業主與租客的故事

地方, 故事

之前有lyk問我有關麻煩租客嘅故事﹐我諗好難三言兩語講得晒﹐而且我估好多人都有經驗可以分享所以都係開個新題去細心研究。

先擺明立場﹐大C姐做過業主租過地方俾人﹐亦做過租客租過人哋地方住。呢個topic確實有好多親身感受。先講業主方面嘅隱憂﹐做人業主真係甚艱難。除左好多霸王租客唔俾錢之外﹐仲有好多麻煩人燈膽燒左都call餐懵要業主整。呢D故仔唔洗我講都聽過N次﹐不值一談。

好多人以為有人幫自己供樓好爽﹐其實有好多危險地方要注意。首先﹐如果你自己放(唔係幫襯agent)的話﹐好多私人資料要對外公開(最basic都要post你個聯絡電話﹐地址同名)。點解要特別講起私人資料呢﹐其實幾年前我朋友有一個經歷。佢喺呢邊post自己個單位出租﹐用唔同medium﹐報紙﹐craigslist等等。好正常﹐好多人會打電話問可唔可以上去睇樓﹐上到去睇好多人都會問D細節﹐甚至影低幾長相以作記認。講到呢度都好正常﹐如果你做業主﹐有人睇都唔睇就落offer就話奇姐﹐親身有口有面去睇樓通常人嘅心理都覺得好穩陣。Post左幾個禮拜﹐大概10個8個potential租客睇過樓之後﹐有一個客話OK想簽個tenancy agreement。我個朋友都見過呢個租客一次﹐個印象都OK﹐所以諗住爽爽快快搞惦個contract啦。

點知﹐我個朋友簽晒所有嘢之後收唔到deposit同post-dated cheques﹐打電話俾個租客﹐個租客好驚訝咁講﹐"我俾左啦啵﹗"

究竟發生左D咩事呢﹐我俾大家估吓﹐返轉頭先開估。

-- 洗大左嘅大C姐

mcjohnjohn

金牌老友 (超級)

Rank: 6 Rank: 6

2^#

發表於 2010-9-7 21:43 | 只看該作者

大C姐推出新一輪既偵探小說?
咁我估下先!
應該係個租客將d 錢比左一個騙子. 而個騙子係利用唔同medium 搵到既資料去假扮業主.

祝大家永遠快樂! ^^

TOP

大C姐

非常老友 (高級)

Rank: 4

3^#

發表於 2010-9-8 17:54 | 只看該作者

點擊率咁高就知其實好多人想知個故事結尾啦.......

咁都要講埋落去。原來其中有個睇樓客﹐影左相之後post上網當自己單位出租。當有人回EMAIL話想睇樓﹐佢咪再約返我朋友睇樓囉。當然﹐個受害者去到睇樓﹐唔知個業主原來唔係EMAIL裡面果個人。睇完樓覺得ok就再同個假業主DEAL。

當然﹐個假業主可以直頭同個受害者做埋份假tenant agreement﹐你做租客其實點知個單位個登記人係姓乜名乜?

另外﹐做業主好多時約人睇樓都唔知D租客係咩背景。好多時有人話想租就會約﹐唔會check人哋background。又有一個case係我親戚喺香港﹐佢係一般家庭煮婦﹐住新界一D獨立屋。一向都會將樓下單位出租﹐有次約左兩個男人去睇樓﹐入到屋先知原來係賊﹗綁起左我呢個親戚﹐囉晒D錢同credit card﹐仲逼佢講埋password。到最後當然報警處理﹐但最後都拉唔到人。

TOP

mcjohnjohn