返回列表 發帖

周秀娜---人肉攬枕

本帖最後由 wow 於 2009-7-30 18:18 編輯

半年暴富周秀娜潮州少女變百萬 o靚模

【 09動漫星戰場-今日開幕】 o靚模可畏! 10歲隨父母由潮州移居香港的周秀娜( Chrissie),今年初憑一輯收身廣告一脫成名,旋即成為一眾電車男日夜供奉的 o靚界女神。乘着 o靚模熱潮,周秀娜近半年來寫真、電影、廣告及精品多管齊下,勁賺逾 400萬,吸水力之強勁,直教一眾 o靚模汗顏兼嫉妒。勤力搵銀的她,今日更會現身動漫節親力親為推銷印有其性感肖像的攬枕,誓要一眾 fans破慳囊。

其他娛樂名人影片

斷估當初拿着小皮篋隨雙親由潮州來港的 10歲小姑娘,也沒想過 14年後能變成百萬富婆。 24歲的傳奇 o靚模周秀娜在灣仔金百利商場做過售貨員,曾是動漫節 game girl,也客串過電影,但令她一舉成名的卻是今年初開始在大街小巷播出的怒撕上衣收身廣告。
放大圖片

周秀娜親身示範如何抱着其性感肖像攬枕睡,香艷誘人。

周秀娜親身示範如何抱着其性感肖像攬枕睡,香艷誘人。
放大圖片
周秀娜昨日親自到動漫節的攤位上整理其肖像攬枕,準備今日正式開賣。

周秀娜昨日親自到動漫節的攤位上整理其肖像攬枕,準備今日正式開賣。
「我哋都唔係吹氣」

隨着 o靚模熱潮盛行,周秀娜乘勢在書展推出噴血寫真《 Kissy Chrissie》,又食雪糕又玩牙膏,結果大賣 22,000本,加印完又加印,今日開鑼的動漫節她又推出印有其性感肖像的 Tee及攬枕,誓要掏光電車男的午飯錢始甘休。且不管打假波傳聞孰真孰假,潮州 o靚模周秀娜在半年間不經不覺已狂執逾 400萬元(詳見附表),難得她還謙虛地說:「實際數字我就唔講啦!但我好滿意。」動漫節今日開鑼,周秀娜昨日率先與 8模中的 DaDa(盧頌之)和 Isabel(賴慧敏)到灣仔會展執拾攤位,準備今日開賣肖像攬枕和性感 Tee。三人看見印有自己肖像的攬枕均欣喜若狂,不顧儀態擁着又攬又啜, Isabel說:「呢個攬枕咁大,最舒服係用隻腳夾住佢瞓。」 DaDa則表示想留一個送給媽咪,周秀娜還裝睡倚在攬枕上咬手指,甫士甚為挑逗,附近攤位的工作人員看到她紛紛拿出手機拍照。周秀娜這次推出印有黑色喱士和粉紅內衣照共兩款攬枕,她自言較喜歡黑色喱士的一款,她說:「公司一早畀咗一個我拎番屋企,晚晚攬住瞓,好興奮。有次公司同事將呢個攬枕放喺梳化,清潔姐姐推開門掃地,見到個攬枕就猛話唔好意思,佢以為我瞓咗喺梳化上,好搞笑,證明個攬枕嘅仿真程度好高。」對於白韻琴指其攬枕功效如吹氣 Mary,周秀娜說:「唔同,我哋都唔係吹氣,我哋嘅質地係咕,大家唔好誤會,我就冇興趣知仲有乜嘢用途,其實大家買番去咪等於支持我,鍾意我啫,我有信心大家都鍾意。」問到可會送攬枕給男友代替自己?她說:「男友都冇得傾,叫佢自己訂。」
放大圖片

DaDa對自己的三點式肖像攬枕愛不釋手。

DaDa對自己的三點式肖像攬枕愛不釋手。
放大圖片
Isabel(左)昨日與 DaDa分工合作,把攬枕搬上貨架。



Yumi昨日暗寸周秀娜推出的巨型攬枕別有用途。

Yumi昨日暗寸周秀娜推出的巨型攬枕別有用途。

周秀娜今日會親到攤檔促銷第二版寫真集和其他產品,問她可擔心人潮過多令鄭融胸襲事件重演?她說:「我有睇過報道,希望鄭融可以快啲平復番心情。我相信同衣着性唔性感無關,我唔會太擔心,而且公司都會安排人手保護我。」其經理人 Roy則透露第二版寫真加印了 9,000本,肖像攬枕每款有 100個,性感 Tee每款 150件,若售罄會接受預訂,盡量不會讓 fans失望。此外,尹蓁晞( Yumi)昨日到 apm出席活動時,提到周秀娜推出人形攬枕,她再次出言暗寸說:「細攬枕就 OK啦,人形就有少少問題,好奇怪,會擔心啲男人買番去都唔知做乜,最好個套除到出嚟洗,咁樣會衞生啲。」採訪:比華利、王崇穎攝影:陳慧安、陳順禎
一剝成名財源滾滾

