|
|
自從十幾年前開始人人一部家用電腦開始﹐上網已經係生活一部份。我自己都經常網上購物。由一開始步步為營﹐都而家有好多日常用品係諗都唔洗諗就會上網買。但係久唔久就會聽到一D個案﹐騙財騙色﹐好多時都會覺得受害人好蠢好唔小心。但係騙子手法一日千里﹐猶勝從前﹐有時都會覺得防不勝防。
所以都想籍著呢個機會開個題去警戒LYK網上一D比較普遍嘅個案﹐希望大家都會小心題防。若然有遇過網上騙子﹐亦都最好囉出嚟傾﹐等其他人唔好再入陷井。
case 1: 網上租屋
曾經幫朋友揾地方住﹐先發現網上好多listing都超流。好多事大篇幅話業主係醫生而家喺外國所以唔方便見面﹐如果有興趣租住呢個單位就先俾按金﹐之後就會寄條鎖匙俾你等等.... 當然根本無呢個單位(通常都係報假地址﹐假相)﹐我諗對象係有意搬嚟Vancouver嘅朋友。因為想快D租到地方住亦唔可以親自睇樓。
case 2: 網上買賣
買嘢貨不對辦又或者收左錢無貨到就好普通啦﹐其實網上賣嘢都好易中招。前幾年有朋友回流要賣家具﹐點知有人上網offer即刻俾錢﹐而且會有人pick up。當然已經有D奇怪啦﹐無見過實物點解會肯俾一個都唔細嘅數目去買一件傢私呢? 之後真係寄左個money order俾我個friend﹐但係個銀碼係高於件貨個價錢。之後通知買家﹐佢竟然話唔小心寫多左﹐叫我個朋友(賣家)寫張cheque﹐將多餘嘅錢寄去個所謂搬運工司。當時大C姐知道就即刻一語道破﹐"個money order一定係假架啦﹗" 都算啦﹐既然有張票喺手﹐個朋友都去銀行入票﹐真係唔reject先再算。但係你知做deposit要扣起張票一個禮拜定係點。個買家就喺呢個禮拜不停電話騷擾﹐問我朋友寄左張cheque未﹐因為個shipper等緊(且如之類)。最後銀行當然彈票啦﹗
case 3: 網上情緣
上兩個月聽過一位中女嘅故事﹐佢喺香港上網識左一個外籍人士。一路都傾得好好哋﹐過左幾個月之後仲話去香港探佢。呢位中女當然滿心歡喜去接機啦﹐點知到機場先收到呢為西人電話﹐話因為佢喺南非工幹個簽證過左期﹐而家被人扣留﹐要一筆錢先走得。當然果個時候唔諗得咁多就即刻用佢講嘅方法去匯D錢俾佢啦。事情過後﹐當然無去過香港﹐由始至終都無見過面啦。
-- 我行我素大C姐 |
|
發表於 2010-7-4 16:32
| 
