霆鋒北京開腔：不知怎麼走下去

lo_pak

【商台互動娛樂組】「鋒芝婚變」擾攘個多月，自日前謝霆鋒發出聲明，暗示著手辦理離婚後，他今日中午出席電影《財神客棧》首映，終於打破沉默，親自開口向傳媒承認與張栢芝的婚姻出問題，更表示「不知道怎麼走下去」。

原本不打算回應婚變的霆鋒，終改變主意，今日在首映後主動要求留下來見記者。在不設提問的短短五分鐘記者會上，霆鋒坦承婚姻的確出現問題，他說：「雖然我家裡都没有任何報章雜誌，但這一個月裡，媒體的題材都是我，我多少會知道。當我看到關於我的一些報道，我會不開心，說我太太不好， 我也不開心，因為說我太太不好，也就是對我的兒子不好。到今天，我的婚姻有一定問題，我太太和我都在單親家庭長大，我們没有恨父母，我們生第一個小孩的時候，希望打破命運，希望他們不在破碎家庭長大，無奈今天不知道怎麼走下去。」

雖然栢芝日前接受傳媒訪問時，力數霆鋒的不是，斥責他「不要扮好男人」，但霆鋒卻表示仍深愛栢芝：「如果你問我愛不愛那個人，想不想她，我說我愛我想，但我不知道怎麼走下去。」，霆鋒又透露兩人昨天通過電話短訊：「她說很愛我很想我，我相信，我們未來不管是怎樣的關係，我們也會找一個安穏的環境讓孩子長大。我們是大人了，我們之後不管是怎 樣的關係，無論是愛、是恨、是打、是殺，我們會自己搞妥。希望今天之後我們會回到工作的關係。」

ricrick

工作的關係?

係吾係份都好，霆鋒表現成熟

B仔

其實佢老婆都好慘（唔係指佢同近日的EDC自拍事件，我都認為唔應該咁做）。
比人話貪錢
又比人話佢唔係一個好媽媽

貪唔貪錢。。。都係傳。或者因為我曾經都比人話我貪我老公錢，但並唔係事實，所以我我同情佢。佢自己都有錢，就算唔撈娛樂圈都唔會餓死啦（咁當然你可以拗冇人嫌錢多）。嗰陣我都係架，有D咩問題，D人就話係我貪錢。超～ 我自己份工，同我老公分量一樣咁制，自己有手有腳，洗真係靠男人？咁當然，嗰D人，唔係淨係講我貪錢咁少事咁簡單喇。。。

個老竇去拍戲，唔得閒理D仔就OK
個亞媽去拍戲，帶埋仔就唔啱
OK，小朋友係應該返學。不過，如果個亞媽去拍戲，PAT底D仔比親戚或庸人湊，都係一樣比人話唔係一個好媽媽。。。所以，做媽媽永遠係做衰人

嗰D咁嘅老爺同拉姑，吊啦～ 個亞媽去做野，交比朋友RICK CHIN睇住一個星期，又要比人炳。幾時變咗D亞媽唔得閒，就指定一定要比爺爺嫲嫲湊？咁都要講說話人聽。好喇，話婚變，傳個亞婆同姨媽安排D仔嘅住宿，又係比人話係亞媽擋。。。。

咁你地講哂啦

slamdunk6

柏芝對分霆鋒身家都無咩駁斥，間接承認左係囉人副身家，連霆鋒比四哥間屋都想答埋，認真過份啦
你送過隻錶同車比霆鋒，就想囉番人地成幾億，有無咁著數
霆鋒大方唔計較你的過去，就要識得收斂下啦

MoiRhapsody

由第一日開始呢啲家事揚開晒要公眾去審已經唔啱。
呢啲事根本冇贏家。

Lik

話晒一夜夫妻都百夜恩，點解唔可以好來好去，而要揭人瘡疤呢？檸檬一直唔開口，其實咁先至係有品。你個白黐越講越多，咪盞自己形象破晒產？

唉...

-力

lo_pak

回復 6# Lik

In HK, artists don't have any privacy...

fibbi

我唔會質疑柏之嘅賺錢能力，不過既然佢係孝順女，要撐起成頭外家，想要掠多啲都唔出奇。。。好似梅媽，佢想攞哂阿梅啲身家，幾十歲人，食得幾多，咪又係為咗個仔。。。

Lik

家陣白黐亂咁講野，形象早就插水啦，仲邊度有人咁搵佢開戲、做代言人、拍廣告等等呢？形象同名聲對偽人來講就最為重要，由白黐同EDC飛機合照開始，再到佢依家不斷唱衰檸檬（但又只係唱埋晒啲細巍野），咁佢就形象、名聲兩樣都無晒啦？以後仲點吸水？

做女想貼自己外家，都要有個普㗎？

-力

mcjohnjohn

一家唔知一家事, 希望佢地他們各人平安快樂吧.