24歲的周秀娜今年憑一輯收身廣告一剝成名,再食住 o靚模熱潮,寫真、電影、廣告連出騷費,單單半年便狂執 400多萬,堪稱 o靚界神話之一。項目:寫真集簡介:賣 98元的《 Kissy Chrissie》首版售出 22,000本,加印再賣 9,000本,抽佣 15%酬金:約 46萬元項目:電影簡介:接拍《死神儍了》、《全城戒備》及《非常殺人事件》,每套片酬 15萬酬金: 45萬元項目:廣告簡介:兩輯詩琳廣告酬金:約 150萬項目:網站精品簡介:為網站潮幫推出 300個賣 498元的人形攬枕,及 400件賣 328元的 Tee,抽佣約 30%。酬金:約 84,000元項目:動漫節精品簡介:價值 330元的性感 Tee估計賣出 150件, 598元的攬枕估計賣出 200個,佣金 15%酬金:約 25,000元項目:宣傳活動簡介:近數個月出席約 50次 event,出騷費每場 35,000元酬金:約 175萬總數:約 427萬
放大圖片
廣告

廣告
放大圖片
宣傳活動

宣傳活動
動漫節今日看點

• A.Lin和 DaDa以 cosplay造型亮相,或許突破性感極限。• Lavina加 Rainbow攞正牌踩入動漫節,與周秀娜正面交鋒。•封胸一輪的趙碩之破繭而出,力求收復失地。•日本動漫天后下川美娜來港表演。
今日活動時間表

10:00am  Lavina、 Rainbow出席動漫節開幕禮10:45am  Kama、 A.Lin、 DaDa齊齊 cosplay Xbox 360遊戲主角11:15am 趙碩之、戴夢夢、 Melody出席動漫節主題曲 MV首播會1:00pm  Lavina宣傳《夏之盛放》寫真集2:00pm 崔建邦主持《 My Name is邦》,訪問馬榮成3:00pm 椋名凜出席《 CS Online》活動4:00pm 周秀娜宣傳其性感肖像 Tee及咕5:30pm  Color、 Agirls出席 Color寫真集簽名會6:00pm 美味天使寫真集簽名會7:30pm 下川美娜、 Haze、 Climax參演 Heartbeat青年音樂祭表演資料來源:動漫節


除在動漫節上售賣攬枕,周秀娜早前更與網站合作推出 1:1三點式人形咕。

會有幾多香港毒男又比錢周秀娜洗???????
附件: 您需要登錄才可以下載或查看附件。沒有帳號?註冊



附件: 您需要登錄才可以下載或查看附件。沒有帳號?註冊

TOP

嚇親細路仔
我好惹火。。。

TOP

真係有生意頭腦,香港有希望
無希望無失望

TOP

半夜起身小便可能嚇親...

TOP

嚇親細路仔
Littleprince 發表於 2009-7-31 11:02

而家d 細路仔唔會咁易嚇親架喇!
反正係會嚇親d 家長就真~

TOP

本帖最後由 Littleprince 於 2009-7-30 21:13 編輯

甘大個頭﹐唔嚇親就假喇。。。我都肯定會比她嚇親﹐所以一定唔會買。。。
我好惹火。。。

TOP

Oh shoot ..  those 人肉攬枕 ...  are POOR MAN VERSION  blow air doll ??


I wonder .. soon .. will see lots of USED 人肉攬枕 for sell in HK .. lol

TOP

Oh shoot ..  those 人肉攬枕 ...  are POOR MAN VERSION  blow air doll ??
I wonder .. soon .. will see lots of USED 人肉攬枕 for sell in HK .. lol
Catpiano 發表於 2009-7-31 12:42

used 人肉攬枕?... 駛唔駛咁慳呀? 應該唔會好貴一個, 買個新好過啦!

TOP

甘大個頭﹐唔嚇親就假喇。。。我都肯定會比她嚇親﹐所以一定唔會買。。。
Littleprince 發表於 2009-7-31 12:11

小王妹, 你都唔係人肉攬枕既target customer, 你梗係唔會買啦!
話唔定有人會買幾個番屋企, 可以玩3p, 4p, 5p 呀!

TOP

返回列表