返回列表 發帖

夜III之終極一脫(貳) - 星星月亮太陽


夜III之終極一脫(貳) - 星星月亮太陽



帶著疲累身驅的小C妹﹐踏著5吋斗零掙步出夜店之際﹐突然聽到從後面一位熟識的
聲音﹕"C妹~"

她轉身望向聲音的來源﹐看都一位3號眼﹐4號鼻﹐V字臉的美眉對著自己微笑。小C妹
心裡不停念著電話裡的phone list﹐究竟我在那裡見過她呢?

這位美眉興奮地向小C妹走近﹐邊笑邊說﹐"我是豬尾啊﹗很久沒見﹗"

合不著口的小C妹﹐不能聯想到中學年代的男仔頭"豬尾"變成眼前充滿女人味的美眉。
她還來不及反應﹐驚魂未定﹐豬尾繼續說﹐"我只逗留多一星期﹐我們一定要出來聚
舊啊﹗"

小C妹自然反應把自己的卡片交給豬尾﹐她接過後便衝衝離開﹐C妹隱約聽到她要
返酒店等電話。




小C妹回家洗澡的時候﹐一幕幕學生年代的片段陸續浮現。豬尾原名
朱有美﹐中學時算是活躍份子。她的外表平庸﹐略胖﹐其他女同學都認定她沒有殺
傷力而紛紛和她作姊妹。性格外向率直的豬尾﹐亦受男生歡迎﹐她也有不少兄弟作
伴。當時常常穿著工人褲﹐不修邊幅的豬尾跟現在比較的確是判約兩人。


"她當初只需要靜候太陽
 期望使膚色比素顏漂亮
 然後那肌膚叫鏡內人自信漸強
 期望可得到擁抱的印像..."



其實畢業後一直聽到很多關於豬尾的消息﹐聽說她上了海外的大學後﹐遠離從前認
識的朋友﹐建立新的社交圈子。她首先在暑假到韓國整容﹐入學後亦不斷搜尋
校內有家底的男生。從來不打扮的她﹐每日化妝上課﹐周末亦會到不同派對聯宜。


從舊同學中打聽到﹐畢業不久便與男朋友同居的豬尾﹐到今天亦沒有打過工。這多
年來除了打點家裡日常鎖事﹐便是學打網球﹐學插花﹐做一個待在家中的賢內坐。
猶記得她中學時曾夢想從政﹐以外交官為目標的她﹐小C妹心想﹐女大可能真的十八
變。

"她知道別沉迷易逝色相
期望中品德跟性情至上
然後卻驚醒太愛別人難以自強
期望可飾演戀人的偶像..."



豬尾前幾年已跟男友結婚了﹐她在人前都表現得很幸福﹐但遇過她的舊朋友都直覺
她有點古怪。本來安逸的生活是好多人夢寐以求的理想人生﹐但小C妹卻發現另一個
真相。

"...然後要愛煞得高尚
然後要有日離別堅強
然後結婚那對像
夢多路長
最怕靠眼淚來贍養"



例如﹐每次約豬尾出來她都會身光頸靚﹐手錶﹐手袋﹐高根鞋都例必名牌。一身貴
婦打扮的她﹐卻常以"沒有現金"為由﹐免卻出錢。原本很少聚舊的朋友請她吃飯是
沒所謂的﹐但眼見她剛剛從名店用副屬卡找數﹐吃飯卻刻意收起信用卡﹐確實耐人
沉味。而且每次出來都很闖黜﹐好像要趕回家幹甚麼似的。最吊鬼的是﹐豬尾從來
沒有主動介紹過自己的丈夫。以前開朗敢言的她﹐這幾年都變得僅言慎行。

豬尾約C妹出來聚舊當日﹐以一身YSL連身裙出場。看似精神的她﹐小C妹卻看得出她
粉底和眼影下的倦容。雖然多年沒見﹐但兩人寒喧氣句後已沒甚可談。從豬尾的身
體語言﹐小C妹知道一齊盡在不言中。或許豬美的心裡依舊保留著當日活潑跳脫的性
格。但今天﹐人浮於事﹐身不由己﹐她的生活已經不再屬於自己了。


"愛她那對像 逐一離場
發覺也愛自由獨唱
妣所愛轉動如月亮太陽
遙望一天星斗永恆照亮
她一世在微調幸福真相
其實她真想擁抱的卻是
無常"


