上面"打工七言詩"有另一個版本:
人工一定唔理想, 七仟左右已中上; 十二個月無雙糧, 兩年合約要裝香;
半年之內有工返, 已經算係好收場; 開工應該喜洋洋, 點知世態更炎涼;
管理之名樣樣理, 萬人之下一人上; 資源增值好榜樣, 以為發揮你所長;
光管燒左等你換, 影印食紙你當殃; 電話唔通都關事! 水廁唔通你清場;
電腦壞左要識整, 發現病毒要早響; 食飯最多半個鐘, 大小二便難舒暢;
中港兩地四圍走, 遲早去阿塞拜疆; 仲要出街收爛賬, 朝早做到午夜場;
公司人事要攪好, 唔係就李代桃僵; 對付下屬要讚賞, 對住上司要讚揚;
對待同事要禮讓, 對住老板扮羔羊; 老細個仔問功課, 資料搜集你擅長;
芝麻小事難迅 d, 唔識都要頂硬上 ; 上司老板夠無良, 病都要做鬼體諒;
同事犯錯有你份, 仲要鬧你正粉腸; 開會猶如打靶場, 比人插到啪啪響;
翻開肚皮睇全相, 鬧完仲要拍手掌; 工餘進修係妄想, 回家食飯無相量;
想話請假來休養, 老細面似屎一樣; 晚晚加班做七日, 唔通個個嫌命長;
日日返工似喪屍, 十足幾年無沖涼; 大假以為好安樂, 手提電話日日響;
運動要響公司做, 逐箱"快勞"搬埋牆; 老細生日當娛樂, 週年聚餐齊歡唱;
笑臉迎人裝模樣, 當正自己做歡場; 以上所講無誇張, 全是打工眾生相;
奉勸各位打工仔, 積極求存為至上; 年尾流流高危日, 偷懶都係咪咁揚;
香港打工係咁樣, 大聲疾呼"吹Q漲.
仲有其他........
我與上司的差別
當我花多一點時間───我是遲鈍
當我的上司花多一點時間───他是謹慎
當我不想做事───我是怠惰
當我的上司不想做事───他是太忙
當我自發做不是交辦事情───我是越界
當我上司做同樣的事───他是創新
當我忽視小禮節───我是粗魯
當我上司忽視───他是大方不拘小節
當我配合上司───我是拍馬屁
當我上司討好他的上司───他是配合
當我開會時發言───我是多嘴
當我上司發言───他是發表高見
當我堅持立場───我是頑固
當我上司採取同樣的立場───他是有原則
當我努力上進───我是愛現
當我上司有同樣的表現───他是勤勞打拼
當我精神奕奕───我是裝模作樣
當我上司有同樣的表現───他是渾身是勁
香港學生的詩句 :
積積復積積 唔識就唔識
測驗夠刺激 居然無題識
上堂聽唔識 搗亂多款式
自修一樣識 睬佢都生積
生係中國人，死係中國魂
要我學英文，梗係冇可能
英語唔合格，更顯我性格
數學唔合格，老師負全責
語文唔合格，咁我冇辦法
考試考得好，全靠隔離好
考試考唔好，隔離唔識做
日日返學愁更愁 老師講野無離頭
我就聽到似夢游 次次批評無理由
功課多到似報仇 做野做到似撈頭
返學為左乜 日日被糟質
功課都係抄 一係就唔交
返學等放學 放學飲可樂
打鐘各自飛 就咁又一Day |
發表於 2008-11-2 22:40
| 
.