(六):跟一個你愛,但做錯事的人分手,就很難決定了!
先來看看以下幾段:
1. J小姐:半年了,我也有找過新男友,不過幾個月就分開了。
我問Ex.,你會娶她嗎,他說:「Maybe,who knows?」聽了, 好傷心。
那一年我們一起經歷了很多。
他說我是他最好的朋友,因為他沒有試過這樣坦承對一個人……
2. L小姐:我有想過離開他,亦有問自己究竟真的愛他,
還是只想有個伴,是誰人都不重要?
答案是我真的愛他,不想亦不能放下這段感情。
我一直也很認真對待這段感情,也期望有一天他會認真的對我好,
到現在我也不明白為何只有我付出。
我真的不想離開他,但我仍介意這件事,我應該要怎樣做才能令自己開心呢?
3. C先生:我知道她已經不愛我了,
但我深信,當天她對我的愛,當天她對我的感覺,
是仍然存在,只是被遺忘了,如果她真的不愛我,
為什麼她要主動SEND給我那張相?還給了我她的新電話號碼?
4. W先生:我和前度女友分手到現在,她一直不接我電話,
佢仲話不要見面,唔畀得機會我爭取。
另外,她昨天終於接了我電話,但接聽的竟然係個TB,
之後我收到佢訊息「不要讓我反感」。
其實,我覺得佢講嘅死因係大話,點解佢唔敢聽我電話?
個TB同佢係咪有路?仲有,點解佢好似咁討厭我?
我好想知道答案,你幫下我。我同佢一齊嘅時間唔多,
但我感覺係失戀多次以來最痛,我都不明白自己點解會咁。
以上各篇,是我日常收到讀者來信的典型,
看似每個人情況都不一樣,但其實都是一樣。
一樣的地方是:
1. 被分手:因為被分手,往往是最後一個才知道,
受不了那種刺激,接受不來,於是索性拒絕接受。
2. 死得不明不白:其實,是你覺得死得不明不白啫,對方未必。
又或是根本你就知道死因,可是死不承認。
3. 想復合:續上,就是認錯,知道要改,可是人家已經放棄。
又或是就算他如何的錯,但是我愛他,可是對方不想。
4. 覺得自己好慘:這點最攞命,自覺是最不幸的一個,
其實,連曾經蒼海也說不上。
5. 不甘心:這是最恐佈的一點……我無話可說。
十一年前,我寫了第一篇小說,叫《突然獨身》。
是寫一對同居了六年的男同志的分手經歷。
中間有一句,在台灣發行時被拿來做宣傳重點,那句是:
「和一個沒有做錯事,但你不愛的人說分手很容易;
可是跟一個你愛,但做錯事的人分手,就很難決定了!」
當日編輯們一致挑選這句,我想,
大概他們覺得這可以用來形容所有不甘心了結的感情。
曾經有讀者看了我的回信,回給我一句:
「嘩!我仲以為你一定會叫我同佢分手添!」
你估我變態,係人有感情問題,搞唔掂都叫人分手。
三十歲前或許會,仲分得好快好絕好恨添,結果傷了人又傷了自己。
但現在,我覺得理應盡力挽救,不成,才分。
可是,其麼叫做不成呢?
「明明我覺得佢仲好愛我架!佢把口雖然唔認,
但係前日仲send個msg問我病好未架!」、
「我哋一齊幾年喇,我唔想放棄,咁咪浪費晒以前嘅努力?」……
除非你是大長今,或是一眾政府高官,
才有資格這樣不放棄,或是努力地留下來。
人家不再愛你,你亦應知進退。
不過,在這裡又要罵一罵那些分了手,明知對方仍是對你有嘢,
可你為了自己心好過點(我哋仲係朋友嚟架)、
寂寞(咁我好悶,知佢又得閒,咪send吓msg畀佢囉)、
新男友唔得閒(這見得最多)、因為責任……等等等原因,
繼續找Ex.見吓面,呃水吹……
你自己舒服咗,就看上面的留言,可知帶給人多少痛苦?
做吓好事,放過人啦!
當然,還有歌的,是關淑怡與李香琴合唱的《三千年前》,
琴姐的獨白中有幾句,請細心聆聽:
我記得你同我去過嘅每一度地方,嗰啲地方,
通通留係我心裡面,
我唔會講……我老喇,
我只係會講……我係度太耐,時間耐左,
難免知道人總會慢慢咁將過去淡忘,
又會睇住啲嘢,無聲無色咁樣消失!
我點解要走?!
我先兩日,唔知諗緊乜嘢,無端端走咗去睇日落……個日落,
就同我記得陪住你睇嗰個樣一樣,
不過……就算我點樣裝出若無其事,
我都無辦法唔承認,我失去嘅嘢實在太多啦!
至於那些不甘心分手人士,聽完歌,我再送你一句,
試過箍煲,唔得的話,請放手。
這世上有太多我們想要而得不到的東西,
比如平反六四、買到一層樓、真正的一人一票選特首……
要一一追回來,你說可以嗎?
(呢啲反而我信,不信亦要追,亦不怕追到老。
但感情,不想你跌入這首歌所寫的下場。)
下一篇,「假如想分手快樂七:知道那個賤人是誰,好嗎?」 |
| [tr][/tr]
|