陶傑原文如下：
「他（鄧永鏘）說：特首施政報告侮辱香港公民智慧，尤其開頭一段：『本屆政府一向致力於促進民主』，係一句喜劇對白。
「鄧永鏘說：梁振英說過他會公佈『外國勢力』搞亂香港的資料，他天天都在等梁特公佈，但他懷疑會有任何結果。
「鄧永鏘讚揚英國管治：彭定康離開時，英國沒有帶走香港庫房儲備一分錢，留下了一個成功的香港制度。
「鄧永鏘呼籲梁班子，要與民意對話：『梁班子要明白他們自己的渺小，要長大一點。（They got to be able to see how small they are. They got to grow up.）』
「鄧爵士對洋人說：現任特首比李鵬更差。旺角事件因積壓的民怨而起，但梁特毫不理會。香港的管治正在墮落，令香港陷入『可恥的狀態』（Shameful State）：李波綁架、黑社會橫行， 但香港人不能接受現狀，必須捍衛香港原有的自由和法治。鄧爵士嚴正警告：香港特區政府不可繼續以這種態度胡混下去。」（全文完）
鄧永鏘同好多「外國勢力」稔熟，尤其是英國皇室成員，包括已故的戴安娜皇妃，安德魯王子，英國政治圈人物如英國保守黨前首相馬卓安及已故的戴卓爾夫人，名人圈如超級名模Kate Moss，演員曉格蘭特等，甚至早前病逝的搖滾巨星David Bowie，朋友網絡相當廣闊，上月「萬人迷」碧咸坐私人飛機來港5粒鐘食晚飯，就由鄧永鏘請客去到「好酒好蔡」食私房菜。
08年被授予KBE勳銜(大英帝國勳章)的鄧永鏘其實又熱愛中國文化，不過是指未被文革摧殘之前的中國精緻文化，好似佢94年創立「上海灘」都係以30年代上海衣著設計為藍本，傳承咗當時華洋雜處，但依然保存住精緻優雅的生活品味，對現今政府亦睇法亦十分通透，佢曾接受一個訪問表示以西九文化中心為例，佢話o依家政府中人似蝸牛，唔明點做又驚，因為特首同立法會班人冇Mandate（民意授權），所以好騰雞，直言如果首長由民意選出，8成人支持佢，佢就可以照做，因為做得唔好，選民下次就唔會選佢。
睇返鄧永鏘以前嘅訪問，都不難理解佢喺外國記者嘅午餐會演講會有呢番感言。
發表於 2016-2-18 12:03
| 