蕭若元：黃毓民縱容黃洋達這個人渣敗類！ 蕭若元

ricrick

老蕭同黃洋達根本係勞資糾紛

老蕭同黃洋達根本係勞資糾紛，以及忠心服務舊公司定另起爐灶之爭，不過中間牽涉其他是非，攪到完全掩沒了成件事的本質，老蕭當初嘗識黃洋達，請佢返黎做節目，仲要比佢主持早朝天下，點知黃洋達鋒芒畢露、野性難馴，經常有出位言論，好多時似乎不是太比面老蕭(其實極有可能是有人攪是非，不過黃洋達太過懶有型，所以不屑解釋，於是誤會愈來愈大)，自覺有知遇之恩的老蕭當然自覺不是味兒，及後因黃洋達決定坐監，老蕭覺得點解咁大件事你唔一早請示我，於是用了參選藉口停左早朝天下(開始有鬥氣成份)，因為其實黃洋達無打算完全停早朝天下，但節目被停令到黃洋達覺得你咁即係老細大石責死蟹玩野啦！！

其實關鍵是文人相輕！
從此兩人出現了極大心病，但是這種心病的出現並非來自大家的政治路線的分歧，而是大家都是出身無線的編劇，文人相輕就梗係中國人的天性啦！黃洋達覺得老蕭打壓自己是功高蓋主，唔抵得自己叻要打壓！而老蕭就覺得黃洋達無道義，唔報答知遇之恩(節目中唔跟蕭生路線便有可能是不懂報答)之餘，仲串自己，但係最慘係老蕭成日唔係親身聽黃洋達節目，好多時只是第3者傳入他耳中，造成誤會日深，而且老蕭亦覺得黃洋達似乎想學自己咁有影響力，尤其是主持風格都是找一班助手來為自己大叫「蕭生好野、皇上好野」這一方面，相信令老蕭暗下非常不爽。其實以賓主關係而言，無話邊個o岩唔o岩，不過老蕭的霸道、老細款及民主霸主的氣焰早已令到黃洋達非常無癮/不滿，及後停左早朝天下更加令到決心日後要自立門戶。(事實上黃洋達的確是眾主持中最出色者，其他人實在是差太遠，無論是節目受歡迎程度，組織動員能力，以及能夠擔起個人棟篤笑等，所以到底是人網幫了他，還是他幫了人網，絕對可以說是雙方互利而矣！還記得周星馳在TVB時代嗎？由於周星馳的超凡攪笑才能，經常越導演權去改對白，眾多導演亦投訴過他，在情在理似乎都是導演對而周星馳不對，但是你想觀眾會寧願周星馳越權抑或聽聽話話呢？始終袋中尖刀或是人才都是會脫穎而出的，若當時伯樂及千里馬都太過計較的話，雙方肯定都會出現紛爭)

由頭至尾只是打份工
不過此時毓民叫左黃洋達出選立法會，黃洋達在比面之下答應與人力合作一次，但早已表明要成立自己的熱血公民做選舉工程(其實亦是為自己未來自立門戶鋪路)，及後選戰輸左，黃洋達在私人訊息中被爆「我根本不是人力的人」，根本就不是他要自己爆出來挑釁人力及老蕭，而是有5毛份子/攪事份子要挑起民主派的內鬥，怎料老蕭並沒有以智者的方式化解，反而仲乘機指責其為反骨仔，其實黃洋達由頭至尾在老蕭旗下打份工，從來未曾講過話如何忠於老蕭，亦不是老蕭的學生，如何可以稱之為反骨？？反而如果黃洋達咁樣對毓民就真係反骨啦！！

其實是地圖炮全方位攻擊
之後兩人炒大鑊的導火線自然是黃洋達的「所有佔領中環者是政棍論」，不過這是一次過數晒民主黨、公民黨、人力、人網等地圖炮全方位攻擊，咁點解唯獨老蕭會咁慶？是代表說中了，還是借機會發難？？因為老蕭在反擊黃洋達指控時，是罵他說蕭生政棍這一點，其實黃洋達根本由頭到尾都沒有說過蕭生是政棍，只是說「所有佔領中環者是政棍論」，大家不要以為沒有分別，因為事實上是很大分別，因為黃洋達已經多次表明如不膠做便不是政棍，所以有很多支持佔領中環者都沒有為此不滿，而且黃洋達多次修正說法──不膠做便沒有問題，如果證實自己講錯便會道歉及改為訓身支持。

似乎有點對號入坐
只是老蕭似乎有點對號入坐，而且黃洋達鬧得幾勁都只是針對「佔領中環」，但是老蕭及其他人網主持卻是對人(因人廢言)，試想想，如果老蕭不是一開始就說人網始束，跟住拉埋黃洋達來說(雖然事後兜返是說笑)，但是聽在人力Fans耳中，又怎會不將憤怒發洩在黃洋達，甚至毓民身上，若果一開始只是單方面指責黃洋達反骨，然後隔一段時間才摺人網，不在兩者間拉上關係，根本就唔會有咁多人攻擊黃洋達及黃毓民，所以呢招以退為進連消帶打，就真係又毒又有效，以後只要你有一個敵人，你想發動群眾對付佢，而你又咁o岩係好多人既偶像，只要你講一句：「算我怕左xxx」(跟手整多句話講笑姐，我覺得呢句話非常之仆街)，然之後假自殺(話係假因為根本死唔去)，咁xxx自然就會成為眾矢之的，而不會理會你是因無膽而退出鬥爭還是太有機心以退為進，最正既係「所謂結束」(3個月又開返)一來可以證實支持既FANS有幾多，二來又可以乘機試出身邊既人仲有邊個忠於自己，三來就算乘機炒人減規模都唔會有人指責，四來又可以乘機整頓人力，將不聽話者踢走(邊個撐黃洋達邊個死)，仲可能會有人捐款同同情添！！連不同路線的毓民都可以乘機兵不血刃對付埋，個劇本幾完美兼有效呀！！

如果是TVB便沒事！
不過利用自己出錢老細既身份去做呢d野，仲要拉埋其他唔關事既人陪葬(諾韻、潘詔聰)，雖然可能最後可能之後既新網會繼續有諾韻、潘詔聰既節目，但是絕對是對其他準備磨拳擦掌大攪既主持非常之不公平囉！！至於成件事黃洋達有無錯？？當然有，在被人陰謀公開對人力有敵意既私人訊息時，應該第一時間向人力及老蕭道歉，無論自己願不願意都好，因為一般人頭腦非常簡單，好容易會覺得離開人力再唱係反骨(其實只是私人訊息，並無公開唱過人力)，其實當時黃洋達只係當左人網係打壓自己既TVB，只係因為人網在眾人面前形象好，所以黃洋達咪變晒罪人囉！！你話如果換轉是TVB，D人只會覺得黃洋達反骨得好添！！

Look4chrisng

I used to listen to them often.  But lately they are more interest in frighting AMONG themselves than any other courses they are supposedly organized to advance.

It really doesn't matter who is in the wrong, since they are irrelevant by their own making.  
Result: Grandpa 1: Honger 0.

sheep

回復 2# ricrick

你真係旁觀者清
言下之易
你係唔係
認為毓唔倒

ricrick

老蕭要消滅黃毓民及本土派於萌芽

sheep

回復 5# ricrick


    問吓梅佬點睇？
佢好似好BUY老簫

sheep

http://hkreporter.loved.hk/talks/thread-1817665-1-1.html

梅佬好想請老簫食飯
我地去做陪客