中國銀行 與支爆 - 黃世澤

Quest

有單嘢，其實係影響公眾利益，就係4月23日華爾街日報報導 中國銀行出現美金資產淨值負數，呢單嘢，有好多唔同詮釋，好多人以為無事。但我睇法唔係咁睇，香港人有必要睇住 中國銀行 美金資產淨值，因為香港其中一間主要發鈔銀行正係中銀香港，呢件事係令人不安。中國銀行 啲美金資產去咗邊
中國銀行 本來係中國最多美金資產嘅銀行，理由十分之簡單，傳統嚟講，中國嘅外匯來源，同外匯出入，都係 中國銀行 負責， 中國銀行 擁有最大嘅國際分行網絡，而 中國銀行 喺香港嘅港幣存款，亦提供鞏固嘅美元為本資產實力。2016年， 中國銀行 嘅美金資產出現負數，而且一年比一年勁，相信係中國人民銀行透過Swap等手段，向 中國銀行 借走美金嘅結果，但支爆之下，中銀又邊個星球有咁序美金至得，答案明顯不過：香港存戶啲錢，中銀香港借俾 中國銀行 ，中國銀行再攞去俾中國人民銀行。
所以由2016年 中國銀行 將南洋啲分行分俾中銀香港，已經令人不安，仲要香港有唔少港幣係由中銀香港發行，呢件事如果香港唔腳軟就假。好多鬼佬寫財經分析，都忽略咗，無錯， 中國銀行 同中銀香港係兩個獨立法人，但 中國銀行 同中銀香港好多交易大家唔知，而中銀可以負數美金越嚟越勁嘅條件，就係有香港同埋中銀香港呢個寶庫，提供美金俾中國，但如果中國出事，香港好多小存戶嘅一生積蓄就會出事。中國銀行出現負美金淨值，支持嘅基礎唔係中國嘅外匯儲備，而係香港，但鬼佬甚少作出好仔細嘅研究。
所以你問我，啲錢好唔好留喺香港，我好有保留，因為香港銀行體系嘅美金，有機會被中國人搾乾，而中銀香港，簡直係最牙煙嘅銀行，因為個阿媽唔夠美金，問邊個攞都唔駛問，一如海航依家當香港航空係搖錢樹一樣，係咁喺香港吸走啲錢，然後唔知用咗喺邊。你問我喺香港用邊間銀行，一定唔係任何中資銀行，有中資背景嘅銀行都係避之則吉，而外資背景銀行可以用，一間係Citibank，一間係DBS，亦都係咁解，因為中國人啲搾錢行徑，依家大家咪睇得清楚，依家真係數字會說話。