fibbi

e神都有好多好聽嘅歌。
但係始終覺得現今嘅歌唔係咁耐聽，尤其啲詞好多都唔知噏乜。

fibbi

the lyric doesn't have to be fancy, yet it's so "to the point".

最愛是誰
在世間尋覓愛侶
尋獲了但求共聚
然而共處半生都過去
我偏偏又後悔

別了他原為了你
留住了愛亦留住了罪
誰料伴你的心今已碎
卻有他在夢裡

為何離別了 卻願再相隨
為何能共對 又平淡似水
問如何下去 為何猜不對
何謂愛 其實最愛只有誰

任每天如霧過去 沉默裡任寒風吹
誰人是我一生中最愛
答案可是絕對

為何離別了 卻願再相隨
為何能共對 又平淡似水
問如何下去 為何猜不對
何謂愛 誰讓我找到愛的證據

fibbi

似夢迷離
曲︰林子祥
詞︰潘偉源

情痴總有缺憾　情深總要別離
天意愛弄人　誰人可退避
時光幾次錯漏　人海幾次傳奇
聚了又分　愛情似夢迷離

＊如果可以抉擇　能否一切暫
將我這份情　來重新鑑定
誰迫使我冷漠　誰勾起我共嗚
沒法望清這時這份濃情

＃面對去或留　徬徨怎決定
為何熱戀不應該愛慕的妳
曾也盡努力　求共妳一起
無奈這風雨難逃避

流乾所有眼淚　來演一剎傳奇
在歲月中愛情繼續流離

imvitasoy

其實, 一首歌, 真的沒有所謂好與不好, 只有喜歡不喜歡,
你可能覺得好的流行曲始終沒有幾首, 但我可以好肯定的話比你聽, 用心做音樂的人還有很多...

分別在於，全盛期時一季十首hits 不難會有三幾首好聽 (起碼令人產生"聽的意慾"先啦) ,  家陣一秀勁歌金曲，有幾多首你會肯坐低聽/睇？  用心，是不足夠的，有心無力嘛。 今時邊個歌星/音樂人叫做夠秤？ 容祖兒？ OnCall 36 算唔錯啦，恐怕80 年代隨便揀個，方E琪，劉雅麗，都比佢好技術。 音樂人又有邊個？  wyman wong ?  金培達？ 劉志遠？ 在下實在只感覺池中無魚，蝦毛為大而已。 更大鑊是整體氣氛詭異，回歸15年港星齊唱「紅歌」，佢唔屎我屎....

ayako

你講既係時代問題啦...

o係以前, 電視幾乎係唯一娛樂, d 人放左工唔係返屋企睇電視根本無野好做, 撞o岩劇集大結局既話, 夜晚條街係無人架, d 歌日日播一次, 都夠洗腦, 但係隨住年代進步, 聽歌既形式多左, 年青人太容易得到一首歌, 所以亦都好快厭, (但對我而言, 現今仍有好多歌我會肯坐低聽, 咁我自己都有少少係呢行既人又或者唔係咁計啦), 同埋呢個年代, 娛樂太多, 資訊太多, 流行曲唔再係唯一既選擇, 年青人的注意力被分散, 咪有種感覺好似d 歌紅唔起咁...  都唔好計兩岸三地既製作不斷流入, 但要記得以前社會未有咁開放, 想聽國語英文歌唔易...

你話音樂人呢, 其實每個年代都有勁人, eason, joey 當然不在話下, HOCC, ivana, 軒仔, 克勤都唱得好好, 作曲人我唔係咁熟, 呢一刻亦懶得做research, 但填詞人方面, 自從wyman 成立左填詞人聯盟, 佢旗下的新人如小克, 陳詠謙, 林寶都好值得留意, 陳詠謙你可以聽下最近周柏豪的 "只有一事不成全你", 那種正能量恰如其分地交出, 唔會硬勵志, 又或者克勤的 "天河", "孔明燈", 都係俗世中的清泉", 小克當然有張繼聰的 "港九情", "永和號", 至近期梁炳的 "一再問究竟", 都可見其填詞功力, 林寶的 "懶音哥" 亦好令人意想不到.

