誰是「牛四萬」同「甲組仔」？

早幾日同個唱片界前輩講起「牛四萬」同「甲組仔」，前輩話俾媽咪姐聽，「牛四萬」之所以對「甲組仔」咁好，原來關「黑仔」事。早幾年前有傳「牛四萬」同「黑仔」因為拍電影《濕木弱水》而撻着，事實佢哋真係拍過拖一段時間。拍拖甜蜜期，梗係樣樣都好啦，但日子耐咗，就……講番轉頭，當年「牛四萬」真係好鍾意「黑仔」，幾乎一日唔見過都會死咁款，啱啱見完冇耐，又話要見，最興喺半夜兩、三點上去「黑仔」屋企。「黑仔」一向都係同老竇老母住，「牛四萬」成日半夜三更失驚無神咁走上去，咁搞法好唔方便。「黑仔」好言好語同佢講又唔聽，忍無可忍大聲鬧又唔得，已經令到「黑仔」好唔高興。仲有最令「黑仔」頂唔順嘅，就係「牛四萬」有理無理、有人無人都突然無緣無故大笑一餐。話佢癲又唔係、話佢傻又唔似。就因為咁，「黑仔」卒之頂唔住，咪飛咗「牛四萬」囉。
前輩話，事實上「牛四萬」到依家都仲係好掛住「黑仔」，咁啱「甲組仔」又真係有某啲地方同「黑仔」好相似。呢個就係「牛四萬」嫁「甲組仔」嘅其中一個原因嘞。

附件: 您需要登錄才可以下載或查看附件。沒有帳號？註冊