品性篇:
港男學歷也不低 就讀福建大學系
GEL頭穿耳扮型仔 錶袋晒命扮有米
時事新聞唔願睇 黃碟3仔起勢咪
閂埋房門隔絕世 打機上網電腦迷
返學最愛溝女仔 放學最叻球場砌
三五成群喂喂喂 乜野粗口都講齊
稱兄道弟扮晒威 一講義氣乜都制
踢波射籃樣樣齊 陪女shopping話咪制
手機ipod要最貴 最緊要係唔失禮
駛錢速度有得揮 冇錢都要識女仔
求偶篇:
平時識開啲女仔 唔靚都唔會傾計
首先樣貌要好睇 最好身材似魔鬼
仲要溫柔知識禮 又要細心體貼兮
入得廚房出廳堂 節儉愛心煲靚湯
港男自問咩身世 唔係有錢但要威
出少少錢嘈嘈閉 但對自己就大洗
識女條件上面睇 但連一蚊唔願駛
最好啲女把飯餵 仲要貼錢俾你駛
溝女都係為跩跩 一晚傾計兩晚砌
唔俾就話扮高貴 俾你又話人係雞
把口賤過地底泥 唔該上進俾人睇 |