1) 花自己賺回來的錢之餘+有計劃儲蓄退休人金 <--响溫哥華, 供車呀, 供樓呀, 水電呀, 交租呀等諸如此類, 搵埋都唔夠用, 仲話要有儲蓄退休金, 更加難啦....
2) 失敗時不怪責別人,懂得自我檢討 <-- 咁樣的話, 我相信我唔單止每日都會好忙, 仲會覺得自己係一條廢柴! 我講緊自我檢討個part 咋, 因為已經無時間去怪人喇~
3) 每天便一件好事,但不要讓人知道 <-- 响公司就日日俾manager 監察住, 响屋企就日日俾個老公監察住... 莫講話做好事, 連想做好一件事都好大壓力啦~
4) 重讀自己喜愛的書 <-- 呢個仲難, 日日返公對住部腦對眼已經累到乜咁啦~ 仲再睇書, 根本對眼就負荷唔到, 況且, 我從來睇書唔會睇多過2次, 因為我睇一次都會記得本書噏乜, 我會悶架.... 所以, 重讀呢家野真係唔多啱我...
5) 嘗試在24小時之內不去批評別人 <-- 日日返工都已經忙到癲, 唔得閒留意其他人, 所以無得去批評, 返到屋企都攰到虛脫喇, 食完晚飯都已經想去昏迷, 所以, 根本就連想批評人既心情同力氣都無!
6) 知道何時開聲,何時收聲,那些事可以堅持,那些事可以放開 <-- 通常响公司, 最唔想開聲個時, 就係要去開會, 但就成日侷住要開口講野, 好多野我好堅持去想去放開, 但某D人某D事都會堅持不斷騷擾我, 煩我, 唔多肯放開我, 等我無得去放開.. 無得去堅持放開..
7) 一個令你成長同時又可以依賴的愛人 <-- 其實我唔多想成長, 因為做人好攰, 間唔中低能下, 我會開心多! 因為個腦可以抖下! 而我老公.... 我都好想可以依賴佢, 但... 似付係佢依賴我多D... 見到我老公, 佢D朋友, 我D朋友, 我D朋友既老公, 我都覺得... 男人由3歲到103歲都係一個小朋友咁, 成鬼日都要個老婆或女朋友照顧....
8) 一個令你發笑而又讓你哭泣的朋友 <-- 多數都係我令我D朋友發笑, 而我D朋友真係唔會令我哭泣...
嘩~ 以上我無樣野係fulfill 到, 我諗我真係好失敗好悲哀.... 唉.... 天呀~~~ 典跣巧呀......  |
發表於 2012-11-16 20:39
| 
