敖嘉年爆曾修補關係冇人騷

tiffiant

敖嘉年爆曾修補關係冇人騷
「排骨」敖嘉年遇襲受傷，外出接受媒體訪問後返家，竟與宿敵冼灝英擦身而過，認真「冤家路窄」。嘉年形容與對方關係抽象，更自爆曾經向對方修補關係，又直接否認與梁靖琪（Toby）撻着的傳聞。

嘉年在卡拉OK遇襲受傷後成傳媒追訪焦點，昨午他戴上墨鏡外出，縫了三針的左眼眉對上依舊貼上紗布。他返回電視城接受媒體訪問，約於四時許驅車返回北角寓所，當駛近家門時，冼灝英竟在嘉年座駕附近現身過馬路，大批記者一擁而上追影，當時正講電話的冼對記者所有提問均搖頭，更着記者不要再影相，然後走入港鐵站「避難」。

二千元保釋候查
之後記者送完嘉年返抵家門，竟再遇見冼師傅，原來他與嘉年分屬街坊，寓所只是隔幾幢大廈，相當「有緣」！問冼師傅無綫及警方有否聯絡他？他堅稱「冇」，此時一名小孩撞向他跌低，冼伸手扶了對方一把，惟他愁容滿面，不排除是為K場涉嫌傷人一事而擔憂不已。而警方發言人昨表示，被捕的53歲男子前晚（28日）暫准以二千元保釋候查，下月中向警方報到。

而嘉年昨午現身電視城外事部，親向傳媒交代。談到與冼師傅關係時，他唉聲嘆氣的說：「唉！關係抽象，係師傅定朋友，我都唔識答。發生件事後我冇感覺，亦冇唔開心。（大家坐低細談？）其實兩、三年前我都有搵過佢，不過佢冇聽我電話，當時都想修補和好……依家做唔做到朋友隨緣啦。（佢喺微博上載當晚同林峯嘅合照喎。）感覺幾奇怪，但唔評論嘞。（如果佢遭正式起訴，幫口求情？）唔識答，警又係我自己去報……呢啲情形睇戲睇得多，我都演過律師，但真實發生都係第一次，到時先考慮啦。」

tiffiant

傷口痛變大細超
刻下嘉年很擔心自己的傷勢，一切留待下月初覆診後才知道是否需要磨皮去疤：「機會都幾大，依家先知點解醫生開咁多藥畀我，原來麻醉藥過咗後先識痛，依家會不停眨眼，又大細超，面部肌肉麻痹。我停咗工，包括推咗梁材遠套新劇，工作幾時都有得做，身體健康最重要。」遇襲後嘉年第一時間致電其經理人，代為通知公司及安排接下來的工作，之後他才問及傷勢：「佢哋話畀我聽都幾深。（傳你同Toby撻着？）我都識佢男友，當晚咁多人喺度送我去醫院，咁寫我都冇辦法。」

唱唱吓畀人淋水
另外，嘉年昨日接受了查小欣的電話訪問，簡述了當晚遇襲過程：「我同《花花世界花家姐》嘅台前幕後去消遣，喺卡拉OK內唱唱吓歌，後面有人淋水，我走去廁所抹身，一出嚟就有隻玻璃杯掟落嚟，跟住冼師傅一拳打落嚟，好彩我一手擋開，當時好混亂，我見到全件背心都係血，林峯個個都入晒嚟，個個都好唔開心。」至於曾拜冼為師一事，嘉年亦回應說：「我冇斟過茶，佢叫我叫佢教練就得，OK，教練好、師傅好，我去上瑜伽堂，如果唔適合係咪唔可以轉吖？」他又坦承多謝拍拖十年的女友，且表示有計劃結婚，但婚期未定。

無綫外事部副總監曾醒明則表示暫未有任何藝人需要接受處分，會先向相關人士了解事件始末。而樂易玲亦同樣表示藝員部未有就此事開會，刻下亦未接到冼的求情電話。


敖嘉年的傷口又痛又痹。

tiffiant

敖嘉年在報攤買報紙，他更是本報的擁躉。


敖嘉年返無綫親自交代事件的始末。

冼灝英的寓所在街頭（紅框示），敖嘉年的住所在街尾（綠框示），大家是街坊

冼灝英現身過馬路時，敖嘉年的車子剛好經過，兩人真「有緣」！

愁爆的冼灝英獲保釋後在北角被記者追住影相，心情認真麻麻。