兩種戀愛, 你會點揀?

ayako

你會寧願:

1.) 結識到一位同你係絕配既戀人, 但係你命中只可以同佢一齊一個月, 餘生就會一直單身, 但係o係果一個月內, 你同佢會係全世界最幸福快樂既戀人, 你地完全係天造地設既一對, 你從來都未試過可以咁開心既.

2.) 搵到個唔算係太鍾意, 又唔係太夾既人結婚, 但就可以維持一生一世, 即係對方又唔係太差既, 只係算中上, 不過不失咁啦, 但你永遠無法將佢愛多一d, 而佢始終唔會比到你最愛既感覺.

你會點揀? 請隨便發表意見~ 謝謝~~!!

jiujiujiu

我一定揀第二個!如果我揀我我最愛嘅, 我一定會強逼自己改變自己去迎合佢, 我就一定頂唔到好耐~ 我會發癲~ 況且, 只有一個月, 我自問唔係一個浪漫嘅人, 我從來都唔相信"不在乎天長地久, 只在乎曾經擁有", 因為, 我不嬲都覺得呢句說話應該係"不在乎天長地久, 只在乎永遠擁有". 如果得一個月, 我情願唔要~
我寧願同一個無咁愛嘅人一齊, 因為我係要搵一個伴過下半世... 事關我唔再係十幾歲, 我唔會再有呢D咁"浪漫"嘅決定! 我一定會做一個比較實際嘅決定~

imvitasoy

真實中，恐怕(2) 並非 "不過不失"
真實中，唔夾的婚姻，比死更難受, 食無味，睡不寧，做人無拼勁， 典床典蓆到天明，好辛苦好難頂㗎。

rainbow-davie

WTH.. the answer so easy

Date with 1) first. have fun and have the most romantic moment.
then date with 2) and stay with 2).  

isn't that obvious???

ayako

WTH.. the answer so easy

Date with 1) first. have fun and have the most romantic moment.
then date ...
rainbow-davie 發表於 2012-9-1 19:33

你太貪心了... 或者係我講得不夠清楚吧... 只可以二選一呢~

imvitasoy

Date with 1) first. have fun and have the most romantic moment.
then date with 2) and stay with 2).  
rainbow-davie 發表於 2012-9-1 19:33

只怕，失落只會更大....

ayako

真實中，恐怕(2) 並非 "不過不失"
真實中，唔夾的婚姻，比死更難受, 食無味，睡不寧，做人無拼勁， 典床典 ...
imvitasoy 發表於 2012-9-1 18:24

其實你都講得好有道理....
尤其如果有過類似經歷, 就知累鬥累係比死更難受...
男人最痛係跟一個不了解自己的女人在一起...

ayako

我一定揀第二個!如果我揀我我最愛嘅, 我一定會強逼自己改變自己去迎合佢, 我就一定頂唔到好耐~ 我會發癲~  ...
jiujiujiu 發表於 2012-9-1 17:58

睇下你要個伴主要係想佢做d 咩啦....
btw, 話得係你最愛既, 我個設定係你唔需要改變一切, 都可以好開心

ayako

只怕，失落只會更大....
imvitasoy 發表於 2012-9-1 19:46

咁又係呀.... 可能會係咁兩個o係度比較, 咁就唔可能再一生一世了

jiujiujiu

回復 8# ayako

如果係佢愛你多過你愛佢, 你就無需要改變,
但如果你愛佢多過佢愛你, 你就一定會自動改變~
假設佢係愛你多過你愛佢, 佢一定唔會同你一齊一個月, 就掉低你, 佢可以咁樣離開你, 就證明你唔係佢最愛嗰個囉~ 咁要嚟做乜呢.... 除非佢突然死鬼咗架啫~ 咁就另計啦~
如果一個人決定同你過一世, 咁佢就應該好愛你啦~ 只不過你唔算最最最鐘意佢咁解啫~ 如果要平平淡淡咁過一世, 呢個選擇應該都OK架~況且, 呢個世界上, 根本唔會有兩個一樣嘅人, 所以, 兩個唔太夾嘅機會都會好高, 因為兩個人相處, 無論係有幾愛, 都要互相遷就, 就吓就吓, 就會越來越夾架啦, 夾吓夾吓, 咁就一世架喇~