移民/流學的故事 移民

大C姐

呢個topic想開好耐﹐但係一路都揾唔到一個好好嘅angle去introduce呢個題﹐所以都唔知由邊到開始講好。由於今個禮拜話題都係好慘痛﹐又由心up去到激烈﹐所以為左轉一轉個tone﹐我孤注一擲開一個連續劇咁長嘅話題。

chapter 1:

如果要講移民﹐我諗最好都係由80/90年代移民潮講起。當年97恐懼下﹐我諗大部份香港人都諗過走/都有親朋戚友移民。亦都係咁﹐好多香港家庭嘅故事從此改寫。先分享一個香港太空人家庭嘅故事。話說大C姐識得一個家庭﹐佢哋算有D錢啦(有錢定義好難講﹐但係要形容就係住大屋﹐周圍都有物業﹐屋企有自己生意果種)﹐總之屋企幾個細路由細到大都無咩金錢煩惱。唔知係咪因為個老豆做左太空人所以同個老婆感情轉淡﹐其實移民後幾年已經出現問題。兩公婆已經自己分別有伴﹐但係因為D仔女當時仲細所以唔想鬧翻﹐兩公婆都盡量低調處理。直到D仔女越嚟越大﹐又頂唔順兩個父母成日鬧交/冷戰﹐D仔女就開始勸兩個大人搞離婚。一分身家﹐成件事又火上加油。原本都唔想搞到仔女﹐但係一有錢銀involve兩個大人都擘晒面。詳細情形唔講太多﹐但係最終呢邊間大屋就要暫時分兩份﹐阿爸一邊阿媽一邊﹐D仔女就自由出入。當然無收入嘅阿媽就只能夠洗老本啦﹐個阿爸亦知道如果俾錢D仔女﹐D仔女一定會俾阿媽﹐所以就連D仔女嘅allowance都cut埋﹐學費又唔俾(不過D仔女當時都已經20歲+)。呢個局維持左好幾年﹐而且越搞越複雜。D仔女本來都無咩立場﹐因為其實個阿爸都係住香港多﹐好少見到面。但係唔知係咪要同前妻示威﹐個阿爸又做D小動作﹐例如渣走屋企D車(因為個阿爸有spare key)﹐又帶自己條女(做得佢個女咁後生)入去大屋同D仔女一齊住。呢D種種行為就令D仔女對阿爸好抗拒﹐個關係搞到好疆。

最後﹐官司完左﹐D物業可以賣套現﹐個阿媽雖然再唔係咩咩阿太但係經濟上都算OK。而家個阿媽繼續同D仔女住﹐深居簡出。但係個阿爸唔知係咪人生去到某一個階段又想同D仔女reconcile。所以又做D小動作諗住用物質利誘D仔女過返去佢果邊(香港)。故事到今日﹐其實D仔女都出晒身結左婚有自己生活。本來有錢仔有錢女都做緊一D好humble嘅職業﹐但係點都唔想返香港投靠佢哋老豆。一來感情已經無乜﹐二來亦唔想好似betray個老母咁。雖然個阿媽都好明﹐個細仔又讀唔到書呢邊又無咩好工做﹐如果去投靠老豆可能會有好D出路。不過D仔女都跟左阿媽咁多年﹐都慣左自食其力就唔想靠老豆囉。

http://www.youtube.com/watch?v=-pANoR2cn_4



太空人故事實在太多﹐留翻下集再講。

-- 大胸人

快樂牛郎

今次好似冇咩精彩既point

Lik

我自己係佬都咁話：男人一有啲錢嘅話就好容易周身痕／變賤人㗎喇～ 但當佢一老啲嘅時候，要會想要返啲仔女來送終。大佬，今日嘅果咪又係來自昨日自己種嘅因？阿力自己身邊亦有位類似嘅朋友，而我亦同佢講過好多次，換咗我係佢嘅話就老虎都唔能睬呢件咁嘅衰老竇。

-力

Catpiano

OH yeah .. I am old chinese bridge too .. came here in early 90's ..  for school ..  