短聚過後﹐C妹主動請客﹐免她尷尬。道別後小C妹知道今後再碰到豬尾的機會不多﹐
不竟大家都已生活於不同的世界中。其實不同朋友也跟C妹討論過婚姻的義意﹐對C妹來
說﹐結婚莫過於一張contract﹐一個legal transaction。若然沒有法律上的需要﹐
兩個人決定結合﹐根本不需要以結婚作證據﹐20年﹐30年後還在一起﹐便是最好的
證明。兩個人因為一個合約而免強在一起﹐既不浪漫亦不實際。

小C妹寧願繼續相信真愛﹐尋找一段或多段幸福滿足的愛情。


-- 夜生活女王

大C姐
如果比你遇到一個你好鍾意既男人
但他對婚姻的看法跟你相反
視結婚為必需
你會點?

TOP

C姐故事好牽強
一開始就話好耐冇見
易容易到你差啲唔知佢係邊個
一轉就將個底蘊娓娓道來
咁即係點?
下次
做好個故事大綱先至好創作
無知並不是罪﹐  真正的罪是以無知 為口頭禪 為榮

TOP

C姐故事好牽強
一開始就話好耐冇見
易容易到你差啲唔知佢係邊個
一轉就將個底蘊娓娓道來
咁即係點?
下次
...
sheep 發表於 2011-7-1 09:29




車﹐有幾牽強唧?

整左容唔認得﹐而家真係經常出現。莫講話十年八年無見﹐幾個月已經可以好唔同
樣啦。

同埋有D舊同學你雖然無保持聯絡﹐但係點都會o係其他朋友口中八到D料﹐gossip下
都會啦。

TOP

我比較有興趣知道個位豬尾個老公究竟係何方神聖lol

TOP

大C姐
如果比你遇到一個你好鍾意既男人
但他對婚姻的看法跟你相反
視結婚為必需
你會點? ...
ah3 發表於 2011-7-1 01:14



   

好難講﹐如果有好好既理由﹐比喻話要移民﹐甘咪結囉。但係都唔會大搞﹐整場show。
因為實在去得太多婚禮﹐去完你下一次再見到果pair新郎新娘已經離左婚。同埋上
一代結婚係無離婚﹐唔結婚又唔可以住埋一齊。而家你就算幾保守﹐都好難講你唔
會選擇離婚呢條路。既然要洗甘多律師費﹐不如感情好果陣送車送樓送錢﹐唔使等分
居先黎爭家產啦﹗

-- 新女人夜生活女王

TOP

回復 6# 大C姐

越看得多朋友的wedding pix就越唔知搞場show為乜
要預幾圍比襯家
請埋D都唔知係邊個而對方又可能唔好意思推至出席的人
過大禮燒豬回門腳趾夾冰著女人内衣讀愛的宣言
個個人都一樣重復重復再重復
個人覺得可免則免

TOP

我比較有興趣知道個位豬尾個老公究竟係何方神聖lol
kwan1024 發表於 2011-7-1 10:34



    你唔發現有D朋友會收埋自己條仔/女咩?

OK﹐你話拍散拖又未穩定唔帶出黎見朋友好正常。但係有D朋友結左婚好多年﹐其實
我真係諗唔到幾時認識過佢地既另一半。好多都係朋友聚舊﹐另一半車出車入果陣﹐隔
住擋風玻璃點過頭架咋。叫咩名都可能唔知。

甘神秘唔知結黎做咩。


-- 袒蕩蕩肉彈彈夜生活女王

TOP

回復  大C姐

越看得多朋友的wedding pix就越唔知搞場show為乜
要預幾圍比襯家
請埋D都唔知係邊個而對方又 ...
ah3 發表於 2011-7-1 11:13



   
婚禮玩遊戲呢D講過過千次啦。唔知從幾時開始﹐婚禮要請明星做表演嘉賓﹐電視電
台主持做MC﹐同埋要玩獎門人既遊戲。

過去玩死幾件新郎新娘啦﹐紅事變白事。我都唔明點解甘多人要做一日明星。不過
呢D野見人見智啦﹐有D人覺得洗呢D錢好值得好過癮既。

其實我都唔係想講婚禮﹐而係好多人結婚為左唔想"單身"﹐唔想"嫁唔出"﹐根本無
諗過結婚係乜。

TOP

回復 4# 大C姐


   
短聚過後﹐C妹主動請客﹐免她尷尬。道別後小C妹知道今後再碰到豬尾的機會不多﹐
不竟大家都已生活於不同的世界中大C姐 發表於 2011-6-30 19:53

??????????????????

TOP

返回列表