【普通話人亡我之心不死】

Quest

【普通話人亡我之心不死】三番四次於公眾場合及大氣電波重申自己喺香港冇生意嘅共方政協常委何柱國旗下《巴士的報》，聽講當日大鬧香港國際機場麥當勞餐廳之普通話女子否認自己打尖在先，如獲至寶，急不及待跳出來和唱《環球時報》「港獨店員唔認中國人唔講普通話」主旋律，將衝突歸咎於「店員只用粵語回應」，肇事遊客不過「聽不懂粵語不懂反應」而已。
以上中國邏輯，一旦成立，咁 2012 年劉夢熊搶先同習近平握手，是否何柱國等（前）唐營中人「聽不懂普通話不懂反應」之過？貓店長唔識普通話，唔係中國人，就理所當然俾警察、漁護署圍捕，繼而死於「人道」毀滅？港大民意研究計劃中，唔認自己係中國人嗰 96.9% 香港青年、人口普查時申報廣府話為常用語言嗰 89.5% 香港家庭，可以任得何君堯、曾樹和率領一眾官商鄉黑怪物盟軍殺無赦？
香港人再啞忍呢股惡人先告狀，理虧起上嚟就反問對方「是不是中國人」、「為什麼不說普通話」，無限上綱上線、政治投機之歪風，咁呢片土地就真係同北面嗰個一九四九年以來經歷咗無數場大小政治運動嘅新中國無縫接軌、「人心回歸」喇。