Somehow, still here!

sheep

流學
大C姐 發表於 2010-8-27 23:03

   我以為讀唔成書添
你呢個只係滄海一粟嘅故事
唔好徙時間啦

sheep

我以為讀唔成書添
你呢個只係滄海一粟嘅故事
唔好徙時間啦
sheep 發表於 2010-8-28 08:56

I mean

   徙我哋嘅時間

大C姐

我自己係佬都咁話：男人一有啲錢嘅話就好容易周身痕／變賤人㗎喇～ 但當佢一老啲嘅時候，要會想要返啲仔女 ...
Lik 發表於 2010-8-28 00:04

其實兩父婦感情變淡係無可厚非﹐但係我諗最影響到D仔女係個離婚過程。首先﹐有咩可能帶條女登門入室同D仔女住? 擺到明又唔係一個認真嘅伴侶﹐只係一個後生女playmate囉嚟向自己老婆示威﹐我覺得好cheap囉。

另外同老婆打官司爭錢又係多__餘。根本就係鬥氣。無啦啦又cut off晒D仔女嘅錢﹐當然你可以話D仔女咁大個人有手有腳可以自己揾食﹐但係個阿爸個intention唔係教D仔女獨立呀嘛﹐佢個出發點係"你哋班細路幫你老母我唔會分錢俾你架﹗"呢D咪係囉自己D仔女做磨心﹐玩手段囉。

總之成件事我好glad已經告一段落。

另外題外話﹐眼見好多人搞離婚搞得咁肉酸﹐我真係好賺成D西人做法﹐結婚前做定prenup。先小人後君子﹐明刀明槍減少以後分爭。好多人會覺得好唔浪漫﹐但係好sorry﹐結婚根本就唔浪漫﹐結婚都係一張contract。你未結婚有第三者最多俾人話花心﹐結左婚就會係adultery。好多人結婚都係諗住要用呢個朵去穩定自己生活(長期飯票)或者有咩事自己有保障﹐根本同愛﹐同浪漫都無關。反而我覺得兩個人唔係為左張婚書以一齊生活﹐到80歲都仲係男女朋友關係我覺得就係真浪漫。我見過一個阿伯成日同人講"我無同伯野婆結歡架﹐佢係我條女咋﹗" -- 幾有型。


-- 結婚前請諗清楚嘅C小姐

大C姐

Chapter 2:

講多一個移民故事先講流學生。

呢個故事有D特別﹐其實係講一個"撈偏"或者"黑社會"移民嘅故事。唔好問我點解會識呢家人﹐總之聽故就唔好駁故啦。事源呢家人除左個阿爸係撈偏門之外﹐其實都好ordinary。不過聽講﹐呢個男人當年都算係大哥一名﹐喺某地區都幾惡。不過可能90年代中黑社會開始末落定係佢想轉型做正當生意﹐所以決定做個family man同家人移民。

其實佢住嘅地方都好僕素﹐唔係一般人諗會住西區大宅果種。而且好多時會諗個大佬個老婆會唔會都係好夠雷嘅鐵娘子呢? 完全相反﹐佢老婆係一隻鵪鶉﹐真係典型咩都唔識﹐無做過嘢就結婚生小朋友﹐唔打扮﹐唔浮誇﹐一個好僕實嘅小女人。但係兩個仔就霸道到呢...真係想大巴大巴聲埋去。

最"特別"嘅位﹐就係呢家人仲有一個成員。個大佬請埋一個"助手"移民。其實明眼人就知咩事﹐其實係想有個後生仔大大隻做跟出跟入做保鑣。但係又好好笑﹐呢個保鑣當時30歲流下﹐一隻英文字都唔識﹐老粗一名。但係又其實係一個噩魚頭老襯底嘅一個快樂老實人。大佬也移民呢個故事亦告一段落﹐好多年之前我已經無同呢家人有聯絡。


其實我今次唔係想講咩point﹐只係想分享D故仔﹐拋磚引玉。希望唔好再dwell on一D唔開心事件。

-- 近排忙到死嘅至暈大C

zoids

I agree ppl should have prenup, but how to make your partner sign that prenup?  That is the most headache thing...

大C姐

I agree ppl should have prenup, but how to make your partner sign that prenup?  That is the most hea ...
zoids 發表於 2010-8-28 18:18

    所以呢﹐我經常都話D人結婚唔好淨係諗擺酒﹐影video﹐拍婚紗相﹐去邊度蜜月。其實真係好多鎖碎事要做。Insurance﹐bank account﹐自己嘅物業等等﹐都要考類需唔需要改/加名。另外prenup真係要諗諗﹐因為我識得太多太多姊妹離婚後追膳養費追到褲甩。我可以話你知﹐一張婚書係保障唔到D咩。若然個男人唔俾(假設個官係咁判先講啦)﹐你要再打官司可能又要年幾兩年﹐到時就算個男人輸左佢唔洗back pay返果年幾時間嘅膳養費。好可能俾幾個月又係拖﹐等你再打官司。

我好贊成先小人後君子﹐免得大家關係差果陣仲要傷口上灑鹽。