【拍盡香港貼地特色】

Quest

【拍盡香港貼地特色】伊藤萬理華來港瞓劏房拍寫真

日本女子組合乃木坂46在藝能界風頭一時無兩，日前揚威《日本唱片大賞》登上事業高峯，連主將白石麻衣都穩坐當今寫真女王之寶座，令乃木坂其他成員都推出寫真集應市。

乃木坂第一代成員伊藤萬理華上月底已經畢業，為紀念其下月20日嘅22歲生日，到時會推出離隊前在港取景嘅個人寫真集，佢呢次更十分貼地拍盡香港特色，由金魚街到報紙檔，最特別係走入面積狹窄嘅劏房進行拍攝，唔再只係上山頂拍維港夜景咁無新意。至於本周剛出版嘅日本男士刊物《週刊Playboy》，就率先公開伊藤萬理華呢次香港寫真嘅其他靚相，佢仲瞓劏房及企在鹹書前留影。