夜生活女王結局編之孤男寡女reunited

一連百幾集嘅<夜生活女王>系列終於去到最尾一集﹐係咪好唔捨得呢?

多謝各為來信﹐我有機會再分享其他友人嘅色/情小故事啦。臨別抽波就緊係recap翻過去幾集出現過嘅人物。好多人都好想知呢班蛋散嘅下落﹐今集"孤男寡女reunited"同你update故事之後各人去向。

佢唔愛你啦.....

話說呢集女主角(無俾名佢)搭上一個識左好耐嘅澳洲仔﹐本來一直都係webcam關係﹐但係估唔到最終見面原來唔係果回事。事後一直有好多對澳洲仔不利嘅傳言﹐而且都係來自澳洲仔身邊嘅朋友。女事主無當真不得止﹐仲繼續同澳洲仔保持"友好"關係。雖然口講﹐"i'm so over him"但係明眼人都知﹐佢仲未死心﹐當然想有一日有情人終成眷屬啦。我哋呢D第三者﹐點敢出聲呀。

逆插玫瑰.....

露西嘅故事都幾dramatic。好多人都好關心而家佢仲有無同"白粉男"一齊﹐不過真係失左聯絡。同男友搬左去Prince George之後無耐﹐佢喺Facebook delete左好多Vancouver嘅朋友。有心一刀切﹐應該無咩機會再碰到佢...

男/男之間的一宗罪.....

件事暴光後﹐阿笨同阿占都好少聯絡。其實好多人都發現阿占嘅"惡行"﹐都覺得佢幾古怪。阿笨一直無勇氣同佢親口講﹐"你可唔可以唔好咁喉擒?"心諗﹐就算少一個朋友都好過多一個敵人。講左傷感情﹐一定無彎轉。最近一D聚會碰頭都係寒喧兩句﹐當無事。但係聽講私底下﹐好多人都列阿占入blacklist。

男/女之間的一宗罪.....

實不相瞞﹐呢個故事兩位主人翁其實係兩個男人。但係因為尺度問題﹐又由於我真係唔知LYK可唔可以relate到gay couple嘅故仔﹐所以最後決定將個原稿改位一男一女。不過都OK﹐因為有女性朋友都有差唔多經驗﹐所以都套得入個情形。話說一個gay friend同我呻﹐出面好多同志都好唔惦﹐一D普通courtesy都無﹐做完就叫你走鬼﹐好離普。其實仲有其他故仔可以分享﹐想聽就等season 2。

色與情.....

"少妹"都仲係同緊"賀生"一齊﹐但係確實見少左小妹。因為賀生真係不善應酬﹐所以有咩活動都唔會出現。間接令小妹好guilty﹐好難獨自去偷歡。經過一連串甩底﹐其實都好少約小妹出街﹐知道佢最後都會因為唔同原因唔會出。

午夜情......

蘇珊呢位奇女子真係講十集都講唔完。好多人都不斷問我關於呢件事嘅background。先要強調﹐呢個係100%事實﹐除左名改左之外﹐內容係無添加。間coffee shop關門大吉之後﹐所有staff都各散東西。一段時間之後有其中一位前waitress見到蘇珊喺之前做果間舞廳出現。大概都係做翻老本行啦。但係再過一陣﹐就好似連舞廳都無做﹐亦無人再見過佢。仁公子一早就有新歡啦﹐呢個係意料中事。另外﹐果個同蘇珊搭上過﹐有過大肚疑雲嘅客仔﹐仍然揭而不捨同一班舊街坊講緊蘇珊果對38 double D假胸。

再次多謝各位支持﹐希望有緣再同你哋分享我身邊嘅夜生活。

-- 夜生活女王結局編