11-27 22:25 發表
簡體字有其好處, 十幾億人口唔塭啲易學嘅就更多文盲。其实簡体字大部份都係「形聲」字, 用普通話讀佢出來就估到。依家大部份中國人都用簡体字, 唔識就收少好多枓。 ...

咁你話大陸多文盲定係香港或台灣多文盲呢？多唔多文盲係因為教育普唔普及，要學嘅話，點都會學得到，而且繁體字識得一個就等如識得好多個基本字體啦。e.g. 聽=耳王十四一心。好難記咩？ 而且聽係用隻耳，唔係用把口，有好多簡體字真係九唔搭八.

[ 本帖最後由 fibbi 於 2008-11-27 22:34 編輯 ]

fibbi

環保係好，不過代價係冇咗好多文化囉。

最頂唔順啲簡體字唔知邊個諗出嚟，好似個"愛"字，明明係有個心喺裏面，愛係用個心嘅，簡體字就變咗友，筆劃又唔係少好多, 冇咗個"心"，點"愛"呀？

[ 本帖最後由 fibbi 於 2008-11-27 22:45 編輯 ]

fibbi

如果啲簡體字係改得好嘅我都支持，但係睇到大部分改到九唔搭八就把火，不過講係咁講，簡體字都要識，鬼叫十億人都係用個啲咩。但係自己就一定唔會用。

講到話懶音問題，又係另外一個提起都把火嘅題目，所以我宜家都唔鍾意聽收音機。