琴日終於唔落雨,手騰腳震咁拎出去處女航。第一隻像真、第一次用高 kv 摩打配細槳 (6 寸);一掟出去唔夠油就頭舂落地
第二野:唔理咁多登行油 fing 佢出去,今日都幾大風不過都 ok 定。最衰我個 favorite 場俾班傻仔打棒球霸左,谷住響個細場飛唔敢咁快。
轉左幾個圈諗住落番黎試下 landing,收油慢速滑翔都幾定,唔須要太多修正…
… touch down! 機肚首先著陸、跟住機頭一點地下就斷開!
唉,始終都係經驗問題…機頭冇全個保強呀!斷開既位置就係電池位保強位後面
可能第一野果陣已經內傷,第二次正常 land 都頂唔住囉
e 家機頭已經加上兩條 10 寸長 2mm 炭纖黐番。希望遲 d 可以 post 個飛得好既片啦。 |