林夕果邊當然亦有佢兩位弟子為樂壇寫盡好詞, 林若寧既 "時代巨輪" 的那種逼力, "七百年後" 的感慨, "花落誰家" 的環保意識, 無一不是大作, 你講的OnCall36小時, 即係 "連續劇", 正是林夕的另一位弟子林日曦的作品, 呢首歌作曲的鄧智偉亦係難得的奇才, "愛在記憶中找你", "義海豪情" 呢d 咁好聽既melody 都係佢寫的, 我前排聽過佢concert, 更感受到佢既才華... 其他音樂人當然亦有周博賢+謝安琪呢個組合, 有好多非情歌係經典, 寫盡大都市小角色的故事, 令到樂壇唔只係情情塔塔....

或者遲d 我share 下佢地d 歌上來, 希望你唔好覺得廣東歌已末日啦...

just my 2 cents~ ^^

fibbi

我認同現今年青人因有較多娛樂而對流行曲容易生厭。不過以前其實係先流行國語曲，英文曲，真係差唔多到七十年代尾先開始流行廣東歌。講番現在，當然學友克勤eason都係唱得之人，歌都好多代表作。但係個人觀感，我覺得啲現今啲詞好多都懶係fancy，太花巧，就攞鐘無艷嚟講，謝安棋唱得唔錯喎，首歌都幾好聽，但係啲詞唱咗都唔知唱乜。睇完我靜係想問佢攪乜。又關鐘無艷乜事？
我零願睇 "即使你離開，我熱情未改，這漫長夜裏，誰人是你所愛。。。"

imvitasoy

我唔係覺得廣東歌末日，而是覺得香港歌末日。 雖然在下一年唔少時間在香港，但作為pre-97 英屬香港人，感覺現在的香港與在下距離越來越遠。呢個係另一個 issue 有機會開post再講。

"不同時代"固然有一定解釋力，但並不全面。問返一D 90 後，例如在下犬兒，佢仍然會中意聽阿梅，一聽到今天今天星閃閃，就會身痕。 有次嚇我一跳，佢輕輕哼左隻"泥路上" 出來。 犬兒中文程度基本上等同在下的英文程度，所以他不會唱，但肯定的是，他仍然喜歡當年的音樂。
fibbi 講得有道理的，家陣的歌，好多都太刻意，太intentional 啦，歌詞刻意，玩聲刻意, 一係就無啦啦hip-hop手指篤天篤地，連動作都要刻意。

imvitasoy

但係始終覺得現今嘅歌唔係咁耐聽，尤其啲詞好多都唔知噏乜。

有次在下在香港坐小巴，車上播放太極(唔記得咩歌)  ，歌詞句句都好似好有意思， 但總是沒法把每一句連串起來，沒法聯想到他們在唱甚麼.......  
其實呢種情況出現好耐，只是近年實在太過份啦~

fibbi

填詞人我唔係認識很多，不過我覺得張美賢嘅唔錯。都幾鐘意佢寫嘅主題曲

fibbi

先賭為快

作曲：伍仲衡
作詞：張美賢
主唱：李克勤

站得太久 分岔口怎麼去走
我夠膽孤注一擲 完全沒有顫抖
愛你那段時候 簡簡單單經已足夠
到任何東西應有盡有 誰還留力舐傷口

*人生太短 出手要更大 旁觀者不需理解
贏得風光 豪得精彩 自己偏偏感覺失敗
自尊心都可以出賣 忘記我也是無壞
連幸福都輸掉醉在長街 依然是我最大

求得到手 首先該懂得放手
拿甚麼出去扺押 才能換愛永久
有了最大成就 所失的趕不上補救
發誓贏它多一次就夠 為何仍沒法收手

Repeat *

奇蹟太少 這心癮更大 受傷都不需慰解
唾手可得 全個世界 自己的一生卻失敗
自尊心都可以出賣 忘記我也是無壞
連幸福都輸掉醉在長街 依然是我最大
連夢想灑一地再任人踩 依然笑得爽快

---------
Melody 唔錯，克勤唱功就唔洗講啦，詞亦都好貼合套劇嘅主題。